Luna Band: ప్రస్తుత టెక్నాలజీ యుగంలో ఫిట్‌నెస్ ట్రాకర్లకు ఉన్న క్రేజ్ గురించి ప్రత్యేకంగా చెప్పక్కర్లేదు. ఇప్పటికే రకరకాల బ్రాండ్లు మార్కెట్లో ఉన్నప్పటికీ.. సరికొత్త ఫీచర్లతో స్మార్ట్ డివైజ్‌లు వస్తూనే ఉన్నాయి. ఈ క్రమంలోనే ఐఎఫ్ఏ 2026 వేదికగా ‘లూనా బ్యాండ్’ ప్రపంచవ్యాప్తంగా అందుబాటులోకి వచ్చింది. ఈ ఏడాది మొదట్లో సీఈఎస్‌‌లో పరిచయమైన ఈ డివైజ్.. జులైలో ప్రీ-ఆర్డర్లు మొదలుపెట్టి ఇప్పుడు నేరుగా కస్టమర్ల చేతుల్లోకి వెళ్తోంది. డిస్‌ప్లే లేకపోవడమే దీని ప్రత్యేకత.
భారత్‌లో ఈ లూనా బ్యాండ్ ధరను కంపెనీ రూ.13,999గా నిర్ణయించింది. అమెరికాలో దీని ధర 149 డాలర్లుగా ఉంది. ఇది అలో గ్రీన్, డెసర్ట్ బీజ్, అండ్ ఆనిక్స్ బ్లాక్ రంగుల్లో లభిస్తోంది. ఒకవేళ మీకు వేరే లుక్ కావాలనుకుంటే ఎంబర్ ఆరెంజ్, అట్లాంటిక్ బ్లూ, గ్లేసియర్ బ్లూ కలర్ స్ట్రాప్స్‌ను విడిగా కొనుక్కోవచ్చు.
Also Read: పాత యాపిల్ వాచ్ ఇప్పుడు కొనొచ్చా? డబ్బులు పెట్టే ముందు ఈ 4 విషయాలు తెలుసుకోండి!
ఈ బ్యాండ్‌లో అత్యంత ఆకట్టుకునే విషయం ఏంటంటే.. దీనికి ఎలాంటి నెలవారీ సబ్‌స్క్రిప్షన్ అవసరం లేదు. సాధారణంగా ఊప్, ఫిట్‌బిట్ ఎయిర్ లాంటి పాపులర్ బ్రాండ్లలో అడ్వాన్స్‌డ్ ఫీచర్లు వాడాలంటే కచ్చితంగా డబ్బులు కట్టాలి. కానీ లూనా బ్యాండ్‌ను ఒక్కసారి కొంటే చాలు, సబ్‌స్క్రిప్షన్ లేకుండానే అన్ని ఫీచర్లను వాడుకోవచ్చు. దీనిని చేతి మణికట్టుకే కాకుండా భుజంపై కూడా ధరించవచ్చు.
ఇది కేవలం డేటాను చూపించడమే కాకుండా.. మన శరీర స్థితికి తగ్గట్లు సలహాలు ఇచ్చే పర్సనల్ ఏఐ హెల్త్ కోచ్‌లా పనిచేస్తుంది. లైఫ్‌ఓఎస్ ప్లాట్‌ఫారమ్‌పై పనిచేసే ఈ డివైజ్.. ఆహార అలవాట్లు, మహిళల రుతుక్రమం ఆధారంగా సూచనలు ఇస్తుంది. మన శరీరానికి ఎంత నీరు కావాలి, ఎలాంటి సప్లిమెంట్లు తీసుకోవాలనేది కూడా చెప్తుంది.
ఇందులో మల్టీ ఛానల్ హృదయ స్పందన సెన్సార్, బాడీ టెంపరేచర్ సెన్సార్లు ఉన్నాయి. ఇవి హార్ట్ బీట్, రక్తంలో ఆక్సిజన్ స్థాయిలు, నిద్ర విధానాలను పక్కాగా ట్రాక్ చేస్తాయి. రన్నింగ్, బాక్సింగ్, స్ట్రెంగ్త్ ట్రైనింగ్ వంటి వ్యాయామాలను ఆటోమేటిక్‌గా రికార్డ్ చేస్తుంది. ఆండ్రాయిడ్, యాపిల్ ఫోన్లకు సపోర్ట్ చేసే ఈ బ్యాండ్ ఒక్కసారి ఛార్జ్ చేస్తే 10 రోజుల వరకు పనిచేస్తుంది.
Also Read: మెకానికల్ కీబోర్డ్ కొనేముందు ఈ 5 విషయాలు తెలుసుకోకపోతే తిప్పలు తప్పవు!
Share
టాటా కర్వ్ లో కొత్త సిరీస్ X.. తక్కువ ధరలోనే అదిరిపోయే ఫీచర్లు!
హిమాలయన్ 440 వచ్చేసింది.. ఫీచర్లు చూస్తే మతిపోవాల్సిందే!
