JioHotstar ChatGPT| జియోహాట్‌స్టార్‌లో మీకు ఇష్టమైన సినిమాలు, షోలు సులభంగా దొరికేలా రిలయన్స్ జియో.. ఓపెన్‌ఏఐతో భాగస్వామ్యం చేసింది. చాట్‌జీపీటీ ఆధారిత వాయిస్ సెర్చ్ ఫీచర్ త్వరలో వస్తోంది. ఇకపై ఎండ్‌లెస్ మెనూల్లో స్క్రోల్ చేయాల్సిన అవసరం లేదు. సెర్చ్ బార్‌లో టైప్ చేయాల్సిన పని లేదు. కేవలం మాట్లాడితే చాలు.. మీరు ఇష్టపడే సినిమాలు, షోలు సూచనలు వస్తాయి. యూజర్ మూడ్‌ని బట్టి ఈ ఫీచర్ కంటెంట్ సజెస్ట్ చేస్తుంది.
ఈ వాయిస్ సెర్చ్ చాట్‌జీపీటీ టెక్నాలజీతో పనిచేస్తుంది. సాధారణ మాటల్లోనే సెర్చ్ చేయవచ్చు. కచ్చితమైన కీవర్డ్స్ అవసరం లేదు. ఇండియన్ భాషల్లో మాట్లాడితే కూడా అర్థం చేసుకుంటుంది. మీరు ఇష్టపడే రీజనల్ భాషలో సెర్చ్ చేయవచ్చు. సాధారణ లోకల్ యాసలో సంభాషణలాంటి ప్రశ్నలకు స్మార్ట్‌గా సమాధానం ఇస్తుంది. మీ మూడ్, కాంటెక్స్ట్ బట్టి పర్సనలైజ్డ్ సజెషన్లు ఇస్తుంది. వాయిస్ కమాండ్ ఇచ్చిన వెంటనే రిజల్ట్స్ వస్తాయి.
జియోహాట్‌స్టార్ డిజిటల్ ఎంటర్‌టైన్‌మెంట్ బ్రౌజింగ్ విధానాన్ని మార్చాలనుకుంటోంది. ఏళ్ల తరబడి స్క్రోల్ చేసి, సెలెక్ట్ చేసి, స్ట్రీమ్ చేసే పాత పద్ధతి మారుతోంది. ఇకపై కాంప్లికేటెడ్ మెనూల్లో తిరగాల్సిన అవసరం లేదు. సినిమా పేర్లు మాన్యువల్‌గా టైప్ చేయాల్సిన పని లేదు. మీరు ఏమి చూడాలనుకుంటున్నారో చెప్పండి. ఉదాహరణకు: “స్నేహితులతో కలిసి చూసేందుకు ఫన్నీ మూవీలు సజెస్ట్ చేయి” అని అడిగితే తగిన సినిమాలు, షోలు వెంటనే చూపిస్తుంది. రిలేటెడ్ కంటెంట్ కూడా ఆటోమేటిక్‌గా సజెస్ట్ చేస్తుంది.
ఈ సిస్టమ్ మీ మూడ్‌ను అర్థం చేసుకుంటుంది. మాటల్లోని భావోద్వేగాలను బట్టి సినిమాలు సజెస్ట్ చేస్తుంది. రొమాంటిక్ మూవీలు కావాలా, థ్రిల్లింగ్ షోలు కావాలా – సులభంగా అడగవచ్చు. కుటుంబంతో కలిసి చూడడానికి తగిన కంటెంట్ కావాలన్నా చెప్పండి. AI అసిస్టెంట్ మిగిలిన పని సులభంగా చేస్తుంది. ఏం చూడాలో నిర్ణయించుకోవడంలో మీకు సులభంగా ఉంటుంది. ఎంటర్‌టైన్‌మెంట్ స్ట్రెస్ లేకుండా స్మూత్ అవుతుంది.
పూర్తి టెక్నికల్ డీటెయిల్స్ ఇంకా షేర్ చేయలేదు. కానీ స్పీచ్-టు-టెక్స్ట్, టెక్స్ట్-టు-స్పీచ్ ఏపీఐలు ఉపయోగిస్తారని నిపుణులు అభిప్రాయపడుతున్నారు. వాయిస్ కమాండ్స్‌ను త్వరగా అర్థం చేసుకుని ఇంటెంట్ అనలైజ్ చేస్తుంది. యూజర్ అభిరుచికి తగ్గట్టు రిజల్ట్స్ ఇస్తుంది. ఈ ఫీచర్ మొదట్లో కొన్ని లైవ్, ఆన్-డిమాండ్ సర్వీసెస్‌కు మాత్రమే వస్తుంది. తర్వాత పూర్తి ప్లాట్‌ఫామ్‌లో అందుబాటులోకి వస్తుంది.
Also Read: మనుషులపై జోకులు వేసే ఏఐలు.. మానవులకు నో ఎంట్రీ ప్లాట్‌ఫామ్.. చాలా ప్రమాదకరం
ఈ భాగస్వామ్యం కంటెంట్ డిస్కవరీలో పెద్ద మార్పు తెస్తోంది. AI, స్ట్రీమింగ్ టెక్నాలజీ కలిసి స్మార్ట్, ఇంటరాక్టివ్ ఎక్స్‌పీరియన్స్ ఇస్తాయి. వేగంగా సెర్చ్ రిజల్ట్స్, మెరుగైన సజెషన్లు వస్తాయి. మిలియన్ల మంది వ్యూయర్లకు ఎంటర్‌టైన్‌మెంట్ సులభమవుతుంది. ఏం చూడాలో ఎంచుకోవడం ఇకపై చాలా సులభమవుతుంది. జియోహాట్‌స్టార్ ఇండియాలో స్ట్రీమింగ్ అలవాట్లను మార్చాలనుకుంటోంది. ఈ మూవ్ డిజిటల్ ఎంటర్‌టైన్‌మెంట్ సర్వీసెస్‌కు కొత్త స్టాండర్డ్ సెట్ చేయవచ్చు.
Share
Peddapalli District: పెద్దపల్లిలో కత్తిపోట్ల కలకలం.. బాబాయ్ కొడుకుపై కిరాతకం.. అసలు కారణం తెలిస్తే షాకవ్వాల్సిందే!
Gundeninda GudiGantalu Today episode: శోభాతో శృతి గొడవ.. సత్యం ఇంట బొమ్మకొలువు.. మనోజ్ పై బాలు ఫైర్..
