Google Pixel 10a vs Pixel 9a: కొత్త పిక్సెల్ ఫోన్‌లో అప్‌గ్రేడ్స్ ఏంటి? ఏది కొనడం బెటర్?

Google Pixel 10a vs Pixel 9a| గూగుల్ తన కొత్త పిక్సెల్ 10a భారత్‌లో ఇటీవలే లాంచ్ చేసింది. ఇది పాపులర్ పిక్సెల్ 9aకు అప్‌గ్రేడెడ్ వెర్షన్. పిక్సెల్ సిరీస్‌లో ‘A’ మోడల్స్ ఫోన్లు తక్కువ ధరలో ప్రీమియం ఫీచర్లు ఇస్తాయి. పిక్సెల్ 9a ఫోన్‌కు ఇప్పటికీ మంచి డిమాండ్ ఉంది. పిక్సెల్ 10a విడుదల చేయడంలో గూగుల్ ప్రస్తుతం పిక్సెల్ 9a ధర భారీగా తగ్గించింది. ఇప్పుడు పిక్సెల్ ఫోన్స్ కొనాలనుకేనే కస్టమర్లు ఏది కొనుగోలు చేయాలో ఆలోచిస్తున్నారు. అందుకోసం ముందుగా కొత్త ఫోన్‌లో అప్‌గ్రేడ్స్, వాల్యూ రెండూ పోల్చి చూడాలి.

డిస్‌ప్లే పోలిక

పిక్సెల్ 10aలో 6.3 ఇంచ్ Actua డిస్‌ప్లే ఉంది. 120Hz రిఫ్రెష్ రేట్ సపోర్ట్ చేస్తుంది. పీక్ బ్రైట్‌నెస్ 3,000 నిట్స్ వరకు ఉంది. బయట ఎండలో కూడా స్పష్టంగా కనిపిస్తుంది. పిక్సెల్ 9aలో 6.3 ఇంచ్ pOLED డిస్‌ప్లే ఉంది. అదే 120Hz రిఫ్రెష్ రేట్ ఉంది. కానీ పీక్ బ్రైట్‌నెస్ 2,700 నిట్స్ మాత్రమే. రెండు డిస్‌ప్లేలూ స్మూత్ స్క్రోలింగ్, వైబ్రెంట్ కలర్స్ ఇస్తాయి. పిక్సెల్ 10aలో బ్రైట్‌నెస్ కొంచెం ఎక్కువ.

పర్‌ఫామెన్స్, ప్రాసెసర్

రెండు ఫోన్లలోనూ గూగుల్ టెన్సర్ G4 చిప్‌సెట్ ఉంది. రోజువారీ టాస్క్‌లు స్మూత్‌గా జరుగుతాయి. మల్టీటాస్కింగ్, స్ట్రీమింగ్, గేమింగ్ లాగ్ లేకుండా నడుస్తాయి. రెండింటిలోనూ AI ఫీచర్లు ఉన్నాయి. ఫోటోగ్రఫీ, సిస్టమ్ పెర్ఫామెన్స్ మెరుగవుతాయి. పర్‌ఫామెన్స్‌ విషయంలో పెద్ద తేడా లేదు.

కెమెరా ఫీచర్లు

పిక్సెల్ 10aలో డ్యూయల్ రియర్ కెమెరా సెటప్ ఉంది. 48MP మెయిన్ కెమెరా, 13MP అల్ట్రా-వైడ్ సెన్సార్ ఉన్నాయి. Camera Coach వంటి AI ఫీచర్లు ఉన్నాయి. పిక్సెల్ 9aలో కూడా అదే 48MP ప్రైమరీ, 13MP అల్ట్రా-వైడ్ ఉన్నాయి. 13MP ఫ్రంట్ కెమెరా ఉంది. హార్డ్‌వేర్ దాదాపు ఒకేలా ఉంది. సాఫ్ట్‌వేర్ మెరుగుదలల వల్ల పిక్సెల్ 10a ఫోటోలు కొంచెం బెటర్ అవుతాయి.

బ్యాటరీ, డ్యూరబిలిటీ

పిక్సెల్ 10aలో 5,100mAh బ్యాటరీ ఉంది. A-సిరీస్‌లో ఇదే అతిపెద్ద బ్యాటరీ. రోజంతా రఫ్ యూజ్ చేసినా నడుస్తుంది. పిక్సెల్ 9aలో 5,000mAh బ్యాటరీ ఉంది. బ్యాటరీ పరంగా రెండు ఫోన్లలో తేడా చిన్నదే. పిక్సెల్ 10a IP68 డస్ట్, వాటర్ రెసిస్టెన్స్ సపోర్ట్ చేస్తుంది. పిక్సెల్ 9a బిల్డ్ క్వాలిటీ కూడా బాగుంది. బ్యాటరీ లైఫ్‌లో 10a కొంచెం ముందుంది.

భారత్‌లో ధరలు

పిక్సెల్ 9a లాంచ్ ధర రూ.49,999. ఇప్పుడు రూ.10,000 తగ్గడంతో రూ.39,999కి దొరుకుతోంది. పిక్సెల్ 10a లాంచ్ ధర రూ.49,999. రూ.3,000 క్యాష్‌బ్యాక్ ఆఫర్ ఉంది. క్యాష్‌బ్యాక్ తర్వాత కూడా 10a ధర ఎక్కువే. ఇప్పుడు రెండు ఫోన్ల మధ్య ధర ప్రధాన తేడా.

Also Read: ఇంటర్నెట్ లేకున్నా ల్యాప్‌టాప్, ఫోన్‌లో పనిచేసే కొత్త ఏఐ.. ఇండియన్ టెక్నాలజీ

ఏ ఫోన్ కొనాలి?

రెండు ఫోన్లలో హార్డ్‌వేర్ దాదాపు ఒకేలా ఉంది. ప్రాసెసర్, కెమెరా సెటప్ ఒకటే. రిఫ్రెష్ రేట్ కూడా సమానం. పిక్సెల్ 10aలో బ్రైట్‌నెస్ ఎక్కువ, బ్యాటరీ పెద్దది, కొత్త కలర్ ఆప్షన్లు ఉన్నాయి. కానీ పర్‌ఫామెన్స్‌లో పెద్ద మార్పు లేదు. లేటెస్ట్ మోడల్ కావాలంటే 10a తీసుకోండి. బెటర్ వాల్యూ కావాలంటే పిక్సెల్ 9a మంచి ఆప్షన్. ధర తగ్గడం వల్ల 9a చాలా ఆకర్షణీయంగా ఉంది. రియల్ యూజ్‌లో పెద్దగా తేడా ఉండదు. బడ్జెట్ ప్రధానమైతే పిక్సెల్ 9a తీసుకోండి. చిన్న అప్‌గ్రేడ్స్ కావాలంటే 10a ఎంచుకోండి. మీ అవసరాలను బట్టి నిర్ణయించుకోండి.