Meta AI Parent Alert: మెటా తమ ఆర్టిఫిషియల్ ఇంటెలిజెన్స్ (Meta AI) చాట్బాట్లో టీనేజర్ల భద్రత కోసం ఒక కీలకమైన అప్డేట్ను తీసుకొచ్చింది. Parent Alert పేరుతో ప్రవేశపెట్టిన ఈ ఫీచర్ ద్వారా.. పిల్లలు AIతో ఆత్మహత్య లేదా మానసిక వేదనకు సంబంధించిన సున్నితమైన విషయాలు మాట్లాడినప్పుడు వారి తల్లిదండ్రులకు సమాచారం అందుతుంది.
ఈ రోజుల్లో విద్యార్థులు, టీనేజర్లు చదువు కోసమో లేదా సరదాగానో AIని ఎక్కువగా వాడుతున్నారు. అయితే.. దీంతో పాటే వారి భద్రత, మానసిక ఆరోగ్యం గురించిన ఆందోళనలు కూడా పెరుగుతున్నాయి. ఈ నేపథ్యంలో, పిల్లల వ్యక్తిగత గోప్యతకు భంగం కలగకుండా.. కేవలం అత్యవసర పరిస్థితుల్లో మాత్రమే తల్లిదండ్రులను అప్రమత్తం చేయడానికి మెటా ఈ సరికొత్త వ్యవస్థను రూపొందించింది.
Also Read: పాత టీవీల్లా ‘సెంటర్ స్టాండ్’ ఇప్పుడు ఎందుకు రావడం లేదు? దీని వెనుక ఇంత పెద్ద స్కెచ్ ఉందా?
మెటా AI చాట్ చేస్తున్నప్పుడు టీనేజర్లలో తీవ్రమైన మానసిక ఒత్తిడి ఉన్నట్లు గుర్తిస్తే.. మొదట ఆ చాట్బాట్ పిల్లలను హెల్ప్లైన్ నెంబర్లను సంప్రదించమని లేదా ఉపాధ్యాయులు, తల్లిదండ్రుల వంటి నమ్మకమైన వ్యక్తులతో మాట్లాడమని సలహా ఇస్తుంది. ఒకవేళ ప్రమాద తీవ్రత ఎక్కువగా ఉందనిపిస్తే.. మెటా బృందం ఆ సంభాషణను మాన్యువల్గా సమీక్షించి, ఆ తర్వాతే తల్లిదండ్రులకు అలర్ట్ పంపుతుంది.
ఈ అలర్ట్తో పాటు.. ఇలాంటి క్లిష్ట పరిస్థితుల్లో పిల్లలతో ఎలా మాట్లాడాలి, వారిని ఎలా ఓదార్చాలి అనే విషయాలపై నిపుణులు రూపొందించిన గైడ్లైన్స్ను కూడా మెటా తల్లిదండ్రులకు అందిస్తుంది. ఇది కుటుంబంలో ప్రశాంతమైన వాతావరణంలో చర్చలు జరగడానికి దోహదపడుతుంది. ప్రస్తుతం ఈ ఫీచర్ అమెరికా, బ్రిటన్, కెనడా, ఆస్ట్రేలియాల్లో అందుబాటులోకి వచ్చింది. ఈ ఏడాది చివరికల్లా మిగతా దేశాలకూ విస్తరించనున్నారు.
ఇప్పటికే ఇన్స్టాగ్రామ్ టీన్ అకౌంట్స్లో స్క్రీన్ టైమ్ మేనేజ్మెంట్, తెలియని వారి నుంచి మెసేజ్లు రాకుండా నియంత్రించడం వంటి ఎన్నో సెక్యూరిటీ ఫీచర్లు ఉన్నాయి. వీటికి అదనంగా ఇప్పుడు ఈ పేరెంట్ అలర్ట్ చేరింది. భవిష్యత్తులో మరింత ప్రమాదకరమైన పరిస్థితులు కనిపిస్తే.. నేరుగా స్థానిక అత్యవసర సేవల సిబ్బందికి సమాచారం అందించే సాంకేతికతపై కూడా మెటా కసరత్తు చేస్తోంది.
Also Read: Wi-Fi స్పీడ్ తగ్గడానికి అసలు కారణం రూటర్ కాదు.. తెరవెనుక జరిగే అసలు కథ ఇదీ!
Share
70 వేల ఉద్యోగాలు ఇచ్చినట్లు నిరూపిస్తే.. రాజకీయ సన్యాసం తీసుకుంటా: కేటీఆర్
యాపిల్ మ్యాక్బుక్లకు గట్టి పోటీ.. ఒక్క ఛార్జ్తో 22 గంటల బ్యాటరీ!
