POCO F9 Series: ప్రముఖ మొబైల్ తయారీ సంస్థ పోకో (POCO) తమ సరికొత్త ఫ్లాగ్షిప్ సిరీస్ను మార్కెట్లోకి తెచ్చేందుకు రెడీగా ఉంది. ఇందులో భాగంగా POCO F9 Pro, POCO F9 Ultra మోడళ్లు పలు అంతర్జాతీయ సర్టిఫికేషన్ వెబ్సైట్లలో దర్శనం ఇచ్చాయి. దీంతో ఈ స్మార్ట్ఫోన్లు గ్లోబల్ లాంచ్కు చాలా దగ్గర్లోనే ఉందని సమాచారం.
ఇటీవలే ఐఎంఈఐ (IMEI) డేటాబేస్తో పాటు సింగపూర్కు చెందిన IMDA, ఇండోనేషియాకు చెందిన TKDN సర్టిఫికేషన్ ప్లాట్ఫామ్లలో ఈ రెండు ఫోన్ల మోడల్ నెంబర్లు దర్శనమిచ్చాయి. సాధారణంగా ఇలా సర్టిఫికేషన్ ప్రక్రియ పూర్తయిందంటే.. ఆ మోడళ్లు కంపెనీ ఇంటర్నల్ టెస్టింగ్ పూర్తి చేసుకుని త్వరలోనే అధికారికంగా లాంచ్ కాబోతున్నాయని అర్థం.
Also Read: మీ ఏరియాలో Airtel బ్రాడ్బ్యాండ్ ఉందో? లేదో? 2 నిమిషాల్లో చెక్ చేసుకోండిలా..
సర్టిఫికేషన్ లిస్టింగ్ ద్వారా ఈ ఫోన్లలో లభించే కనెక్టివిటీ వివరాలు బయటపడ్డాయి. ఇవి 5G నెట్వర్క్ సపోర్ట్తో రానున్నాయి. వీటితో పాటు బ్లూటూత్, వైఫై, ఎన్ఎఫ్సీ (NFC) వంటి అన్ని రకాల అడ్వాన్స్డ్ ఫీచర్లు ఈ మోడళ్లలో అందుబాటులో ఉంటాయని స్పష్టమైంది.
ఈసారి పోకో తమ F9 సిరీస్లో ప్రాసెసర్ల పరంగా భారీ అప్గ్రేడ్స్ ఇస్తున్నట్లు తెలుస్తోంది. POCO F9 Pro మోడల్లో క్వాల్కామ్ స్నాప్డ్రాగన్ 8 ఎలైట్ జెన్ 5 చిప్సెట్ వాడే అవకాశం ఉండగా.. F9 Ultra మోడల్లో అత్యంత శక్తివంతమైన స్నాప్డ్రాగన్ 8 ఎలైట్ జెన్ 6 ప్రో ప్రాసెసర్ను అందించనున్నారని సమాచారం.
పోకో ఎప్పుడూ సరసమైన ధరలకే ఫ్లాగ్షిప్ స్థాయి ఫీచర్లను అందిస్తుంటుంది. ఈసారి రాబోయే F9 సిరీస్ కూడా అదే బాటలో పవర్ఫుల్ గేమింగ్, వేగవంతమైన మల్టీ టాస్కింగ్, అత్యాధునిక AI ఫీచర్లతో యూజర్లను ఆకట్టుకునేలా రూపుదిద్దుకుంటోంది. త్వరలోనే ఈ ఫోన్ల పూర్తి స్పెసిఫికేషన్లు, ధర వివరాలు అధికారికంగా వెల్లడి కానున్నాయి.
Also Read: బట్టలు త్వరగా పాడవకుండా ఉండాలంటే.. వేడి నీళ్లతో ఉతకాలా? చల్లటి నీళ్లతోనా?
Share
ఆగస్టు నుంచి ఏపీ ప్రజలకు బంపర్ ఆఫర్.. సీఎం చంద్రబాబు సంచలన ప్రకటన!
హమ్మయ్య.. ఊపిరిపీల్చుకున్న టాలీవుడ్.. మన సెలబ్రిటీలు తేలుకుట్టిన దొంగలు..!
