Realme 16T 5G: టెక్ ప్రియులంతా ఎప్పుడెప్పుడా అని ఎదురుచూస్తున్న Realme 16T 5G ఎట్టకేలకు భారత్‌లో విడుదలకు సిద్ధమైంది. మే 22న ఈ ఫోన్ ఇండియాలో గ్రాండ్ లాంచ్ కానున్నట్లు రియల్‌మీ అఫీషియల్‌గా అనౌన్స్ చేసింది. గతేడాది వచ్చిన 15Tలో 7,000mAh బ్యాటరీ చూసి అందరం అబ్బా అనుకున్నాం. కానీ ఈసారి రియల్‌మీ మరో అడుగు ముందుకేసి ఏకంగా 8,000mAh భారీ బ్యాటరీని ప్యాక్ చేసింది. అంత పెద్ద బ్యాటరీ ఉన్నా కూడా ఫోన్ ఏమాత్రం లావుగా లేకుండా.. చాలా స్లిమ్‌గా (8.8 మిమీ) ఉండటం విశేషం.
ఈ Realme 16T 5G స్పెషాలిటీ ఏమిటంటే.. ఒక్కసారి ఫుల్ ఛార్జ్ చేస్తే మూడ్రోజుల పాటు ఛార్జర్ ఎక్కడుందో వెతుక్కోవాల్సిన అవసరం లేదు. అలాగే ఎక్కువగా గేమ్స్ ఆడేవారికి ఈ ఫోన్ పిచ్చ పిచ్చగా నచ్చేస్తుందనే చెప్పాలి. ఎందుకంటే.. కంటిన్యూగా 11 గంటల పాటు బీజీఎమ్ఐ ఆడినా బ్యాటరీ సపోర్ట్ ఇస్తుంది. ఇక లుక్స్ పరంగా చూస్తే.. అల్యూమినియం కెమెరా మాడ్యూల్‌తో చాలా క్లాసీగా కనిపిస్తోంది. ఇది ఆరోరా గ్రీన్, స్టార్‌లైట్ రెడ్, స్టార్‌లైట్ బ్లాక్ రంగుల్లో మెరిసిపోనుంది.
దీనిలో మీడియాటెక్ డైమెన్సిటీ 6300 చిప్‌సెట్‌ను వాడారు. ఇది మరీ హెవీ గేమింగ్ కోసం కాకపోయినా.. వాట్సప్, ఇన్స్టాగ్రామ్, యూట్యూబ్ వీడియోలు చూసుకోవడానికి ఎక్కడా ఆగకుండా చాలా స్మూత్‌గా పనిచేస్తుంది. 8GB RAM, లేటెస్ట్ ఆండ్రాయిడ్ 16 వెర్షన్‌తో వస్తున్న ఈ ఫోన్.. పవర్‌ఫుల్ పెర్ఫార్మెన్స్ కంటే కూడా ఫోన్ ఛార్జింగ్ ఎక్కువ సేపు రావాలనుకునే వారికి బెస్ట్ ఆప్షన్ కానుంది.
Also Read: ఏసీ బిల్లు తగ్గించే అద్భుత చిట్కా.. మేడ పైకి ఎక్కి ఇదొక్కటి చేయండి చాలు!
భారీ బ్యాటరీని నింపడానికి 45W ఫాస్ట్ ఛార్జింగ్‌ను ఇచ్చారు. డిస్‌ప్లే కూడా 6.8 అంగుళాలతో చాలా పెద్దగా ఉంటుంది. ఇందులో మరో మంచి విషయం ఏంటంటే.. బైపాస్ ఛార్జింగ్. అంటే.. ఛార్జింగ్ పెట్టి గేమ్ ఆడుతున్నప్పుడు పవర్ నేరుగా బ్యాటరీకి కాకుండా ఫోన్‌కు అందుతుంది. దీనివల్ల గేమ్ ఆడేటప్పుడు ఫోన్ వేడెక్కదు. బ్యాటరీ లైఫ్ కూడా ఎక్కువ కాలం ఉంటుంది.
Realme 16T 5G ధర సుమారు రూ.20,000 నుంచి రూ.30,000 మధ్యలో ఉండొచ్చని టెక్ నిపుణుల అంచనా. ఈ రేంజ్‌లో మిగతా కంపెనీలు స్పీడ్ మీద ఫోకస్ పెడితే.. రియల్‌మీ మాత్రం మా ఫోన్ వాడితే ఇక ఛార్జింగ్ టెన్షన్ ఉండదు అనే భరోసాతో ఈ మోడల్‌ను లాంచ్ చేసినట్లుంది. మరి ఈ భారీ బ్యాటరీ ఫోన్ టెక్ ప్రియులను ఎంతవరకు ఆకట్టుకుంటుందో వేచి చూడాల్సిందే.
Also Read: 50 డిగ్రీల ఎండలోనైనా హాయిగా గుర్రుపెట్టి నిద్రపోవచ్చు.. ఈ Silent Sleep Split ACలు ఉంటే!
Share
మెదక్ జిల్లాలో శిశు విక్రయం కలకలం
బండి రోడ్డుపై వదిలేస్తున్నారా? అయితే జాగ్రత్త.. మీ వాహనంపై హక్కు కోల్పోయే ప్రమాదం!
