Vivo iQoo Price Hike: రేపటి నుంచే వివో, ఐకూ ఫోన్స్ ధరలు పెంపు.. ఈ రోజే కొనేయండి

Vivo iQoo Price Hike| త్వరలోనే అన్ని స్మార్ట్‌ఫోన్ తయారీ కంపెనీలు ఫోన్స్ ధరలు పెంచబోతున్నాయి. ఇప్పటికే శాంసంగ్, మోటోరోలా కొన్ని మోడల్స్ ధరలు పెంచేశాయి. ఇదే బాటలో వివో, ఐకూ కంపెనీలు నిర్ణయం తీసుకున్నాయి. భారతదేశంలో త్వరలోనే ఈ రెండు బ్రాండ్ ఫోన్స్ మరింత ఖరీదు చేస్తాయి. మార్చి 1 నుంచి ధరలు పెంచుకోనున్నట్లు రిపోర్టులు వస్తున్నాయి. ధరలు పెంచిన తరువాత స్మార్ట్‌ఫోన్ కంపెనీలు ఈ విషయాన్ని వెల్లడించడం లేదు. నిశ్శదంగా పెంచేస్తున్నాయి.

చాలా మిడ్‌రేంజ్ మోడల్స్ ధరలు పెరగనున్నాయి. ధరలు గరిష్టంగా రూ.2,500 వరకు పెరగవచ్చు. వివో లేదా iQOO ఫోన్ కొనాలనుకుంటున్నవారు త్వరగా కొనాలి. మార్చి 1 తర్వాత ఎక్కువ ధర చెల్లించాల్సి ఉంటుంది. టిప్‌స్టర్ అభిషేక్ యాదవ్ ఈ సమాచారం ఆన్‌లైన్‌లో షేర్ చేశాడు. ఆరు స్మార్ట్‌ఫోన్ల ధరలు పెరగనున్నట్లు చెప్పాడు.

వివో T4x కొత్త ధరలు

వివో T4x 6GB + 128GB వేరియంట్ ఇప్పుడు రూ.15,499కి దొరుకుతోంది. అయితే ఈ ఫోన్ కొత్త ధర రూ.16,999 కావొచ్చు. 8GB + 256GB వేరియంట్ ఇప్పుడు రూ.18,499. ఇది రూ.20,999కి పెరగవచ్చు. అంటే రూ.1500 ధర పెంపు.

వివో T4R ధర పెంపు వివరాలు

వివో T4R 8GB + 128GB వేరియంట్ ఇప్పుడు రూ.20,999. కానీ ధర రూ.22,999కి పెరగవచ్చు. 12GB + 256GB వేరియంట్ ప్రస్తుత ధర రూ.24,999. కొత్త ధర రూ.26,999 కావొచ్చు. ఈ మోడల్ ధర రూ.2,000 పెరగవచ్చు.

వివో T4 కొత్త ధరలు

వివో T4 8GB + 128GB వేరియంట్ ఇప్పుడు రూ.22,999కి అందుబాటులో ఉంది. రేపటి నుంచి ఈ ఫోన్ ధర రూ.24,999కి పెరగవచ్చు. 12GB + 256GB వేరియంట్ ప్రస్తుత ధర రూ.26,999. కొత్త ధర రూ.28,999 కావొచ్చు. ఈ ఫోన్ కొనాలంటే రూ.2,000 ఎక్కువ చెల్లించాల్సి ఉంటుంది.

iQOO Z10x ధర పెంపు

iQOO Z10x 6GB + 128GB వేరియంట్ ప్రస్తుత ధర రూ.14,999. కొత్త ధర రూ.16,999 కావొచ్చు. 8GB + 256GB వేరియంట్ ఇప్పుడు రూ.17,999. రేపటి నుంచి రూ.20,499కి పెరగవచ్చు. ఈ ఫోన్ ధర గరిష్టంగా రూ.2,500 పెరగవచ్చు.

iQOO Z10R కొత్త ధరలు

iQOO Z10R 8GB + 128GB వేరియంట్ ప్రస్తుత ధర రూ.20,999. రేపటి నుంచి ధర రూ.22,999కి పెరగవచ్చు. 12GB + 256GB వేరియంట్ ఇప్పుడు రూ.24,999 లభిస్తోంది. ఈ ఫోన్ దాదాపు రూ.2000 ధర పెరిగి రూ.26,999కి కొనాల్సి వస్తుంది.

Also Read: మిలటరీ గ్రేడ్ స్లిమ్ ఫోన్‌‌ ధర పెంచేసిన మోటోరోలా.. లాంచ్ అయిన 2 నెలలకే ధర పెంపు

iQOO Z10 కూడా ఎక్కువ ఖరీదు

iQOO Z10 8GB + 128GB వేరియంట్ ఇప్పుడు రూ.24,999 లభిస్తోంది. ధర పెరిగి రేపటి నుంచి రూ.26,999 కావొచ్చు. 12GB + 256GB వేరియంట్ ఇప్పుడు రూ.26,999. కొత్త ధర రూ.28,999కి పెరగవచ్చు. కొనుగోలుదారులు రూ.2,000 ఎక్కువ చెల్లించాల్సి ఉంటుంది.

కొనుగోలుదారులు ఏమి చేయాలి?

ఈ ధరల పెంపు మార్చి 1 నుంచి అమలవుతాయి. కంపెనీలు అధికారికంగా ధ‌‌ృవీకరించలేదు. రిపోర్టుల ప్రకారం ధరలు పెరగడం ఖాయంగా కనిపిస్తోంది. ఈ మోడల్స్ ఏదైనా కొనాలనుకుంటే త్వరగా కొనండి. మార్చి 1 కంటే ముందు కొనుగోలు చేస్తే రూ.2,500 వరకు ఆదా చేయవచ్చు.