Headphones Chemicals| ఈ రోజుల్లో చాలామంది వీడియోలు చూడడానికి, మ్యూజిక్ వినడానికి హెడ్ఫోన్స్ ఉపయోగిస్తారు. కొందరికి ఇది అలవాటైతే చాలా మందికి ఇది వ్యసనంగా మారింది. పైగా మంచి క్వాలిటీ సౌండ్ ఎక్స్పీరియన్స్ కోసం బ్రాండెడ్ కంపెనీల హెడ్ఫోన్స్ ఇష్టపడతారు. అయితే ఈ బ్రాండెడ్ హెడ్ఫోన్స్లో హానికర కెమికల్స్ ఉన్నాయని ఇటీవలే జరిగిన అధ్యయనంలో తేలింది.
ఈ అధ్యయన ఫలితాలు చూసి చాలా మంది కస్టమర్లు ఆందోళనకు గురయ్యారు. ఈ అధ్యయనంలో 81 రకాల హెడ్ఫోన్ మోడల్స్ పరీక్షించారు. ఈ 81 మోడల్స్లో ప్రతి దాంట్లో ప్రమాదకర పదార్థాలు ఉన్నాయి.
సెంట్రల్ యూరప్లోని పలు సివిల్ కంపెనీలు కలిసి ToxFREE LIFE for All అనే ప్రాజెక్ట్ చేశాయి. ఓవర్-ఇయర్, ఇన్-ఇయర్ హెడ్ఫోన్లను కొని పరీక్షించారు. చెవులకు తాకే ప్లాస్టిక్, సింథటిక్ భాగాలపై దృష్టి పెట్టారు. ఎక్కువ సేపు ఉపయోగించే వారికి రసాయనాలు శరీరంలోకి వెళ్లే అవకాశం ఎక్కువగా ఉంటుంది.
హెడ్ఫోన్ పరీక్షల్లో బిస్ఫెనాల్ (Bisphenols) రసాయనాలు దాదాపు 98 శాతం శాంపిల్స్లో ఉన్నాయి. BPA, బిస్ఫెనాల్ S వంటివి ఎండోక్రైన్ డిస్రప్టర్లుగా పరిగణిస్తారు. ఇవి శరీరంలో హార్మోన్ల వ్యవస్థను దెబ్బతీస్తాయి. ఫ్తాలేట్స్ (phthalates), క్లోరినేటెడ్ పారఫిన్స్ (chlorinated paraffins), కొన్ని ఫ్లేమ్ రిటార్డెంట్స్ (flame retardants) కూడా కనిపించాయి. వీటి వల్ల సంతానలేమి సమస్యలు, అవయవాలు దెబ్బతినడం, క్యాన్సర్ వంటి ప్రమాదకర ఆరోగ్య సమస్యలు కలిగే ప్రమాదం ఉంది.
చాలా సాంపిల్స్లో రసాయనాలు తక్కువ మోతాదులో ఉన్నాయి. కానీ రోజూ ఎక్కువ సేపు ఉపయోగిస్తే ప్రమాదం పెరుగుతుంది. పని, వినోదం, ప్రయాణం, వ్యాయామం సమయంలో హెడ్ఫోన్లు ధరిస్తారు. వేడి, చెమట వల్ల రసాయనాలు చర్మంలోకి సులభంగా వెళ్తాయి. వేడి వల్ల ప్లాస్టిక్ నుంచి రసాయనాలు విడుదల అవుతాయి. ఇతర ఉత్పత్తుల నుంచి వచ్చే రసాయనాలతో కలిసి ప్రమాదం మరింత పెరుగుతుంది.
ఆరోగ్య కార్యకర్తలు ఎలక్ట్రానిక్ కంపెనీల నుంచి పూర్తి పారదర్శకత కోరుతున్నారు. హెడ్ఫోన్స్ విక్రయించే కంపెనీలు రసాయనాల వివరాలు స్పష్టంగా చెప్పాలని అంటున్నారు. చర్మానికి తాకే ఉత్పత్తులకు కఠినమైన సేఫ్టీ స్టాండర్డ్స్ అవసరమని డిమాండ్ చేస్తున్నారు. పిల్లలు, టీనేజర్లు హార్మోన్ డిస్రప్షన్కు త్వరగా గురవుతారు. ప్రభుత్వ రెగ్యులేటర్లు ఎండోక్రైన్ డిస్రప్టర్లపై కఠిన నియంత్రణలు తీసుకోవాలని డిమాండ్ చేస్తున్నారు. స్పష్టమైన లేబులింగ్ ఉంటే కస్టమర్లు సరైన నిర్ణయం తీసుకోగలరు.
Also Read: ప్రకృతి నాశనం.. మనుషుల కంటే ఎక్కువ నీరు తాగేస్తున్న ఏఐ టెక్నాలజీ
సురక్షితమైన మెటీరియల్స్తో తయారైన హెడ్ఫోన్స్ ఎంచుకోవాలని ఈ అధ్యయన ఫలితాల ద్వారా తెలుస్తోంది. ప్రసిద్ధ బ్రాండ్లు అయినంత మాత్రాన అవి సురక్షితమైనవి అని గ్యారెంటీ లేదు. హెడ్ఫోన్లు పరిమితంగా ఉపయోగించాలని నిపుణులు సలహా ఇస్తున్నారు. బ్రేక్లలో తీసేయాలి. రెగ్యులర్గా హెడ్ఫోన్స్ శుభ్రం చేయాలి. సేఫ్టీ సర్టిఫైడ్ ఉత్పత్తులు ఎంచుకోవాలి. దీర్ఘకాలిక ఆరోగ్య ప్రభావాలపై మరిన్ని అధ్యయనాలు అవసరమని నిపుణులు సూచిస్తున్నారు.
Share
Kerala Tourism: దేవభూమి అందాలు.. మున్నార్, వయనాడ్, అలప్పుజ.. సమ్మర్లో తప్పక చూడాల్సిందే!
Yamaha Nmax 155: యమహా నుంచి క్రేజీ స్కూటర్,ఫీచర్లు భలే ఉన్నాయి భయ్యా!
