Oppo A6 Pro 5G: రూ.21,999 ధరకే IP69 రేటింగ్ స్మార్ట్‌ఫోన్.. ఇండియన్ మార్కెట్లోకి ఒప్పో A6 ప్రో 5G వచ్చేసింది!

Oppo A6 Pro 5G: ప్రముఖ OPPO సంస్థ వినియోగదారుల అభిరుచులకు తగిన విధంగా, అత్యాధునిక ఫీచర్లతో భారత మార్కెట్లోకి ‘OPPO A6 Pro 5G’ను అధికారికంగా లాంచ్ చేసింది. 2025లో విడుదలైన ఒప్పో A5 ప్రో 5Gకి కొనసాగింపుగా వచ్చిన ఈ స్మార్ట్‌ఫోన్‌ 6.75 అంగుళాల HD+ LCD డిస్‌ప్లే, 120Hz రిఫ్రెష్ రేట్‌‌ను కలిగి ఉందని తెలుస్తోంది. దీని స్క్రీన్ గరిష్టంగా 1125 నిట్స్ పీక్ బ్రైట్‌నెస్‌ వరకు సపోర్ట్ అందిస్తుంది. ఈ నేపథ్యంలో ఒప్పో A6 ప్రో 5G స్మార్ట్‌ఫోన్ యొక్క పూర్తి వివరాల్లోకి వెళ్లిపోదాం..

ఈ OPPO A6 Pro 5G మొబైల్.. IP66, IP68, IP69 డస్ట్, వాటర్ రెసిస్టెన్స్ రేటింగ్‌లను కలిగి ఉన్నాయి. అలాగే అధిక పీడన, పూర్తిగా నీటిలో మునిగిన పరిస్థితులతో పాటు 80 డిగ్రీల సెల్సియస్ వరకు వేడిని కూడా ఈ ఫోన్ తట్టుకోగలదని ఒప్పో తెలిపింది. అలాంటి భద్రతా ప్రమాణాలతో దీనిని తయారు చేసినట్లు తెలుస్తోంది. దీనిలో మీడియాటెక్ డెమెన్సిటీ 6300 ప్రాసెసర్‌ను ఉపయోగించారు. అలాగే ఇది 8GB LPDDR4x RAMతో పాటు 128GB/ 256GB UFS 2.2 స్టోరేజ్ ఆప్షన్లలో లభిస్తుంది.

Also Read: వచ్చేస్తోంది గేమింగ్ బీస్ట్ ఐకూ 15R.. ఈ లేటెస్ట్ ఫ్లాగ్‌షిప్ ఫీచర్లు తెలిస్తే ఫ్యూజులు ఎగురుతాయ్!

ఇక గేమింగ్, రోజూవారీ ఉపయోగం కొరకు.. 3900mm² వేపర్ చాంబర్ కూలింగ్ సిస్టమ్‌ను అందించారు. ఇకపోతే OPPO A6 Pro 5G ఆండ్రాయిడ్ 15 ఆధారిత ColorOS 15పై పనిచేస్తుంది. కెమెరాల విషయానికి వస్తే.. దీనిలో 50 మెగాపిక్సల్ ప్రైమరీ రియర్ కెమెరాతో పాటు 2 మెగాపిక్సల్ మోనోక్రోమ్ కెమెరాను అమర్చారు. అలాగే సెల్ఫీల కోసం 16 మెగాపిక్సల్ కెమెరా, భద్రతకు సైడ్ మౌంటెడ్ ఫింగర్‌ప్రింట్ సెన్సార్‌ను అందించారు. 7000mAh భారీ బ్యాటరీ కలిగి ఉన్న ఈ ఫోన్ 80W SUPERVOOC ఫాస్ట్ చార్జింగ్ మద్దతు ఇస్తుంది.

OPPO A6 Pro 5G ఫోన్ ఐదేళ్ల వరకు దీర్ఘకాలిక దృఢత్వాన్ని కలిగి ఉంటుందని కంపెనీ తెలపింది. ఇక కనెక్టివిటీ ఫీచర్ల విషయానికొస్తే.. దీనిలో 5G SA/NSA సపోర్ట్, డ్యుయల్ 4G VoLTE, వైఫై 802.11 ac, బ్లూటూత్ 5.4, GPS, USB టైప్-C వంటి ఫీచర్లు ఉంటాయి. ఈ ఫోన్ బరువు సుమారు 216 గ్రాములు కాగా.. మందం 8.6mmగా ఉంటుంది. ఇది క్యాపిచినో బ్రౌన్, అరోరా గోల్డ్ కలర్స్‌లో లభిస్తుంది.

ఈ హ్యాండ్ సెట్ 8GB + 128GB వేరియంట్ ధర రూ.21,999 ఉండగా.. 8GB + 256GB వేరియంట్ ధర రూ.23,999గా ఉంది. ఈ ఫోన్ ప్రముఖ ఈ-కామర్స్ ప్లాట్‌ఫామ్ అమెజాన్, ఫ్లిప్‌కార్ట్, OPPO స్టోర్‌లు, ప్రధాన రిటైల్ దుకాణాల్లో ఇప్పటికే అందుబాటులోకి వచ్చాయి. మరో గుడ్ న్యూస్ ఏమిటంటే.. లాంచ్ ఆఫర్లలలో భాగంగా.. ఈ ఫోన్‌ను బ్యాంక్ కార్డ్‌ల ద్వారా కొనుగోలు చేస్తే రూ. 2వేల వరకు ఇన్‌స్టంట్ డిస్కౌంట్‌తో పాటు 24 నెలల వరకు నో-కాస్ట్ EMI వెసులుబాటు పొందొచ్చు.

Also Read: రెడ్‌మీ డబుల్ ధమాకా.. భారత మార్కెట్లో రెడ్‌మీ నోట్ 15, రెడ్‌మీ ప్యాడ్ 2 ప్రో గ్రాండ్ లాంచ్!