iPhone 17 Pro Price Cut: గతేడాది విడుదలై టెక్ ప్రపంచాన్ని షేక్ చేసిన యాపిల్ బ్రాండ్ iPhone 17 Pro కొనాలనుకునే వారికి గుడ్ న్యూస్. ఈ ఫోన్ను తక్కువ ధరకే సొంతం చేసుకోవడానికి ఇంతకంటే మంచి సమయం రాదు. కొత్తగా వచ్చిన కాస్మిక్ ఆరెంజ్, సిల్వర్ లేదా బ్లూ కలర్ మోడల్ను సొంతం చేసుకోవడానికి విజయ్ సేల్స్లో అదిరిపోయే డీల్ నడుస్తోంది. ఆ వివరాల్లోకి వెళ్లిపోదాం రండి..
ప్రస్తుతం విజయ్ సేల్స్లో iPhone 17 Pro ధరపై రూ.4,000 కంటే ఎక్కువ తగ్గింపుతో రూ.1,30,790కే లభిస్తోంది. ఒకవేళ అమెరికన్ ఎక్స్ప్రెస్ కార్డ్ ద్వారా కొంటే.. బ్యాంక్ ఆఫర్ కింద మరో రూ.9,750 అదనపు డిస్కౌంట్ లభిస్తుంది. దీంతో ఈ ఫోన్ ధర దాదాపు రూ.1,21,000కి తగ్గుతుంది. అలాగే మీ వద్ద ఉన్న పాత ఫోన్ను ఎక్ఛేంజ్ చేసుకోవాలనుకుంటే.. మరికొంత లబ్ధి పొందవచ్చు.
ఒకవేళ అమెరికన్ ఎక్స్ప్రెస్ కార్డ్ లేకపోయినా ఎస్బీఐ లేదా ఐసీఐసీఐ బ్యాంక్ క్రెడిట్ కార్డ్లతో రూ.4,000 వరకు డిస్కౌంట్ అందుకోవచ్చు. అలాగే కస్టమర్లు నెలకు రూ.21,131 చొప్పున 6 నెలల పాటు నో-కాస్ట్ ఈఎంఐ సౌకర్యాన్ని వాడుకోవచ్చు. వీటితో పాటు రూ.981 విలువైన రివార్డ్ పాయింట్లు కూడా లభిస్తాయి. వీటిని వచ్చే ఏడాది వాడుకోవచ్చు.
Also Read: కెమెరా ప్రియులకు పండగే.. లీకైన Vivo V80, Vivo S2 ఫీచర్లు.. లుక్స్ వేరే లెవల్ అంతే!
ఈ సరికొత్త మోడల్లో యాపిల్ సంస్థ ట్రిపుల్ కెమెరాతో కూడిన కొత్త స్క్వేర్ కెమెరా డిజైన్, మెరుగైన బ్యాటరీ, అద్భుతమైన డిస్ప్లేను ఇచ్చింది. అలాగే దీనిలో శక్తివంతమైన ఏ19 ప్రో చిప్, మూడు 48 మెగాపిక్సెల్ కెమెరాలు ఉన్నాయి. దీంతోపాటు ఫోన్ వేడెక్కకుండా వాటర్ వేపర్ ఛాంబర్ టెక్నాలజీని, మెరుగైన మన్నిక కోసం సెరామిక్ షీల్డ్ 2ను ఉపయోగించారు.
మీరు గనుక ఇప్పటికే iPhone 15 Pro లేదా అంతకంటే పాత మోడల్ వాడుతుంటే.. ఈ ఫోన్ అద్భుతమైన అప్గ్రేడ్ అవుతుంది. దీనిలో రెండు నుండి మూడు గంటల అదనపు బ్యాటరీ లైఫ్ లభిస్తుంది. అయితే, ఇప్పటికే iPhone 16 Pro ఉన్నవారికి ఈ మార్పులు పెద్దగా అనిపించకపోవచ్చు. పాత ఫోన్ల వినియోగదారులకు ఈ ఆఫర్ ధరలో ఇది బెస్ట్ డీల్ అని చెప్పవచ్చు.
Also Read: ఐకూ దెబ్బ మామూలుగా లేదుగా.. 8000mAh బ్యాటరీతో 15T మోడల్ వచ్చేస్తోంది.. ఆ రోజే లాంచ్!
Share
రాయల్ ఎన్ ఫీల్డ్ కొత్త బైక్ల జోరు.. ఎలక్ట్రిక్, హైబ్రిడ్ మోడళ్లు కూడా వచ్చేస్తున్నాయ్!
చిన్న కిచెన్.. తక్కువ బడ్జెట్! రూ. 20వేలలోపు టాప్ టేబుల్ టాప్ డిష్వాషర్స్
