OnePlus N Series: చైనా దేశానికి చెందిన ప్రముఖ మొబైల్ తయారీ సంస్థ వన్ప్లస్ భారత మార్కెట్లో తమ పట్టును మరింత పెంచుకునేందుకు సిద్ధమవుతోంది. ఇటీవల విడుదల చేసిన OnePlus Nord CE6 Lite మోడల్కు మంచి స్పందన రావడంతో.. ఇప్పుడు అంతకంటే తక్కువ ధరలోనే మరో సరికొత్త సిరీస్ను తీసుకురావడానికి ప్లాన్ చేస్తోంది. ఈ కొత్త సిరీస్ వచ్చే నెలలోనే భారత వినియోగదారుల ముందుకు రానున్నట్లు టెక్ వర్గాల్లో గట్టిగా వినిపిస్తోంది.
టెక్ నిపుణుల లీక్స్ ప్రకారం.. వన్ప్లస్ సంస్థ భారత్లో వన్ప్లస్ ఎన్ (N) సిరీస్ను పరిచయం చేయబోతోంది. ఈ సిరీస్ కింద వచ్చే మొదటి ఫోన్ జులై నెలలోనే లాంచ్ అయ్యే అవకాశం ఉంది. ప్రస్తుతం మార్కెట్లో ఉన్న Nord CE 6 Lite కంటే ఈ ఫోన్ ధర చాలా తక్కువగా ఉంటుందని తెలుస్తోంది. ముఖ్యంగా మిడిల్ క్లాస్ వినియోగదారులను టార్గెట్ చేస్తూ రూ.20 వేలలోపే ఈ సిరీస్ ఫోన్లను కంపెనీ తీసుకురానుంది.
ఇటీవలే మే 7న విడుదలైన వన్ప్లస్ నార్డ్ సీఈ 6 లైట్ బేస్ వేరియంట్ (6GB+128GB) ధర రూ.20,999గా ఉంది. అలాగే 8GB+128GB టాప్ వేరియంట్ ధరను రూ.22,999గా నిర్ణయించారు. అయితే రాబోయే సరికొత్త వన్ప్లస్ ఎన్ సిరీస్ ఫోన్లు దీనికంటే తక్కువ ధరకే లభిస్తాయి కాబట్టి.. బడ్జెట్ ధరలో వన్ప్లస్ ఫోన్ కొనాలనుకునే వారికి ఇది మంచి ఆప్షన్ కానుంది.
Also Read: iPhone Fold Leaks.. యాపిల్ తొలి మడత ఫోన్ ఇలా ఉండబోతుందా? డిజైన్ చూస్తే ఆశ్చర్యపోతారు!
ఇక నార్డ్ సీఈ 6 లైట్ విషయానికొస్తే.. దీనిలో 6.72 ఇంచుల ఫుల్ హెచ్డీ ప్లస్ ఎల్సీడీ డిస్ప్లేను ఇచ్చారు. ఇది 144Hz రీఫ్రెష్ రేట్తో వస్తుంది. అలాగే మీడియాటెక్ డైమెన్సిటీ 7400 అపెక్స్ ప్రాసెసర్ను ఇందులో వాడారు. ఫోన్ మన్నిక కోసం ఐపీ64 రేటింగ్, మిలిటరీ గ్రేడ్ సర్టిఫికేషన్ను కూడా అందించారు.
ఈ ఫోన్ వెనుక భాగంలో 50MP ప్రధాన కెమెరాతో పాటు 2MP సెకండరీ కెమెరా ఉంది. ఇక సెల్ఫీల కోసం 8MP ఫ్రంట్ కెమెరాను ఇచ్చారు. ముఖ్యంగా దీనిలో 45W ఫాస్ట్ ఛార్జింగ్ సపోర్ట్తో ఏకంగా 7000mAh భారీ బ్యాటరీని అందించడం విశేషం. రాబోయే కొత్త ఎన్ సిరీస్ ఫోన్లలో కూడా ఇలాంటి ఆకట్టుకునే ఫీచర్లు ఉంటాయని మొబైల్ ప్రియులు ఆశిస్తున్నారు.
Also Read: iOS 27 వచ్చేసింది.. iPhone 11 నుండి iPhone 17 Pro Max వరకు.. ఎవరెవరికి సపోర్ట్ చేస్తుందంటే?
Share
రూ. 300 కోట్ల కలెక్షన్ల క్లబ్లో రామ్ చరణ్ ‘పెద్ది’!.. నెక్ట్స్ టార్గెట్ అదేనా..?
నల్లగొండలో దారుణం.. కొడుకుని చంపి, తండ్రి ఆత్మహత్య!
