LPG Cylinder Delivery Scam| దేశవ్యాప్తంగా ఇటీవల చాలా నగరాల్లో వంట గ్యాస్ (ఎల్పీజీ) సిలిండర్ తీవ్ర కొరత కనిపిస్తోంది. గ్యాస్ పంపిణీ ఏజెన్సీల వద్ద జనం బారులు తీరుతున్నారు. వంట గ్యాస్ కొరత వల్ల ప్రజలు, హోటల్ యజమానులు ఇబ్బందులు పడుతున్నారు. ఈ పరిస్థితిని సైబర్ నేరస్థులు అవకాశంగా తీసుకుంటున్నారు. త్వరగా సిలిండర్ డెలివరీ చేస్తామని ఫేక్ మెసేజ్లు పంపుతున్నారు. గ్యాస్ రీఫిల్ త్వరగా జరగాలని ఎదురుచూస్తున్న వారినే సైబర్ దొంగలు టార్గెట్ చేస్తున్నారు.
SMS, వాట్సాప్ లేదా సోషల్ మీడియా ద్వారా మోసగాళ్లు మెసేజ్ పంపుతారు. “వెంటనే చెల్లించండి, రేపే గ్యాస్ డెలివరీ” అని మెసేజ్లో ఉంటుంది. మెసేజ్లో ఒక పేమెంట్ లింక్ ఇస్తారు. ఆ లింక్ అధికారిక గ్యాస్ కంపెనీదేనని నమ్మిస్తారు. త్వరగా గ్యాస్ కావాలని కోరుకునే వారు లింక్పై క్లిక్ చేసి వెంటనే డబ్బు చెల్లిస్తారు. పేమెంట్ పూర్తి అయిన వెంటనే సైబర్ మోసగాళ్లు అదృశ్యమవుతారు. గ్యాస్ సిలిండర్ డెలివరీ ఎప్పుడూ జరగదు. ఎందుకంటే ఆ పేమెంట్ చేసిన డబ్బు మోసగాళ్ల ఖాతాలోకి వెళ్లిపోతుంది.
మోసగాళ్లు సోషల్ మీడియాలో ఫేక్ యాడ్లు పెడతారు. ఈ యాడ్లలో పెద్ద గ్యాస్ కంపెనీల లోగోలు ఉపయోగిస్తారు. అచ్చం అధికారిక బుకింగ్ వెబ్సైట్లాంటిదే నకిలీ వెబ్సైట్లు తయారు చేస్తారు. ఈ సైట్లు చూస్తే నిజమైనవిలా కనిపిస్తాయి. యూజర్లు పేమెంట్ లేదా కార్డ్ వివరాలు ఎంటర్ చేస్తే డబ్బు దొంగిలించబడుతుంది. బ్యాంక్ వివరాలు కూడా దొంగిలించబడవచ్చు.
ఇండియన్ ఆయిల్ కార్పొరేషన్, భారత్గ్యాస్, HP గ్యాస్ వంటి పెద్ద కంపెనీలు వినియోగదారులకు హెచ్చరికలు జారీ చేశాయి. ఆన్లైన్లో సిలిండర్ బుక్ చేసేటప్పుడు జాగ్రత్తగా ఉండాలని చెబుతున్నాయి. అధికారిక గ్యాస్ ఏజెన్సీలు లేదా కంపెనీలు ఎప్పుడూ లింక్ల ద్వారా అడ్వాన్స్ పేమెంట్ చేయమని అడగవు. గుర్తు తెలియని నెంబర్ల ద్వారా వచ్చే మెసేజ్లలో పేమెంట్ అడిగితే అది మోసమే అని హెచ్చరిస్తున్నాయి.
Also Read: మనుషులపై జోకులు వేసే ఏఐలు.. మానవులకు నో ఎంట్రీ ప్లాట్ఫామ్.. చాలా ప్రమాదకరం
డిజిటల్ పేమెంట్లు సులభంగా, వేగంగా ఉంటాయి. అందుకే ఈ ప్రిక్రియను సైబర్ నేరస్థులు దుర్వినియోగం చేస్తున్నాయి. ఎమర్జెన్సీ సమయాల్లో మోసాలు ఎక్కువవుతాయి. ఆన్లైన్ చెల్లింపులు చేసే సమయంలో జాగ్రత్తగా ఉండాలని నిపుణులు సూచిస్తున్నారు. మెసేజ్లు పంపే నెంబర్లు, వెబ్సైట్లను సరిచూసుకొని, అనుమానాస్పద లింక్లను నివారిస్తే డబ్బు, పర్సనల్ డేటాను రక్షించుకోవచ్చు.
Share
Sreeleela : ఏంటి.. శ్రీలీల 'ఉస్తాద్ ' కోసం అంత తీసుకుందా..?
Road Accident: విశాఖలో ఘోర రోడ్డు ప్రమాదం.. వాహనాలపైకి దూసుకెళ్లిన లారీ.. స్పాట్లో ఇద్దరు మృతి
