Oppo Reno 15C: యూజర్లను ఆకట్టుకునే ప్రత్యేక ఫీచర్లు కలిగిన స్మార్ట్‌ఫోన్లు నిత్యం మార్కెట్‌లోకి వస్తూనే ఉంటాయి. ఈ మధ్య కాలంలో ఒప్పో బ్రాండ్‌కు మంచి డిమాండ్ పెరిగింది. దీనికి తగ్గట్టే Oppo మార్కెట్‌లో ఎప్ప‌టిక‌ప్పుడు తన వాటాను కూడా పెంచుకుంటూ వ‌స్తోంది. ఇకపోతే.. ఒప్పో తన రెనో 15 సిరీస్‌లో కొత్త ఫోన్‌ను లాంచ్ చేసేందుకు సన్నాహాలు చేస్తోంది. Oppo Reno 15C పేరుగా ఈ ఫోన్ అందుబాటులోకి రానుంది. సంస్థ ఈ ఫోన్‌ను ట్రెండీ లుక్స్, స్మూత్ పెర్ఫార్మెన్స్, విశ్వసనీయతను అందించే ‘ఎంట్రీ-లెవల్ ఛాయిస్’గా అభివర్ణించింది. ఒప్పో రెనో 15C గురించి మరిన్ని వివరాలు తెలుసుకుందాం రండి..
ఈ ఫోన్ గురించి లీక్ అయిన సమాచారం ప్రకారం ఈ ఒప్పో రెనో 15C.. 6.59-అంగుళాల ఎల్‌టీపీసీ ఓఎల్ఈడీ ఫ్లాట్ డిస్‌ప్లేను కలిగి ఉంటుంది. డిస్‌ప్లే 1.5K రిజల్యూషన్, 120Hz రిఫ్రెష్ రేట్‌తో వస్తుందని సమాచారం. ఈ ఫోన్‌లో గరిష్టంగా 12GB RAM, 512GB వరకు ఇంటర్నల్ స్టోరేజ్‌ అందుబాటులో ఉంటుంది. రెనో 15C ఫోన్‌లో స్నాప్‌డ్రాగన్ 7 జెన్ 4 ప్రాసెసర్‌ ఉంటుంది.
Read Also: అధునాతన ఫీచర్లతో ఒప్పో కొత్త ఫోన్లు.. ధర, స్పెసిఫికేషన్ల వివరాలు మీ కోసం..
ఈ ఒప్పో రెనో 15C ఫోన్.. 50-మెగాపిక్సెల్ మెయిన్ కెమెరా, 8-మెగాపిక్సెల్ అల్ట్రావైడ్-యాంగిల్ లెన్స్, 50-మెగాపిక్సెల్ టెలిఫొటో లెన్స్‌ను కలిగి ఉంటుందని లీకులు సూచిస్తున్నాయి. బాల్డ్ పాండా అనే టిప్‌స్టర్, ఫోన్ మెయిన్ కెమెరా సోనీ LYT600, అల్ట్రావైడ్-యాంగిల్ లెన్స్ సోనీ IMX355, టెలిఫొటో లెన్స్ శాంసంగ్ JN5 లెన్స్ అని పేర్కొన్నారు. ఈ ఫోన్ సెల్ఫీ కెమెరా 50-మెగాపిక్సెల్‌గా ఉండనుంది.
డిజిటల్ చాట్ స్టేషన్ ప్రకారం.. ఈ ఫోన్ 80-వాట్ ఫాస్ట్ ఛార్జింగ్‌ను అందిస్తుంది. ఈ ఫోన్ బరువు 197 గ్రాములు. బయోమెట్రిక్ భద్రత కోసం, షార్ట్-ఫోకస్ ఆప్టికల్ ఫింగర్‌ప్రింట్ సెన్సార్‌ను ఉపయోగించుకోవచ్చు. ఇది అరోరా బ్లూ, కాలేజ్ బ్లూ, స్టార్‌లైట్ బ్లూకలర్లలో అందుబాటులోకి రానుంది. అయితే, ఒప్పో సంస్థ ఇంకా లాంచ్ తేదీని వెల్లడించలేదు. ఈ ఫోన్ డిసెంబర్‌లో చైనాలో లాంచ్ కానుందని, ప్రామాణిక రెనో 15 కంటే తక్కువ ధర ఉంటుందని అంచనాలు చెబుతున్నాయి.
Read Also: వర్త్ వర్మా వర్తు.. కళ్లు చెదిరేలా మోటొరొలా నుంచి మరో బడ్జెట్ స్మార్ట్ఫోన్!
Share
Karnataka Congress Crisis: సీఎం సీటు ఫైట్! మార్పు తప్పదా?
women be Alert: ఆల్ఫా మేల్ ఢమాల్! అమ్మాయిలూ.. బీ అలర్ట్!
