OnePlus 15 vs 15R: వనప్లస్ 15R vs వనప్లస్ 15.. కొత్త ఫోన్లలో ఏది బెటర్?

OnePlus 15 vs 15R Smartphone Comparison | వన్‌ప్లస్ కంపెనీ ఇండియాలో తాజాగా వన్‌ప్లస్ 15Rను లాంచ్ చేసింది. ఇది మునుపటి వన్‌ప్లస్ 13Rకు అప్‌గ్రేడెడ్ వెర్షన్. ఇది ఫ్లాగ్‌షిప్ వన్‌ప్లస్ 15 సిరీస్‌లో భాగంగా వచ్చిన కొత్త మోడల్. రెండు ఫోన్‌లు వేర్వేరు యూజర్లు, బడ్జెట్‌లకు సరిపడే ఫోన్లు. వన్‌ప్లస్ 15R ప్రీమియం మిడ్-రేంజ్ ఆప్షన్‌గా పొజిషన్ చేశారు.

వన్‌ప్లస్ 15Rలో కొత్తగా ఏముంది?

వన్‌ప్లస్ 15Rలో ప్రాసెసర్, బ్యాటరీ, డిస్‌ప్లే సైజు, కెమెరాల్లో అప్‌గ్రేడ్స్ ఉన్నాయి. స్నాప్‌డ్రాగన్ 8 జెన్ 5 ప్రాసెసర్ చిప్‌సెట్ ఉంది. గరిష్టంగా 12జీబీ ఎల్‌డీడీఆర్5ఎక్స్ ర్యామ్, 512జీబీ స్టోరేజ్ ఉన్నాయి. బ్యాలెన్స్‌డ్ పర్ఫార్మెన్స్, ఎఫిషియెన్సీపై ఫోకస్ చేశారు.

ప్రాసెసర్, పర్ఫామెన్స్ పోలికలు

వన్‌ప్లస్ 15లో స్నాప్‌డ్రాగన్ 8 ఎలైట్ జెన్ 5 చిప్‌సెట్ ఉంది. ఇది ఫ్లాగ్‌షిప్ లెవల్ పర్ఫార్మెన్స్ ఇస్తుంది. హెవీ గేమ్స్, మల్టీటాస్కింగ్ సులువుగా హ్యాండిల్ చేస్తుంది.
వన్‌ప్లస్ 15Rలో స్నాప్‌డ్రాగన్ 8 జెన్ 5 ఉంది. ఇది హై-ఎండ్ మిడ్-రేంజ్ డివైస్‌లకు పర్ఫెక్ట్. మునుపటి జెనరేషన్ కంటే ఫాస్ట్ సీపీయూ, ఏఐ పర్ఫార్మెన్స్ మెరుగైంది. గేమింగ్ స్టెబిలిటీకి కస్టమ్ సీపీయూ స్కెడ్యూలర్ ఉంది.

బ్యాటరీ, చార్జింగ్ స్పీడ్ తేడాలు

వన్‌ప్లస్ 15Rలో 7,400mAh భారీ బ్యాటరీ ఉంది. వన్‌ప్లస్ 15లో 7,300mAh బ్యాటరీ ఉంది. రెండింటిలోనూ లాంగ్ లాస్టింగ్ బ్యాటరీ లైఫ్ ఉంటుంది. కానీ చార్జింగ్ స్పీడ్‌లో తేడా ఉంది. వన్‌ప్లస్ 15లో 120W సూపర్‌వూక్ ఫాస్ట్ చార్జింగ్ ఉంది. వన్‌ప్లస్ 15Rలో 80W ఫాస్ట్ చార్జింగ్ ఉంది. రెండు ఫోన్‌ల్లోనూ ఛార్జర్ బాక్స్‌లో ఇవ్వడం లేదు.

డిస్‌ప్లే సైజు, క్వాలిటీ ఎలా ఉన్నాయి?

వన్‌ప్లస్ 15Rలో 6.83 అంగుళాల ఏఎంఓఎల్‌ఇడీ డిస్‌ప్లే ఉంది. వన్‌ప్లస్ 15లో 6.78 అంగుళాల ఏఎంఓఎల్‌ఇడీ స్క్రీన్ ఉంది. రెండింటిలోనూ 1.5కె రిజల్యూషన్, 165హెచ్‌జెడ్ రిఫ్రెష్ రేట్ ఉన్నాయి. స్మూత్ స్క్రోలింగ్, రెస్పాన్సివ్ గేమింగ్ ఎక్స్‌పీరియన్స్ ఇస్తాయి. గేమింగ్‌ కోసమే ఫ్లాగ్‌షిప్ డిస్‌ప్లేని ఆప్టిమైజ్ చేశారు.

కెమెరా సెటప్ పోలిక ఏమిటి?

వన్‌ప్లస్ 15లో ట్రిపుల్ కెమెరా సిస్టమ్ ఉంది. మూడు 50 మెగాపిక్సెల్ సెన్సార్లు.. మెయిన్, అల్ట్రావైడ్, టెలిఫోటో. టెలిఫోటో లెన్స్ 3.5x పెరిస్కోప్ జూమ్ ఇస్తుంది.
వన్‌ప్లస్ 15Rలో డ్యుయల్ కెమెరా సెటప్ ఉంది. 50 మెగాపిక్సెల్ మెయిన్ కెమెరా, 8 మెగాపిక్సెల్ అల్ట్రావైడ్ ఉన్నాయి. టెలిఫోటో లెన్స్ లేదు. రెండింటిలోనూ డీటెయిల్‌మాక్స్ ఇంజిన్ ఉంది. మంచి లైటింగ్‌లో ఇమేజ్ క్వాలిటీ బాగుంటుంది.

Also Read: భీమ్ యుపిఐ స్పెషల్ ఆఫర్.. అందరికీ క్యాష్‌బ్యాక్.. త్వరపడండి

సాఫ్ట్‌వేర్, యూజర్ ఎక్స్‌పీరియన్స్ ఎలా ఉంది?

రెండు డివైస్‌ల్లోనూ లేటెస్ట్ Oxygen OS రన్ అవుతుంది. ఇంటర్‌ఫేస్ స్మూత్, రెస్పాన్సివ్‌గా ఉంటుంది. పర్ఫార్మెన్స్ ఆప్టిమైజేషన్‌పై ఫోకస్ చేశారు. గేమింగ్, డైలీ యూసేజ్ రిఫైన్డ్‌గా అనిపిస్తుంది.

ఫైనల్ విన్నర్ ఎవరు?

వన్‌ప్లస్ 15R లోయర్ టైర్‌లో సాలిడ్ అప్‌గ్రేడ్స్ ఇస్తుంది. పెద్ద బ్యాటరీ, డిస్‌ప్లే ఉన్నాయి. వన్‌ప్లస్ 15 సూపీరియర్ పర్ఫార్మెన్స్, కెమెరాలు ఇస్తుంది. చార్జింగ్ స్పీడ్ కూడా ఈ ఫ్లాగ్‌షిప్‌కు అనుకూలం. మీ బడ్జెట్, ప్రయారిటీస్‌పై ఆధారపడి ఎంచుకోండి. పవర్ యూజర్లకు వన్‌ప్లస్ 15 బెస్ట్. బడ్జెట్ కొనుగోలుదారులకు 15R మంచి ఆప్షన్.