Best Induction Stoves| దేశంలో LPG (వంట గ్యాస్) సిలిండర్ల ధరలు మళ్లీ పెరిగాయి. పైగా ఇరాన్ యుద్ధం కారణంగా గ్యాస్ సరఫరా లేక దేశవ్యాప్తంగా గ్యాస్ సిలిండర్ల తీవ్ర కొరత ఏర్పడింది. ఈ కారణంగా మధ్య తరగతి కుటుంబాలు వంట గ్యాస్ ఖర్చుల గురించి ఆందోళన చెందుతున్నాయి. కొరత వల్ల ఇప్పుడు సిలిండర్ బుకింగ్ కోసం ఎక్కువ రోజులు వేచి ఉండాల్సి వస్తోంది. ఈ ఆలస్యం వల్ల కొన్ని గ్యాస్ ఏజెన్సీలు ఎక్కువ ధరలు వసూలు చేస్తున్నాయి. దీంతో చాలా మంది గ్యాస్ సిలిండర్లకు ప్రత్యామ్నాయ వంట సాధనాల కోసం వెతుకుతున్నారు. ఇలాంటి వారికి ఇండక్షన్ కుక్టాప్లు బెస్ట్ ఆప్షన్. ఇటీవలి కాలంలో ఈ స్టవ్లు చాలా పాపులర్ అవుతున్నాయి. కరెంట్తో పనిచేసే ఇండక్షన్ స్టవ్లపై వంట త్వరగా, సురక్షితంగా పూర్తవుతుంది. ఆన్లైన్లో తక్కువ ధరలో మంచి మోడల్స్ అందుబాటులో ఉన్నాయి. వాటిలో బెస్ట్ ఇవే..
వెల్బర్గ్ ఇన్ఫ్రారెడ్ ఇండక్షన్ స్టవ్ 2200 వాట్స్ మోడల్ ఎక్కువ పవర్తో బలంగా పనిచేస్తుంది. ఆన్లైన్లో ఈ స్టవ్ ధర దాదాపు రూ.2,440కి లభిస్తోంది. తక్కువ ధరలో ఎక్కువ వాట్స్ పవర్ ఇచ్చే మోడల్ ఇదే. ఓవర్హీటింగ్ అయితే ఆటోమాటిక్గా ఆఫ్ అవుతుంది. సాఫ్ట్ టచ్ కంట్రోల్స్ ఉన్నాయి. టెంపరేచర్, పవర్ సెట్టింగ్స్ సులభంగా మార్చవచ్చు. గ్లాస్ టాప్ డిజైన్ స్టైలిష్గా ఉంటుంది. దాదాపు అన్ని రకాల వంట పాత్రలతో పనిచేస్తుంది.
చిన్న కుటుంబాలకు బాగా సరిపోయే మోడల్ వండర్చెఫ్ అక్యూరా 1400W సింగిల్ ఇండక్షన్ కుక్టాప్. దీని ధర దాదాపు. రూ.1,999. ఇందులో 11 ప్రీసెట్ కుకింగ్ ఫంక్షన్లు ఉన్నాయి. వివిధ వంటలు సులభంగా చేయవచ్చు. పుష్ టచ్ బటన్స్తో టెంపరేచర్ సులభంగా సెట్ చేయవచ్చు. డ్యూయల్-లేయర్ కాయిల్ సిస్టమ్ వల్ల వేగంగా వేడెక్కుతుంది. ఆటోమాటిక్ షట్ ఆఫ్, LED డిస్ప్లే ఉన్నాయి. ఇందులో భద్రత, సమాచారం స్పష్టంగా ఉంటాయి.
రోజువారీ వంట చేసేందుకు మంచి ఆప్షన్ హావెల్స్ 1600W ఇండక్షన్ కుక్టాప్. ఈ స్టవ్ ధర సుమారు రూ.3,499. ఇందులో పుష్-బటన్ కంట్రోల్స్, 9 కుకింగ్ మోడ్స్ ఉన్నాయి. డిజిటల్ డిస్ప్లే, LED ఇండికేటర్లు సెట్టింగ్స్ స్పష్టంగా చూపిస్తాయి. ఓవర్హీటింగ్ ప్రొటెక్షన్, ఆటో ప్యాన్ డిటెక్షన్ ఉన్నాయి. ప్యాన్ లేకపోతే ఆటోమాటిక్ ఆఫ్ అవుతుంది.
2000 వాట్స్ పవర్తో బలమైన మోడల్ ఉషా 2000W ఇండక్షన్ కుక్టాప్. చాలా త్వరగా వేడెక్కుతుంది. ఆన్లైన్లో రూ.3,839కే కొనుగోలు చేయొచ్చు. టచ్ కంట్రోల్ ప్యానెల్ రెస్పాన్సివ్గా ఉంటుంది. సెట్టింగ్స్ సులభంగా మార్చవచ్చు. ఆటోమాటిక్ పవర్-ఆఫ్ ప్రొటెక్షన్ ఉంది. బరువు 2 కిలోలు మాత్రమే. కిచెన్లో సులభంగా ఎక్కడైనా పెట్టొచ్చు.
Also Read: వేసవిలో కరెంట్ బిల్లు తగ్గించడానికి ఈజీ టిప్స్.. ఖర్చు లేకుండానే కూల్ కూల్
2200 వాట్స్ హీటింగ్ కెపాసిటీతో మరో పవర్ఫుల్ మోడల్ బజాజ్ 2200W ఇండక్షన్ కుక్టాప్. ధర సుమారు రూ.3,499. మోడరన్ టచ్ కంట్రోల్ ప్యానెల్ ఉంది. కుకింగ్ మోడ్స్, పవర్ లెవల్స్ సులభంగా మార్చవచ్చు. డిజిటల్ LED డిస్ప్లే టెంపరేచర్, టైమర్, పవర్ స్పష్టంగా చూపిస్తుంది. ఆటోమాటిక్ షట్-ఆఫ్ సేఫ్టీ ఫీచర్ ఉంది.
ఇంట్లో ఇండక్షన్ కుక్టాప్ స్టవ్ ఉంటే గ్యాస్ సిలిండర్లపై ఆధారపడాల్సిన అవసరం తగ్గుతుంది. గ్యాస్ అందుబాటు లేనప్పుడు ఏ సమస్య ఉండదు. వంట త్వరగా జరుగుతుంది, విద్యుత్ తక్కువ వినియోగమవుతుంది. చాలా మోడల్స్లో అడ్వాన్స్ సేఫ్టీ ఫీచర్లు ఉన్నాయి. ఆన్లైన్లో అతి తక్కువ ధరల్లో లభిస్తున్నాయి. మీ బడ్జెట్ ఆధారంగా కొనుగోలు చేయండి.
Share
Illu Illalu Pillalu Today Episode: కన్నీళ్లు పెట్టుకున్న అమూల్య.. ధీరజ్, విశ్వక్ మధ్య గొడవ..గ్రాండ్ గా హోలీ సంబరాలు..
HBD Viraj Ashwin: బేబీతో గుర్తింపు.. ఎవరీ విరాజ్ అశ్విన్.. బ్యాక్ గ్రౌండ్ తెలిస్తే షాక్!
