iQOO 15 Ultra: 144Hz డిస్‌ప్లే, కూలింగ్ ఫ్యాన్, 24GB RAMతో కొత్త గేమింగ్ ఫోన్ లాంచ్.. ధర ఎంతంటే?

iQOO 15 Ultra| చైనాలో ఐకూ కంపెనీ తన కొత్త ఫ్లాగ్‌షిప్ స్మార్ట్‌ఫోన్ ఐకూ 15 అల్ట్రా (iQOO 15 Ultra)ని లాంచ్ చేసింది. ఈ ఫోన్ గేమర్లు, హై-పెర్ఫామెన్స్ కోరుకునే యూజర్ల కోసం ప్రత్యేకంగా తయారు చేశారు. పెద్ద బ్యాటరీ, అడ్వాన్స్‌డ్ కూలింగ్ సిస్టమ్, పవర్‌ఫుల్ ప్రాసెసర్‌తో గేమింగ్ ఎక్స్‌పీరియన్స్‌ని మరింత అప్‌గ్రేడ్ చేశారు. కెమెరాలు, డిస్‌ప్లే, కనెక్టివిటీలో కూడా టాప్-లెవల్ ఫీచర్లు ఉన్నాయి.

డిస్‌ప్లే, డిజైన్

ఐకూ 15 అల్ట్రాలో 6.85 ఇంచ్ 2K LTPO OLED డిస్‌ప్లే ఉంది. 144Hz రిఫ్రెష్ రేట్‌తో స్మూత్ స్క్రోలింగ్, ఫాస్ట్ టచ్ రెస్పాన్స్ ఇస్తుంది. శాంసంగ్ M14 మెటీరియల్ వల్ల వైబ్రెంట్ కలర్స్ వస్తాయి. HBM మోడ్‌లో 2600 నిట్స్, పీక్ బ్రైట్‌నెస్ 8000 నిట్స్ వరకు ఉంటుంది. Eye Protection 2.0 ఫీచర్ ఎక్కువ సేపు గేమింగ్ చేసినా కళ్లకు తక్కువ స్ట్రెయిన్ ఇస్తుంది.

పనితీరు, గేమింగ్ ఫీచర్లు

స్నాప్‌డ్రాగన్ 8 ఎలైట్ Gen 5 ప్రాసెసర్‌తో రన్ అవుతుంది. AnTuTu 11లో 4.51 మిలియన్ స్కోర్ సాధించింది. 2K రిజల్యూషన్‌లో 144fps గేమింగ్ సపోర్ట్ చేస్తుంది. Q3 గేమింగ్ చిప్ గ్రాఫిక్స్ స్మూత్‌గా ఇస్తుంది. 24GB వరకు LPDDR5X RAM, 1TB UFS 4.1 స్టోరేజ్ ఆప్షన్లు ఉన్నాయి. Ice Dome ఫ్యాన్, 8000mm² VC కూలింగ్ ప్లేట్, డ్యూయల్-లేయర్ గ్రాఫైట్ షీట్‌తో అడ్వాన్స్‌డ్ కూలింగ్ ఉంది. షోల్డర్ బటన్స్, సెన్సిటివ్ గైరోస్కోప్, ఫాస్ట్ టచ్ రెస్పాన్స్ గేమర్లకు బెస్ట్ ఎక్స్‌పీరియన్స్ ఇస్తాయి.

కెమెరా సెటప్

రియర్‌లో 50MP Sony ప్రైమరీ కెమెరా (OIS సపోర్ట్), 50MP అల్ట్రా-వైడ్, 50MP Sony పెరిస్కోప్ టెలిఫోటో కెమెరాలు ఉన్నాయి. ఫ్రంట్‌లో 32MP కెమెరా సెల్ఫీలు, వీడియో కాల్స్‌కు బాగుంటుంది. AI ఫీచర్లు, సినిమాటిక్ ఇమేజ్ ప్రాసెసింగ్ ఫోటో క్వాలిటీని మెరుగుపరుస్తాయి.

