Philips Soundbar Speaker: 300W పవర్ సౌండ్‌బార్, బ్లూటూత్ స్పీకర్, హెడ్‌ఫోన్ ధర రూ.899 .. ఫిలిప్స్ కొత్త ఆడియో డివైస్‌లు లాంచ్

Philips Soundbar Speaker| భారతదేశంలో ఫిలిప్స్ తన ఆడియో ప్రొడక్ట్ లైనప్‌ను విస్తరించింది. కొత్త సౌండ్‌బార్‌లు, హెడ్‌ఫోన్లు, బ్లూటూత్ స్పీకర్లు లాంచ్ చేసింది. ఈ పరికరాలు వివిధ బడ్జెట్‌లు, అవసరాలకు తగినట్లు ఉన్నాయి. ధరలు రూ.899 నుంచి మొదలవుతాయి. పవర్‌ఫుల్ సౌండ్‌బార్‌ల నుంచి చిన్న పోర్టబుల్ ఆడియో యాక్సెసరీల వరకు ఉన్నాయి. సౌండ్ క్వాలిటీ, కనెక్టివిటీ, ఆధునిక ఫీచర్లపై ఫిలిప్స్ దృష్టి పెట్టింది.

ఫిలిప్స్ TAB4230 సౌండ్‌బార్: హోమ్ ఆడియోకు పవర్‌ఫుల్ ఆప్షన్

ఫిలిప్స్ TAB4230 సౌండ్‌బార్ గరిష్టంగా 300W సౌండ్ ఇస్తుంది. డాల్బీ డిజిటల్ ఆడియో టెక్నాలజీ సపోర్ట్ చేస్తుంది. 2.1 చానల్ స్పీకర్ సెటప్ ఉంది. 6.5 ఇంచ్ వైర్డ్ సబ్‌వూఫర్‌తో డీప్ బాస్ ఇస్తుంది. సినిమాలు, మ్యూజిక్‌కు రిచ్ సౌండ్ ఇస్తుందని ఫిలిప్స్ చెబుతోంది. HDMI ARC కనెక్షన్ ఉంది, టీవీ రిమోట్‌తో కంట్రోల్ చేయవచ్చు. బ్లూటూత్ వైర్‌లెస్ స్ట్రీమింగ్, USB, AUX, ఆప్టికల్ ఇన్‌పుట్‌లు ఉన్నాయి. ధర రూ.19,999. అమెజాన్, ఫ్లిప్‌కార్ట్, ఫిలిప్స్ వెబ్‌సైట్‌లో సేల్స్ ప్రారంభమయ్యాయి.

ఫిలిప్స్ TAS4400 బ్లూటూత్ స్పీకర్: పోర్టబుల్, పవర్‌ఫుల్

ఫిలిప్స్ TAS4400 బ్లూటూత్ స్పీకర్ 40W సౌండ్ ఇస్తుంది. మ్యాగ్నెటిక్ అటాచ్‌మెంట్ ఫీచర్‌తో ఎక్కడైనా సులభంగా ఉంచవచ్చు. 8 గంటల వరకు ప్లేబ్యాక్ టైమ్ ఇస్తుంది. బిల్ట్-ఇన్ మైక్‌తో హ్యాండ్స్-ఫ్రీ కాల్స్ చేయవచ్చు. మల్టీ కనెక్టివిటీ ఆప్షన్లు ఉన్నాయి. ఇండోర్, అవుట్‌డోర్ ఉపయోగానికి సరిపోతుంది. ధర రూ.5,999. అమెజాన్, ఫ్లిప్‌కార్ట్, ఫిలిప్స్ వెబ్‌సైట్‌లో లభిస్తుంది.

ఫిలిప్స్ TAB4120 మినీ సౌండ్‌బార్: చిన్న గదులకు పర్ఫెక్ట్

ఫిలిప్స్ TAB4120 మినీ సౌండ్‌బార్ గరిష్టంగా 20W ఔట్‌పుట్ ఇస్తుంది. 8 గంటల బ్యాటరీ బ్యాకప్ ఉంది. రెండు యూనిట్లను పెయిర్ చేసి స్టీరియో సౌండ్ పొందవచ్చు. బ్లూ, బ్లాక్ రంగుల్లో దొరుకుతుంది. బిల్ట్-ఇన్ RGB లైటింగ్ మోడ్‌లు ఉన్నాయి. చిన్న గదులు, పోర్టబుల్ ఉపయోగానికి బాగుంటుంది. ధర రూ.3,999. అమెజాన్, ఫ్లిప్‌కార్ట్‌లో కొనుగోలు చేయొచ్చు.

ఫిలిప్స్ TAA1009 స్పోర్ట్స్ హెడ్‌ఫోన్లు: వర్కౌట్‌లకు అనువైనవి

ఫిలిప్స్ TAA1009 స్పోర్ట్స్ హెడ్‌ఫోన్లలో 12mm ఆడియో డ్రైవర్లు ఉన్నాయి. వర్కౌట్ సమయంలో క్లియర్ సౌండ్ ఇస్తాయి. IPX4 వాటర్ రెసిస్టెన్స్ రేటింగ్ ఉంది. బిల్ట్-ఇన్ మైక్‌తో కాల్స్ చేయవచ్చు. రిమోట్ కంట్రోల్స్‌తో మ్యూజిక్, కాల్స్ మేనేజ్ చేయవచ్చు. కేబుల్ పొడవు 1.2 మీటర్లు. రెడ్, బ్లాక్ రంగుల్లో ఉన్నాయి. ధర రూ.899. అమెజాన్, ఫ్లిప్‌కార్ట్‌లో దొరుకుతాయి.

Also Read: మీ మనసులో మాటను పసిగట్టే ఐఫోన్ .. చెప్పాల్సిన అవసరం లేదు.. ముఖకవళికలతోనే

ఫిలిప్స్ SHP9500 వైర్డ్ హెడ్‌ఫోన్లు: ప్రీమియం లిసనింగ్ ఎక్స్‌పీరియన్స్

ఫిలిప్స్ SHP9500 హెడ్‌ఫోన్లు ఓపెన్-బ్యాక్ డిజైన్‌తో వస్తాయి. పెద్ద 50mm డ్రైవర్లు డీటెయిల్డ్ ఆడియో ఇస్తాయి. డిటాచబుల్ 1.5 మీటర్ కేబుల్ ఉంది. బ్రీతబుల్ ఇయర్ కుషన్లు ఎక్కువ సేపు వినడానికి సౌకర్యవంతంగా ఉంటాయి. డబుల్-లేయర్ హెడ్‌బ్యాండ్, స్టీల్ ఫ్రేమ్‌తో ప్రీమియం బిల్డ్ క్వాలిటీ ఉంది. ధర రూ.12,999. అమెజాన్, ఫ్లిప్‌కార్ట్‌లో లభిస్తాయి.

ఫిలిప్స్ ప్రతి బడ్జెట్, ప్రతి ఉపయోగానికి తగిన ఆడియో పరికరాలు ఇస్తోంది. పవర్, పోర్టబిలిటీ, సౌండ్ క్లారిటీ మీద దృష్టి పెట్టింది. హోమ్ ఎంటర్‌టైన్‌మెంట్ నుంచి పర్సనల్ లిసనింగ్ వరకు అన్ని అవసరాలకు సరిపోతాయి.