iPhone 16 Price Drop: అమేజాన్ సేల్‌లో ఐఫోన్ 16 ధర తగ్గిందని కొనేయాలని చూస్తున్నారా? అయితే ఒక్క నిమిషం ఆగండి! అదే బడ్జెట్‌లో అంతకంటే కొత్త ఐఫోన్ కూడా తక్కువ ధరకే దొరుకుతోంది. ఓవైపు ఐఫోన్ 16, మరోవైపు ఐఫోన్ 17e, ఇంకోవైపు బడ్జెట్ ఫోన్ ఐఫోన్ 16e.. మరి వీటిలో ఏది కొంటే మీ డబ్బుకు సరైన విలువ దక్కుతుంది? ఏ ఫోన్‌లో ఏ ఫీచర్లు ఉన్నాయి? కొనేముందు ఈ విషయాలు తెలుసుకుంటే మీ నిర్ణయం మారొచ్చు.
అమేజాన్‌లో ఐఫోన్ 16 (128GB) ధర రూ.76,999గా ఉంది. ఇందులో ఏ18 చిప్‌సెట్, యాపిల్ ఇంటెలిజెన్స్ ఫీచర్లు ఉన్నాయి. వెనుకవైపు రెండు కెమెరాలు ఉండటంతో వైడ్ యాంగిల్, అల్ట్రా వైడ్ ఫొటోలు తీయొచ్చు. మ్యాక్రో ఫొటోగ్రఫీకి కూడా ఉపయోగపడుతుంది. కెమెరా కంట్రోల్ బటన్ మరో ప్రత్యేకత. ఫొటోలు, వీడియోలు ఎక్కువగా తీసేవాళ్లకు ఈ ఫోన్ మంచి ఎంపిక.
Also Read: ఈ ఫోన్ డిస్‌ప్లే రిపేర్ ఖర్చుతో iPhone 18 Pro కొనేయొచ్చు.. యాపిల్ కొత్త ఫోల్డబుల్ రేట్లు తెలుసా?
ఐఫోన్ 17e (256GB) ధర రూ.71,999గా ఉంది. ఐఫోన్ 16 కంటే సుమారు రూ.5,000 తక్కువకే లభిస్తోంది. ఇందులో కొత్త ఏ19 చిప్‌సెట్, రెట్టింపు స్టోరేజ్ ఉన్నాయి. మ్యాగ్‌సేఫ్ వైర్‌లెస్ ఛార్జింగ్ సపోర్ట్ కూడా ఉంది. అయితే వెనుకవైపు ఒకే కెమెరా ఉంటుంది. కెమెరా కంటే ఫోన్ వేగం, ఎక్కువ స్టోరేజ్ ముఖ్యమనుకునేవాళ్లకు ఇది మంచి ఆప్షన్.
ఐఫోన్ 16e (128GB) ధర రూ.59,900. ఇందులో ఏ18 చిప్‌సెట్, యాపిల్ ఇంటెలిజెన్స్ సపోర్ట్ ఉన్నాయి. రోజువారీ వాడకానికి ఇది సరిపోతుంది. ఐఫోన్ 16తో పోలిస్తే సుమారు రూ.17,000 ఆదా చేసుకోవచ్చు. అయితే అల్ట్రా వైడ్ కెమెరా, కెమెరా కంట్రోల్ బటన్ ఇందులో ఉండవు. తక్కువ ఖర్చుతో ఐఫోన్ కొనాలనుకునేవాళ్లు ఈ మోడల్‌ను పరిశీలించొచ్చు.
ఫొటోగ్రఫీకి ప్రాధాన్యం ఇస్తే ఐఫోన్ 16, కొత్త ప్రాసెసర్‌తో పాటు ఎక్కువ స్టోరేజ్ కావాలంటే ఐఫోన్ 17e, తక్కువ బడ్జెట్‌లో ఐఫోన్ కావాలంటే 16e ఎంచుకోవచ్చు. ఫోన్ కొనేముందు అమేజాన్ ధరలు, బ్యాంక్ ఆఫర్లు, ఎక్స్చేంజ్ డిస్కౌంట్లు కూడా చెక్ చేయండి. కేవలం ధర తగ్గిందని కాకుండా.. మీ అవసరాలకు ఏ ఫోన్ సరిపోతుందో చూసుకుని నిర్ణయం తీసుకోవడం మంచిది.
Also Read: ఆకట్టుకునే లుక్, అడ్వాన్స్‌డ్ ఏఐ ఫీచర్స్‌తో Samsung Galaxy F70 5G వచ్చేస్తోంది!
Share
వరి లేకుండానే సిరుల సాగు! అది ఆదర్శ వ్యవసాయ గ్రామం! సంప్రదాయ పంటలుండవు.. అంతా లాభదాయక సాగే..!
నా కోరిక నెరవేరలేదు.. ఎమ్మెస్ సుబ్బలక్ష్మి బయోపిక్ పై విద్యాబాలన్ కామెంట్స్!
