Kitchen Waste Biogas: పశ్చిమాసియాలో చెలరేగిన యుద్ధం.. భారత్ లో గ్యాస్ సరఫరాను తీవ్రంగా ప్రభావితం చేసిన సంగతి తెలిసిందే. దీంతో ఎల్పీజీ సిలిండర్లకు ప్రత్యామ్నయంగా ఇండక్షన్ స్టవ్స్, స్మార్ట్ కుకింగ్ పరికరాలను ప్రజలు ఆశ్రయిస్తున్నారు. అయితే మహారాష్ట్రకు చెందిన ఐఐటీ చదివిన వ్యక్తి.. ఏడేళ్ల క్రితమే ఎల్ పీజీ గ్యాస్ కు ప్రత్యామ్నయాన్ని కనుగొన్నారు. ‘వాయు’ పేరుతో.. వంటింటి వ్యర్థాలతో వంట గ్యాస్ ను తయారు చేసుకుంటున్నారు. ప్రస్తుతం అతడు అనుసరిస్తున్న మార్గం.. చాలా మందికి ప్రేరణగా నిలుస్తోంది.
మహారాష్ట్ర పూణేకు చెందిన ప్రియదర్శన్ సహస్రబుద్ధే అనే ఐఐటి గ్రాడ్యుయేట్ ‘వాయు’ అనే వినూత్నమైన కాంపాక్ట్ బయోగ్యాస్ వ్యవస్థను అభివృద్ధి చేశారు. ఇది మనం పారేసే రోజూవారి వంటింటి చెత్తను బయో గ్యాస్ గా మారుస్తుంది. దీని వల్ల డబ్బు ఆదా అవ్వడమే కాకుండా పర్యావరణానికి కూడా ఎంతో మేలు జరగనుంది.
వాయు ప్రాజెక్ట్ లో కింద గ్యాస్ తయారు చేయాలంటే కూరగాయల తొక్కలు, మిగిలిపోయిన ఆహారం, అన్నం, చపాతీలు ఇలా మనం పారవేసే వంటింటి వ్యర్థాలు అవసరం. ఈ వ్యర్థాలు మీథేనోజెనిక్ సూక్ష్మజీవులతో నిండిన డైజెస్టర్లోకి వెళ్తాయి. ఆక్సిజన్ లేని వాతావరణంలో ఈ పదార్థాలు విచ్చిన్నమై మిథేన్ వాయువును ఉత్పత్తి చేస్తాయి. ఆ వాయువు అక్కడ నుంచి గ్యాస్ నిల్వ కోసం ఏర్పాటు చేసిన యూనిట్ కు వెళ్లి.. దానికి కనెక్ట్ చేసిన పైపు గుండా స్టవ్ వద్దకు ప్రవహిస్తుంది. ఫలితంగా మనం నిత్యం ఎల్ పీజీ గ్యాస్ ను ఏ విధంగా ఉపయోగిస్తామో.. ఆ తరహాలోనే ఈ గ్యాస్ ను వాడుకుంటూ వంట చేసుకోవచ్చు.
అయితే ఈ వాయు బయోగ్యాస్ కోసం నిరంతరాయంగా వంటింటి వ్యర్థాలు అవసరం అవుతాయి. ఒక రోజువారి వంటకు.. సుమారు 5 కిలోల తడి వ్యర్థాలు అవసరం అవుతాయని ఐఐటీ గ్రాడ్యుయేట్ ప్రియదర్శన్ తెలిపారు. 2 కిలోల సేంద్రియ వ్యర్థాల నుండి 200 లీటర్ల బయోగ్యాస్ ఉత్పత్తి అవుతుందని పేర్కొన్నారు. ఇది దాదాపు 40 నిమిషాల పాటు నిరంతరాయంగా గ్యాస్ స్టవ్ మండేందుకు ఉపయోగపడుతుందని స్పష్టం చేశారు.
పూణెలోని తన నివాసంలో 2019లో వాయు బయోగ్యాస్ వ్యవస్థను ఏర్పాటు చేసుకున్నట్లు ప్రియదర్శన్ తెలిపారు. ఇక అప్పటి నుంచి గ్యాస్ సిలిండర్ తో పనిలేకుండానే.. కిచెన్ లో వంట పనులు చెక్కబెడుతున్నట్లు స్పష్టం చేశారు. ఈ వాయు ప్రాజెక్ట్ కోసం ఎలాంటి విద్యుత్ ఖర్చు కూడా ఉండదని తెలియజేశారు. పైగా గ్యాస్ వెలికితీయగా మిగిలిన వ్యర్థాలను ఇంట్లోని మెుక్కలకు ఎరువులుగా ఉపయోగిస్తున్నట్లు చెప్పారు. హైదరాబాద్, ముంబయి, ఔరంగబాద్, నాసిక్ వంటి నగరాల్లో 450కి పైగా ఇళ్లల్లో వాయు బయోగ్యాస్ వ్యవస్థను ఏర్పాటు చేసినట్లు ప్రియదర్శన్ చెప్పుకొచ్చారు.
Also Read: Induction Stove Tips: వంట అవ్వగానే.. ఇండక్షన్ స్టవ్ ఆఫ్ చేస్తున్నారా? అయితే చిక్కుల్లో పడ్డట్లే!
వాయు పద్దతిలో గ్యాస్ ను తయారు చేయడం వల్ల డబ్బు ఆదాతో పాటు పర్యావరణ పరంగానూ రెండు ప్రయోజనాలు కలుగనున్నాయి. మొదటిది వ్యర్థాల నిర్వహణ సులభం అవ్వనుంది. రెండోది శిలాజ ఇంధనాలపై ఆధారపడటం తగ్గుతుంది. అంతేకాకుండా గ్యాస్ తయారైన తర్వాత మిగిలే వ్యర్థం (Slurry) మొక్కలకు అద్భుతమైన సేంద్రియ ఎరువుగా ఉపయోగపడనుండటం కూడా మరో ప్రకృతిపరమైన ప్రయోజనంగా చెప్పవచ్చు.
Also Read: Gas Saving Tips: గ్యాస్ కొరత వేధిస్తోందా? ఈ చిట్కాలు పాటిస్తే.. నెల వచ్చే గ్యాస్ 3 నెలల వస్తుంది!
Share
Cm Revanth : బీఆర్ఎస్ అడ్డా మీద రేవంత్ సవాల్..హరీశ్కు ఓటమి తప్పదా?
Peddi Movie: పెద్ది - దేవర మూవీలు ఒకటేనా?
