Motorola Watch Ultra: టెక్నాలజీ ప్రపంచంలో స్మార్ట్వాచ్ల హవా ఏ రేంజ్లో నడుస్తుందో మనందరికీ తెలిసిందే. ఇలాంటి తరుణంలో ప్రముఖ టెక్ సంస్థ మోటరోలా IFA 2026 వేదికగా Motorola Watch Ultra పేరుతో ఒక పవర్ఫుల్ స్మార్ట్వాచ్ను గ్లోబల్ మార్కెట్లో లాంచ్ చేసింది. ముఖ్యంగా స్పోర్ట్స్, ఫిట్నెస్ ప్రేమికులను దృష్టిలో ఉంచుకుని మోటరోలా ఈ వాచ్ను డిజైన్ చేసింది. గూగుల్ Wear OS 6 ఆధారంగా పనిచేసే ఈ డివైజ్ యూజర్లకు అద్భుతమైన అనుభవాన్ని అందిస్తుంది.
ఈ వాచ్ అల్ట్రాను 46 mm ప్రీమియం స్టెయిన్లెస్ స్టీల్ బాడీతో చాలా తేలికగా, సన్నగా రూపొందించారు. దీనిలో 1.5 ఇంచుల pOLED డిస్ప్లేను అందించారు. దాదాపు 2,700 నిట్స్ పీక్ బ్రైట్నెస్ ఉండటం వల్ల ఎండలో ఉన్నా స్క్రీన్ చాలా స్పష్టంగా కనిపిస్తుంది. అలాగే స్క్రాచెస్ పడకుండా గొరిల్లా గ్లాస్ 3 ప్రొటెక్షన్ ఇచ్చారు. Always-On ఫీచర్ కూడా ఇందులో ఉంది.
Also Read: వావ్ అనిపిస్తున్న మోటరోలా తొలి వైడ్ ఫోల్డబుల్ ఫోన్.. ఈ ఫీచర్లకు ఎవరైనా ఫిదా అవ్వాల్సిందే!
ఈ స్మార్ట్వాచ్ స్నాప్డ్రాగన్ W5+ Gen 1 ప్రాసెసర్తో పనిచేస్తుంది. దీంతో వాచ్ యూజర్ ఇంటర్ఫేస్ చాలా స్మూత్గా, ఫాస్ట్గా రన్ అవుతుంది. చేతులు ఉపయోగించకుండా వాయిస్ కమాండ్స్ ద్వారా పనులు పూర్తి చేసుకోవడానికి ఇందులో Qira అనే ఏఐ అసిస్టెంట్ను మోటరోలా మొదటిసారిగా పరిచయం చేసింది.
ఇందులో eSIM ద్వారా LTE కనెక్టివిటీ సౌకర్యం ఉంది. అంటే.. మనం రన్నింగ్ లేదా వాకింగ్కు వెళ్లినప్పుడు ఫోన్ దగ్గర లేకపోయినా నేరుగా వాచ్ నుంచే కాల్స్ మాట్లాడవచ్చు, మెసేజ్లు పంపవచ్చు. అలాగే రన్నర్లు, ట్రెక్కర్లకు ఖచ్చితమైన లొకేషన్, డిస్టెన్స్ ట్రాక్ చేయడం కోసం డ్యూయల్ బ్యాండ్ జీపీఎస్ సపోర్ట్ ఇచ్చారు.
వాటర్ నిరోధకత కోసం IP68/5ATM రేటింగ్తో వస్తున్న ఈ వాచ్ కోసం మోటరోలా ప్రముఖ పోలార్ సంస్థతో చేతులు కలిపింది. దీనివల్ల స్లీప్ ట్రాకింగ్, రన్నింగ్ కోచ్, యాక్టివిటీ స్కోర్ వంటి ఖచ్చితమైన హెల్త్ డేటా లభిస్తుంది. ఈ వాచ్ ప్రారంభ ధర రూ.47,000గా ఉంది. త్వరలోనే ఇది ఆసియా-పసిఫిక్, యూరప్ తదితర ప్రాంతాల్లో అందుబాటులోకి రానుంది.
Also Read: చూస్తేనే దిమ్మతిరిగిపోయే లుక్.. 16GB ర్యామ్తో వచ్చేస్తోన్న Xiaomi 18 Fold!
Share
AP DSC-2025 లో అక్రమాలు.. మంత్రి లోకేష్ సైలెంట్ వెనుక, అధికారులు మాత్రం శాప్ కార్యాలయంలో
సామ్సంగ్ 43 ఇంచుల టీవీపై భారీ డిస్కౌంట్..ఆఫర్ ముగిసేలోపే కొనేయండి
