NavIC ISRO GPS| చైనా మార్కెట్లో కొత్త స్మార్ట్ఫోన్ లాంచ్ అయింది. హానర్ బ్రాండ్ అద్భుత ఫీచర్లతో హానర్ పవర్ 2 ఫోన్ ప్రస్తుతం చైనాలో విడుదల అయింది. ఈ ఫోన్లో భారీ బ్యాటరీతో పాటు భారతదేశం అభివృద్ధి చేసిన నావిక్ నావిగేషన్ టెక్నాలజీ ఉండడం ప్రత్యేకం. అమెరికా జీపీఎస్కు పోటీగా ఇస్రో ఈ సాంకేతికత అభివృద్ధి చేసింది. నావిక్ ప్రాంతీయంగా మరింత కచ్చితమైన, నమ్మదగిన సిగ్నల్స్ అందిస్తుంది.
హానర్ పవర్ 2లో భారీ బ్యాటరీ అప్గ్రేడ్
హానర్ పవర్ 2లో 10,080mAh భారీ బ్యాటరీ ఉంది. ఇది ఎక్కువ కాలం ఛార్జ్ లేకుండా పనిచేస్తుంది. గేమింగ్, నావిగేషన్, రోజువారీ భారీ ఉపయోగాలకు అనువైనది. హానర్ ఈ బ్యాటరీని ఫోన్ ప్రధాన బలంగా చూపిస్తోంది. 80W ఫాస్ట్ ఛార్జింగ్ సపోర్ట్ కూడా ఉంది.
హానర్ అధికారిక చైనా వెబ్సైట్లో నావిక్ సపోర్ట్ను నిర్ధారించింది. ఫోన్ L5 ఫ్రీక్వెన్సీ బ్యాండ్తో నావిక్ను ఉపయోగిస్తుంది. జీపీఎస్, ఏ-జీఎన్ఎస్ఎస్, గ్లోనాస్ జీ1 వంటి ఇతర సిస్టమ్లతో కలిసి పనిచేస్తుంది. వివిధ ప్రాంతాల్లో ఉత్తమ నావిగేషన్ సిస్టమ్ను ఆటోమాటిక్గా ఎంచుకుంటుంది.
నావిక్ అంటే నావిగేషన్ విత్ ఇండియన్ కాన్స్టెలేషన్. ఇస్రో దేశీయంగా రూపొందించి, స్వయంగా నియంత్రించే స్వదేశీ నావిగేషన్ సిస్టమ్ ఇది. అన్ని భాగాలు భారత్లోనే తయారయ్యాయి. ప్రస్తుతం భారతదేశం, సరిహద్దుల నుంచి 1500 కిలోమీటర్ల వరకు కవర్ చేస్తుంది. భవిష్యత్తులో విస్తరణ ఉంటుంది. భారత ఉపగ్రహాల సహాయంతో కచ్చితమైన లొకేషన్ సమాచారం అందిస్తుంది.
నావిక్ స్టాండర్డ్ పొజిషనింగ్ సర్వీస్, రెస్ట్రిక్టెడ్ సర్వీస్ అందిస్తుంది. L5, S ఫ్రీక్వెన్సీ బ్యాండ్లపై పనిచేస్తుంది. భవిష్యత్తులో L1 బ్యాండ్ జోడించి ప్రపంచ డివైస్లతో అనుకూలత పెంచనున్నారు. 2018లో అధికారికంగా అభివృద్ధి చేశారు. ప్రాంతీయ కచ్చితత్వంపై దృష్టి పెట్టింది.
భారత ప్రభుత్వం నావిక్ టెక్నాలజీ ఉపయోగించాలని సంబంధిత రంగాలకు ప్రోత్సహిస్తోంది. భారత్లో విక్రయించే స్మార్ట్ఫోన్లలో అందుకే నావిక్ సపోర్ట్ తప్పనిసరి చేసింది. ఇది స్వదేశీ సిస్టమ్ను బలోపేతం చేస్తుంది. విదేశీ నావిగేషన్ సిస్టమ్లపై ఆధారపడటం తగ్గిస్తుంది.
Also Read: ఏఐతో డబ్బు సంపాదించడం ఎలా? సింపుల్ టిప్స్ ఇవిగో
జీపీఎస్ అంటే గ్లోబల్ పొజిషనింగ్ సిస్టమ్. అమెరికా మిలిటరీ అభివృద్ధి చేసింది. 31 ఉపగ్రహాలతో ప్రపంచవ్యాప్తంగా నావిగేషన్ అందిస్తుంది. చాలా స్మార్ట్ఫోన్లు లొకేషన్ సర్వీస్ కోసం జీపీఎస్పైనే ఆధారపడతాయి.
నావిక్ ప్రాంతీయంగా ఎక్కువ కచ్చితత్వం ఇస్తుంది. నగరాలు, స్థానిక ప్రాంతాల్లో మెరుగైన పనితీరు. జీపీఎస్కు నావిక్ సవాలు విసురుతుందని నిపుణులు అంటున్నారు. భవిష్యత్ అప్గ్రేడ్లతో ప్రపంచ స్థాయి పోటీ ఉంటుంది. హానర్ పవర్ 2లో నావిక్ వినియోగం భారత టెక్నాలజీకి అంతర్జాతీయ గుర్తింపు తెచ్చింది.
Share
Yuzvendra Chahal: యుజ్వేంద్ర చాహల్ కామ వాంఛ..మహిళా క్రికెటర్ తో అసభ్యంగా ప్రవర్తిస్తూ?
EV policy 2.0: పెట్రోల్, డీజిల్ కార్లను ఈవీలుగా మార్చండి, ఏకంగా రూ. 50 వేల ఆఫర్ పట్టేయండి!