బ్యాటరీ, ఛార్జింగ్

7400mAh సింగిల్-సెల్ పెద్ద బ్యాటరీ ఉంది. 100W వైర్డ్ ఫాస్ట్ ఛార్జింగ్, 40W వైర్‌లెస్ ఛార్జింగ్ సపోర్ట్ చేస్తుంది. PPS, PD ఛార్జింగ్ స్టాండర్డ్స్ కూడా ఉన్నాయి. ఎక్కువ సేపు గేమింగ్, హై-పెర్ఫార్మెన్స్ ఉపయోగానికి బాగుంటుంది.

ఆడియో, ఇతర ఫీచర్లు

డ్యుయల్ స్పీకర్లు డాల్బీ అట్మోస్ సపోర్ట్‌తో గొప్ప సౌండ్ ఇస్తాయి. అడ్వాన్స్‌డ్ వైబ్రేషన్ మోటార్, కస్టమైజబుల్ నోటిఫికేషన్ లైటింగ్ ఉన్నాయి. ఇన్-డిస్‌ప్లే 3D అల్ట్రాసోనిక్ ఫింగర్‌ప్రింట్, ఇన్‌ఫ్రారెడ్ సెన్సార్ సెక్యూరిటీ ఇస్తాయి.

డ్యూరబిలిటీ, కనెక్టివిటీ

IP68, IP69 రేటింగ్‌లతో వాటర్, డస్ట్ రెసిస్టెన్స్ ఉంది. 5G SA/NSA, డ్యూయల్ 4G VoLTE, Wi-Fi 7, బ్లూటూత్ 6.0, NFC, USB Type-C 3.2 Gen1 ఉన్నాయి. మల్టీ-బ్యాండ్ GPS (Beidou, GLONASS, Galileo, QZSS) సపోర్ట్ చేస్తుంది.

Also Read: ఇన్‌స్టాగ్రామ్‌లో యాడ్స్‌తో విసిగిపోయారా? ఈ సెట్టింగ్స్‌తో ఈజీగా ఆఫ్ చేయండి

స్టోరేజ్ ఆప్షన్లు, ధరలు

16GB + 256GB స్టోరేజ్ వేరియంట్ ధర – 5,699 CNY (భారత కరెన్సీలో సుమారు రూ.74,300)
16GB + 512GB స్టోరేజ్ వేరియంట్ ధర – 5,999 CNY (సుమారు రూ.78,200)
16GB + 1TB స్టోరేజ్ వేరియంట్ ధర – 6,999 CNY (సుమారు రూ.91,200)
24GB + 1TB స్టోరేజ్ వేరియంట్ ధర – 7,699 CNY (సుమారు రూ.1,00,400)
2077 బ్లాక్, 2049 సిల్వర్ రంగుల్లో దొరుకుతుంది. చైనాలో ప్రీ-ఆర్డర్ ప్రారంభమైంది, ఫిబ్రవరి 10 నుంచి సేల్ మొదలవుతుంది.

iQOO 15 అల్ట్రా గేమర్లు, హై-పెర్ఫామెన్స్ యూజర్లకు పర్ఫెక్ట్ ఫోన్. 2K 144Hz డిస్‌ప్లే, స్నాప్‌డ్రాగన్ 8 ఎలైట్, 7400mAh బ్యాటరీ, అడ్వాన్స్‌డ్ కూలింగ్‌తో పవర్‌ఫుల్ గేమింగ్ అనుభవం ఇస్తుంది. కెమెరాలు, కనెక్టివిటీ, డ్యూరబిలిటీలో కూడా టాప్-క్లాస్ ఫీచర్లు ఉన్నాయి. టెక్ ఔత్సాహికులకు ఇది టోటల్ ఫ్లాగ్‌షిప్ డివైస్.