Optoma Projector: హోమ్ థియేటర్ రంగంలో ప్రముఖ సంస్థ అయిన ఆప్టోమా (Optoma).. ప్రపంచంలోనే మొట్టమొదటి Triple-Laser 4K Projector (UHR90DV) ను భారతదేశంలో విడుదల చేసింది. అధునాతన ఇమేజింగ్ టెక్నాలజీ, మెరుగైన కాంతి, ప్రొఫెషనల్ గ్రేడ్ రంగులతో.. ఇది థియేటర్ అనుభవాన్ని అందిస్తుందని కంపెనీ వర్గాలు పేర్కొన్నాయి. ఇంతకీ ఈ ట్రిపుల్ లేజర్ 4K ప్రొజెక్టర్ ప్రత్యేకత ఏంటీ? దీనిలోని ప్రధాన ఫీచర్లు? ధర ఎంత? వంటి విశేషాలు ఇప్పుడు చూద్దాం.
డాల్బీ విజన్ (Dolby Vision), ఐమాక్స్ ఎన్హ్యాన్స్డ్ (IMAX Enhanced) సర్టిఫికేషన్లు రెండూ కలిగిన ప్రపంచంలోని మొట్టమొదటి ప్రొజెక్టర్ గా ఇది గుర్తింపు పొందింది. దీనివల్ల సినిమాలో రంగులు, కాంతి అత్యంత స్పష్టంగా కనిపిస్తాయని కంపెనీ వర్గాలు తెలిపాయి. ఐమ్యాక్స్ వంటి క్వాలిటీ థియేటర్లలో సినిమాను స్పష్టంగా చూసిన ఫీలింగ్ కలుగుతుందని అన్నారు.
ఈ ప్రొజెక్టర్ లో ట్రిపుల్ లేజర్ టెక్నాలజీని వినియోగించారు. దీనిలో విడివిడిగా ఎరుపు, ఆకుపచ్చ, నీలం (RGB) లేజర్ కిరణాలను ఉపయోగించారు. దీనివల్ల 96% BT.2020 కలర్ గామట్తో.. సినిమా థియేటర్ స్థాయిలో రంగులను చూడవచ్చని కంపెనీ వర్గాలు తెలిపాయి.
ఈ ప్రొజెక్టర్.. 5,000 ISO Lumens బ్రైట్నెస్ను కలిగి ఉంది. దీని వల్ల గదిలో వెలుతురు ఉన్నప్పటికీ బొమ్మ చాలా స్పష్టంగా కనిపించనుంది. పగటి సమయంలోనూ ఎలాంటి ఇబ్బంది లేకుండా ప్రొజెక్టర్ ద్వారా సినిమా చూసేందుకు అవకాశం ఏర్పడుతుంది.
ఈ ప్రొజెక్టర్ లోని లేజర్ లైట్ దాదాపు 30,000 గంటల పాటు పనిచేస్తుంది. అంటే రోజుకు ఒక సినిమా చూసినా సుమారు 30 ఏళ్ల పాటు ఇది మన్నికగా ఉంటుందని కంపెనీ వర్గాలు తెలిపాయి.
ఇందులో మోటరైజ్డ్ జూమ్, ఫోకస్, లెన్స్ షిఫ్ట్ సౌకర్యాలు ఉన్నాయి. దీనివల్ల ప్రొజెక్టర్ను ఎక్కడ ఉంచినా స్క్రీన్కు తగ్గట్టుగా సెట్ చేయడం చాలా సులభం.
Also Read: Philips OneChef: ఫిలిప్స్ సంచలనం.. అధునాతన కుక్కర్ వచ్చేసిందోచ్.. 33 స్టైల్స్లో వండుకోవచ్చు!
ఈ అత్యాధునిక ప్రొజెక్టర్ ధరను రూ.15,90,000గా ఆప్టోమా నిర్ణయించింది. ఇది ఇప్పటికే భారతదేశంలోని ప్రముఖ ఆడియో-విజువల్ రిటైల్ స్టోర్లలో అందుబాటులోకి వచ్చింది. సినిమా ప్రియుల కోసం ముఖ్యంగా ఇంట్లోనే పెద్ద స్క్రీన్పై థియేటర్ అనుభూతిని పొందాలనుకునే వారి కోసం ఇది ఒక అద్భుతమైన ఎంపికగా నిలుస్తుందని ఆప్టోమా వర్గాలు స్పష్టం చేస్తున్నాయి.
ముఖ్య గమనిక: ప్రొజెక్టర్ కు సంబంధించి ఆప్టోమా కంపెనీ ఇచ్చిన వివరాల ఆధారంగానే ఈ కథనం రాయడం జరిగింది. ఇది కేవలం మీ అవగాహన కోసం మాత్రమే. ఇందులోని కంటెంట్ కు బిగ్ టీవీ ఎలాంటి బాధ్యత వహించదు.
Also Read: Ugadi Pachadi Benefits: ఒక స్పూన్ ఉగాది పచ్చడి.. మీ ఆరోగ్యానికి ఎంత మేలు చేస్తుందో తెలుసా ?
Share
Stock Market Crash: ఇరాన్లో పరిస్థితి జఠిలం.. వణికిన దలాల్ స్ట్రీట్, బేర్ ఎంట్రీ, 7 లక్షల కోట్ల సంపద ఆవిరి
Petrol Scooter Starting Issues: మీ పెట్రోల్ స్కూటర్ స్టార్ట్ అవ్వడం లేదా? సింపుల్ గా ఈ 5 టిప్స్ ట్రై చేయండి!
