Realme 16 5G launched: ఈ ఆధునిక కాలంలో స్మార్ట్ఫోన్ల ధరలు చూస్తుంటే సామాన్యులకు చుక్కలు కనిపిస్తున్నాయి. ఏదైనా కొత్త మోడల్ వస్తే ధర పెరుగుతుందే తప్ప తగ్గడం లేదు. దీంతో చాలామంది కొత్త ఫోన్ కొనాలని ప్లాన్ చేసినా.. విడుదలైన ఫోన్ల ధరలు చూసి వెనకడుగు వేస్తుంటారు. ఇప్పుడు అలాంటి వారి కోసమే తక్కువ బడ్జెట్లో ‘Realme 16 5G’ భారత్లోకి ఎంట్రీ ఇచ్చింది. అయితే, ఈసారి రియల్మీ పాత మోడల్ కంటే ఎక్కువ ఫీచర్లు ఇచ్చేద్దామని కాకుండా, యూజర్లకు రోజువారీగా ఏం కావాలో వాటి మీద ఎక్కువ ఫోకస్ పెట్టింది. ముఖ్యంగా ఛార్జింగ్ అయిపోతుందన్న టెన్షన్ లేకుండా ఉండటానికి 7000mAh బ్యాటరీ, ఫోన్ వెనుక సెల్ఫీ మిర్రర్ లాంటి కొత్త ఐడియాలతో ఈ ఫోన్ మన ముందుకు వచ్చింది.
ఈ Realme 16 5G ఫోన్ మొత్తం మూడు వేరియంట్లలో విడుదలైంది. బేస్ మోడల్ 8GB + 128GB ధర రూ.31,999గా ఉంది. అలాగే 8GB + 256GB మోడల్ కావాలంటే రూ.33,999, ఇక హైఎండ్ మోడల్ 12GB + 256GB కావాలంటే రూ.36,999 పెట్టాల్సిందే. ఎయిర్ బ్లాక్, ఎయిర్ వైట్ రంగుల్లో మెరిసిపోతున్న ఈ ఫోన్.. ఏప్రిల్ 6 నుంచి ఫ్లిప్కార్ట్, రియల్మీ సైట్లలో సేల్కు రానుంది. మీకు ఇప్పుడే కావాలనుకుంటే ప్రీ బుకింగ్ కూడా చేసుకోవచ్చు.
Also Read: టెక్ లవర్స్ డ్రీమ్ ఫోన్పై అమెజాన్లో క్రేజీ డీల్.. Galaxy Z Flip 7ను ఇలా సొంతం చేసుకోండి!
సాధారణంగా పెద్ద బ్యాటరీ ఉంటే ఫోన్ బరువుగా ఉంటుందనే భయం ఉంటుంది. కానీ ఈ రియల్మీ 15తో పోలిస్తే ఈ రియల్మీ 16 5G చాలా తేలికగా, స్లిమ్గా ఉంది. దీని బరువు కేవలం 183 గ్రాములే. దీంతో ఈ ఫోన్ను చేతిలో పట్టుకున్నా, జేబులో పెట్టుకున్నా చాలా కంఫర్ట్గా ఉంటుంది. అలాగే దీనిలో 6.57 అంగుళాల అమోలెడ్ డిస్ప్లే ఇచ్చారు. ఐపీ66/68/69 రేటింగ్ ఉండటం వలన వర్షంలో తడిచినా, పొరపాటున బురదలో పడినా ఫోన్కు ఏమీకాదు. మన్నిక విషయంలో రియల్మీ గట్టిగానే ప్లాన్ చేసింది.
ఇకపోతే కెమెరాల విషయానికి వస్తే.. ఒక ఇంట్రెస్టింగ్ మార్పు జరిగింది. వెనుక వైపు 50 మెగాపిక్సెల్ సోనీ కెమెరా పక్కన ఒక చిన్న సెల్ఫీ మిర్రర్ ఇచ్చారు. తద్వారా మెయిన్ కెమెరాతో సెల్ఫీ తీసుకోవాలనుకున్నప్పుడు మన ఫేస్ ఎలా కనిపిస్తుందో ఆ అద్దంలో చూసి ఫ్రేమ్ సెట్ చేసుకోవచ్చు. ఇక ముందు వైపు కూడా 50 మెగాపిక్సెల్ కెమెరానే ఉంది. అలాగే ఇందులో 7000mAh భారీ బ్యాటరీ ఇవ్వడంతో.. ఒకసారి ఛార్జ్ చేస్తే రెండ్రోజుల వరకు హ్యాపీగా వాడుకోవచ్చు. అయితే ఛార్జింగ్ స్పీడ్ మాత్రం 60W కి తగ్గించారు. కాబట్టి ఫుల్ అవ్వడానికి కొంచెం టైమ్ పడుతుంది.
హెవీ గేమింగ్ కంటే కూడా ఫోన్ ఎక్కువ రోజులు ఆగాలి, ఎన్ని ఏళ్లయినా గట్టిగా ఉండాలి అనుకుంటే ఈ Realme 16 5G బెస్ట్ ఆప్షన్. దీనిలో లేటెస్ట్ ఆండ్రాయిడ్ 16 కూడా ఉంది. ఒకవేళ మీకు కెమెరాలో వైడ్ యాంగిల్ షాట్స్ కావాలి, ఫోన్ సూపర్ ఫాస్ట్గా ఛార్జ్ అయిపోవాలి అనుకుంటే మాత్రం పాత రియల్మీ 15 లేదా మార్కెట్లో ఉన్న ఇతర ఫోన్లను పరిశీలించవచ్చు. పక్కాగా బ్యాటరీ లైఫ్, మన్నిక కోరుకునే వారికి మాత్రం ఇది మంచి ఫోన్.
Also Read: ఆ లుక్ ఏంది సామీ.. వీగన్ లెదర్, భారీ బ్యాటరీతో ‘Redmi Note 15 SE 5G’ భారత్లో లాంచ్!
ఈ కథనంలో మీకు పరిచయం చేసిన ప్రొడక్ట్ లేదా దాని ధరలు.. ఆయా కంపెనీల ఆఫర్లపై ఆధారపడి ఉంటాయి. వాటిని కొనుగోలు చేసేప్పుడు ఒకటికి రెండుసార్లు తప్పకుండా సరిచూసుకోగలరు. మీరు కొనుగోలు చేసే సమయానికి ఈ కథనంలో పేర్కొన్న ధరలు మారిపోయి ఉండవచ్చు. కాబట్టి.. అలాంటి విషయాలకు ‘బిగ్ టీవీ’ బాధ్యత వహించదని గమనించగలరు. ఈ వివరాలు కేవలం మీ అవగాహన కోసం మాత్రమే.
Share
నేతన్నల పొట్ట కొడుతున్న కాంగ్రెస్ సర్కార్.. కల్వకుంట్ల కవిత విమర్శలు!
స్వేచ్ఛ ఎఫెక్ట్.. ఎట్టకేలకు తెరుచుకున్న చలివేంద్రం
