Oppo Find X10 Series: ఒప్పో నుంచి రాబోయే ఫ్లాగ్షిప్ స్మార్ట్ఫోన్ ‘ఫైండ్ X10’ సిరీస్ గురించి అప్పుడే ఆసక్తికరమైన వార్తలు బయటకు వస్తున్నాయి. మునుపటి ఫైండ్ X9 సిరీస్కు కొనసాగింపుగా.. ఈ కొత్త మోడల్స్ మార్కెట్లోకి రానున్నాయి. ఈ సిరీస్లో ఫైండ్ X10, X10 ప్రో, X10 ప్రో మాక్స్ మోడల్స్ ఉండే అవకాశం ఉంది. ప్రముఖ టిప్స్టర్ డిజిటల్ చాట్ స్టేషన్ లీక్ చేసిన వివరాల ప్రకారం.. ఒప్పో ఈసారి డిజైన్ పరంగా ఒక పెద్ద ప్రయోగమే చేస్తోంది.
ఇప్పటివరకు వచ్చిన ఒప్పో ఫోన్లలో ఎక్కువగా గుండ్రటి (Circular) కెమెరా డిజైన్ చూశాం. కానీ ఫైండ్ X10 సిరీస్లో సమాంతరంగా (Horizontal) ఉండే వైడ్ కెమెరా మాడ్యూల్ను పరిచయం చేయబోతున్నట్లు తెలుస్తోంది. ఎడమ వైపు మూడు ప్రధాన కెమెరా సెన్సార్లు, కుడి వైపు LED ఫ్లాష్తో పాటు రంగుల నాణ్యతను పెంచే మల్టీస్పెక్ట్రల్ సెన్సార్ ఉండనున్నాయి. ఇది ఫోన్కు సరికొత్త ప్రొఫెషనల్ లుక్ను అందిస్తుంది.
Also Read: మార్కెట్లో స్టాక్ ఖాళీ.. ఒక్కసారిగా రూ.12,000 వరకు పెరిగిన iPhone 17 సిరీస్ ధరలు!
ఈ సిరీస్ వైట్, ఆరెంజ్, సయాన్ వంటి ఆకర్షణీయమైన కొత్త రంగులలో లభించనుంది. దీంతోపాటు.. ఆర్టిఫిషియల్ ఇంటెలిజెన్స్ (AI) ఫీచర్లను వేగంగా ఉపయోగించుకోవడానికి వీలుగా ఒక ప్రత్యేకమైన కస్టమైజబుల్ ‘AI బటన్’ను కూడా ఇస్తున్నట్లు సమాచారం. డిస్ప్లే బెజెల్స్ చాలా సన్నగా ఉండి.. అద్భుతమైన విజువల్ ఎక్స్పీరియన్స్ను అందిస్తాయని సమాచారం.
ఇక పనితీరు విషయంలోనూ ఈ ఫోన్లు నెక్ట్స్ లెవల్ అనే చెప్పాలి. ఇందులో అత్యంత శక్తివంతమైన మీడియాటెక్ డైమెన్సిటీ 9600 ప్రో చిప్సెట్ను ఉపయోగించనున్నట్లు తెలుస్తోంది. అలాగే ఫొటోగ్రఫీ ప్రేమికుల కోసం ఏకంగా 200 మెగాపిక్సల్ HPC కెమెరా సిస్టమ్ను అందుబాటులోకి తెస్తున్నారు. సెప్టెంబర్ చివరిలో లేదా అక్టోబర్ ప్రారంభంలో ఈ ఒప్పో ఫైండ్ X10 సిరీస్ మార్కెట్లోకి వచ్చే అవకాశం ఉందని సమాచారం.
Share
రౌడీని రంగంలోకి దింపే చర్చ్... ఓటీటీలోకి వచ్చిన మలయాళ పీరియాడిక్ యాక్షన్ డ్రామా
ఢిల్లీ జంతర్ మంతర్ నిరసన.. జేపీ నడ్డాకు CJP సంచలన లేఖ!
