iQOO Z11| ఐకూ కంపెనీ తాజాగా ప్రీమియం ఫీచర్స్తో ఐకూ iQOO Z11 స్మార్ట్ఫోన్ చైనాలో లాంచ్ చేసింది. ఈ ఫోన్ ప్రధానంగా పెద్ద బ్యాటరీ, బలమైన పర్ఫామెన్స్, ఆధునిక ఫీచర్లతో మిడ్ రేంజ్ మార్కెట్లో ఎంట్రీ ఇచ్చింది. పెద్ద డిస్ప్లే, పవర్ఫుల్ ప్రాసెసర్, ఫాస్ట్ ఛార్జింగ్, AI ఫీచర్లతో ఈ ఫోన్ హెవీ యూజర్లు మరియు గేమర్లకు చాలా ఆకర్షణీయంగా ఉంటుంది.
iQOO Z11 అనేక వేరియంట్లలో లభిస్తుంది.
8GB ర్యామ్ + 256GB స్టోరేజ్ వేరియంట్ ధర 2,299 చైనా యువాన్లు ( భారత కరెన్సీలో దాదాపు రూ.31,200)
12GB ర్యామ్ + 256GB వేరియంట్ ధర 2,499 చైనా యువాన్లు (దాదాపు రూ.34,000))
16GB ర్యామ్ + 256GB వేరియంట్ ధర 2,799 చైనా యువాన్లు (దాదాపు రూ.38,100)
12GB ర్యామ్ + 512GB వేరియంట్ ధర 2,999 చైనా యువాన్లు (దాదాపు రూ.40,800)
16GB ర్యామ్ + 512GB వేరియంట్ ధర 3,399 చైనా యువాన్లు (దాదాపు రూ.46,300)
ఈ ఫోన్ Skylight White, Polar Night Blackతోపాటు మరొక స్పెషల్ కలర్ ఆప్షన్లలో వస్తుంది.
iQOO Z11లో 6.83 ఇంచుల పెద్ద ఆమోలెడ్ డిస్ప్లే ఉంది. 2800*1260 పిక్సెల్ రిజల్యూషన్, 165Hz రిఫ్రెష్ రేట్, 300Hz టచ్ సాంప్లింగ్ రేట్ ఉన్నాయి. HDR సపోర్ట్, P3 వైడ్ కలర్ గామట్తో చాలా స్పష్టమైన, స్మూత్ విజువల్స్ ఇస్తుంది. స్లిమ్ బెజెల్స్తో ఆధునిక డిజైన్ ఉంది.
ఈ ఫోన్లో మీడియాటెక్ డైమెన్సిటీ 8500 ప్రాసెసర్ ఉంది. 4nm ఆర్కిటెక్చర్ ఆధారంగా ఉండటం వల్ల గేమింగ్, మల్టీటాస్కింగ్లో బలమైన పర్ఫామెన్స్ ఇస్తుంది. 16GB వరకు ర్యామ్, 512GB వరకు స్టోరేజ్ సపోర్ట్ ఉంది. ఆండ్రాయిడ్ 16 ఆధారిత OriginOS 6తో నడుస్తుంది. AI ఫీచర్లు కూడా ఉన్నాయి.
iQOO Z11లో డ్యూయల్ రియర్ కెమెరా సెటప్ ఉంది. 50MP మెయిన్ కెమెరా OIS (ఆప్టికల్ ఇమేజ్ స్టెబిలైజేషన్) సపోర్ట్తో ఉంది. 4K వీడియో రికార్డింగ్ సాధ్యమవుతుంది. 2MP డెప్త్ సెన్సర్ కూడా ఉంది. సెల్ఫీల కోసం 16MP ఫ్రంట్ కెమెరా ఉంది.
Also Read: ఇక కోడింగ్ ఉద్యోగాలకు మనుషులు అవసరం లేదు.. ఏఐ చేసేస్తుంది.. శాం ఆల్ట్మ్యాన్ షాకింగ్ వ్యాఖ్యలు
ఈ ఫోన్లో అతి పెద్ద హైలైట్ 9020mAh బ్యాటరీ. ప్రస్తుతం మార్కెట్లో అడ్వాన్స్ ఫీచర్ స్మార్ట్ఫోన్లలో అతి పెద్ద బ్యాటరీలలో ఒకటి. ఒక్కసారి ఛార్జ్ చేస్తే చాలా రోజులు రన్ అవుతుంది. 90W ఫాస్ట్ వైర్డ్ ఛార్జింగ్ సపోర్ట్ ఉంది. రివర్స్ ఛార్జింగ్ సపోర్ట్ కూడా ఉంది, ఇతర డివైసులను ఛార్జ్ చేయవచ్చు.
ఫోన్లో 7K Ice Dome కూలింగ్ సిస్టమ్ ఉంది. హెవీ గేమింగ్ సమయంలో వేడిని నియంత్రిస్తుంది. IP68, IP69 వాటర్, డస్ట్ రెసిస్టెన్స్ ఉన్నాయి. ఫోన్ బరువు 216 గ్రాములు మాత్రమే.
iQOO Z11 పెద్ద 9020mAh బ్యాటరీ, బలమైన ప్రాసెసర్, 165Hz డిస్ప్లే, 90W ఫాస్ట్ ఛార్జింగ్తో వస్తోంది. గేమర్లు ఎక్కువ సమయం ఫోన్ ఉపయోగించే వారికి ఇది చాలా మంచి ఆప్షన్. ప్రస్తుతం చైనాలో మాత్రమే లభ్యం. త్వరలోనే ప్రపంచవ్యాప్తంగా లాంచ్ కానుంది.
ముఖ్య గమనిక: ఈ కథనంలో మీకు తెలిపిన స్మార్ట్ఫోన్ లేదా దాని ధరలు.. ఆయా కంపెనీల ఆఫర్లపై ఆధారపడి ఉంటాయి. ఫోన్ కొనుగోలు చేసే సమయంలో సరిగా చెక్ చేసుకొని కొనాలని సూచన. ఈ కథనంలో పేర్కొన్న ధరలు మీరు కొనుగోలు చేసే సమయానికి మారిపోయి ఉండవచ్చు. ‘బిగ్ టీవీ’ ఈ విషయాలకు బాధ్యత వహించదు. కేవలం మీ అవగాహన కోసమే ఈ వివరాలు.
Share
Dhurandhar 2: బాక్సాఫీస్ వద్ద 'ధురంధర్ 2' సునామీ.. మొదటి వారం గ్రాస్ ఎంతంటే?
Brahmamudi Serial Today march 27th: ‘బ్రహ్మముడి’ సీరియల్: దుగ్గిరాల ఇంట్లోకి వెళ్లిన రాజు 
