Lenovo Tablet Size Phone: ల్యాప్టాప్స్, టాబ్లెట్స్కు ఫేమస్ అయిన లెనోవో కంపెనీ త్వరలో ఒక అసాధారణ పెద్ద డిస్ప్లే ఉన్న స్మార్ట్ఫోన్ లాంచ్ చేయవచ్చు. ఈ ఫోన్లో 7.5 ఇంచ్ స్క్రీన్ ఉండవచ్చని సమాచారం. ఇది సాధారణ స్మార్ట్ఫోన్ కంటే పెద్దగా.. టాబ్లెట్ సైజుకు కంటే కొంచెం చిన్నగా ఉండే అవకాశం ఉంది.
ఇంత పెద్ద సింగిల్ డిస్ప్లే ఉన్న స్మార్ట్ఫోన్ ఇప్పటివరకు ఎవరూ విడుదల చేయలేదు. లెనోవో బ్రాండ్లో ఇదే అతిపెద్ద డిస్ప్లే ఫోన్ అవుతుంది. ఈ ఫోన్ గురించి సమాచారం ప్రసిద్ధ టిప్స్టర్ డిజిటల్ చాట్ స్టేషన్ సోషల్ మీడియాలో షేర్ చేశాడు. అయితే లెనోవో ఇంకా అధికారికంగా ఏమీ ధృవీకరించలేదు.
లీక్స్ ప్రకారం ఈ ఫోన్లో 7.5 ఇంచ్ డిస్ప్లే ఉంటుంది. స్క్రీన్ 1.5K రిజల్యూషన్తో ఉండవచ్చు. OLED కాకుండా LCD డిస్ప్లే ఉపయోగిస్తున్నట్లు తెలుస్తోంది. ఫ్లాట్, వైడ్ డిజైన్తో ఉంటుంది. ఈ పెద్ద ఫోన్.. వీడియోలు చూడటానికి, గేమింగ్కు, రీడింగ్కు బాగుంటుంది. స్మార్ట్ఫోన్, టాబ్లెట్ మధ్యలో ఉండే కొత్త రకం ఫోన్ అవుతుంది.
ఈ ఫోన్లో పవర్ఫుల్ కెమెరా సెటప్ ఉండవచ్చు. 200MP సెన్సార్ ఉండవచ్చని లీక్లు చెబుతున్నాయి. ఇది పెరిస్కోప్ టెలిఫోటో కెమెరాగా ఉపయోగపడవచ్చు. దూరంగా ఉన్న వస్తువులను జూమ్ చేసి మంచి ఫోటోలు తీయవచ్చు. ఇప్పుడు చాలా ఫ్లాగ్షిప్ ఫోన్లలతో పెరిస్కోప్ కెమెరాలతో వస్తున్నాయి. అయితే పూర్తి కెమెరా సెటప్ గురించి ఇంకా స్పష్టత లేదు.
7.5 ఇంచ్ స్క్రీన్ ఉంటే ఇది కొత్త రకం ప్రొడక్ట్ అవుతుంది. సాధారణ స్మార్ట్ఫోన్లలో 6 నుంచి 6.8 ఇంచ్ స్క్రీన్లు ఉంటాయి. టాబ్లెట్లు 8 ఇంచ్ కంటే కొంచెం పెద్ద సైజులో ఉంటాయి. ఈ ఫోన్ పోర్టబిలిటీ, పెద్ద స్క్రీన్ రెండూ ఇస్తుంది. గేమింగ్, వీడియో స్ట్రీమింగ్, మల్టీమీడియా ఉపయోగించే వారికి బాగుంటుంది. వేరే టాబ్లెట్ తీసుకెళ్లాల్సిన అవసరం లేకుండా చేస్తుంది.
లెనోవో వివిధ డిజైన్ ఆప్షన్లు టెస్ట్ చేస్తోంది. స్క్రీన్ సైజు లేదా హార్డ్వేర్ మారవచ్చు. ఇప్పటి సమాచారం ఎర్లీ టెస్టింగ్ నుంచి వచ్చింది. అధికారిక లాంచ్ ముందు స్పెసిఫికేషన్లు మారవచ్చు. కంపెనీలు కొత్త డివైజ్లు అభివృద్ధి చేసే సమయంలో చాలా ప్రోటోటైప్లు టెస్ట్ చేస్తాయి. ఫైనల్ డిజైన్ మాత్రమే మార్కెట్కు వస్తుంది.
Also Read: మనుషులపై జోకులు వేసే ఏఐలు.. మానవులకు నో ఎంట్రీ ప్లాట్ఫామ్.. చాలా ప్రమాదకరం
ప్రస్తుతం లెనోవో ఈ ఫోన్ గురించి ఏమీ అధికారికంగా ప్రకటించలేదు. లాంచ్ టైమ్లైన్ కూడా తెలియదు. ఇది ఇండస్ట్రీ లీక్ల ఆధారంగా వచ్చిన రూమర్ మాత్రమే. అయితే మరిన్ని వివరాలు త్వరలోనే రావచ్చు. లెనోవో ఈ ఫోన్ లాంచ్ చేస్తే మొబైల్ ఎంటర్టైన్మెంట్ ఎక్స్పీరియన్స్ని కొత్త స్థాయికి తీసుకెళ్తుంది. ప్రస్తుతం టెక్ ఔత్సాహికులు అధికారిక ప్రకటన కోసం ఎదురుచూడాలి.
Share
Preity Zinta: మరో లగ్జరీ అపార్ట్మెంట్ ను అమ్మేసిన ప్రీతీ జింటా.. వరుస ఆస్తుల అమ్మకానికి కారణం?
Karnataka: బళ్లారి గురుకులంలో ఘోరం.. నిద్రిస్తున్న విద్యార్థులపై దాడి
