Realme Buds Clip: ఇండియాలో క్లిప్ స్టైల్ ఇయర్ బడ్స్ త్వరలోనే.. 36 గంటల బ్యాటరీ బ్యాకప్, 3D ఆడియో సపోర్ట్ కూడా

Realme Buds Clip| రియల్మీ తన కొత్త ఆడియో ప్రొడక్ట్ రియల్మీ బడ్స్ క్లిప్‌ను భారత్‌లో లాంచ్ చేయనున్నట్లు ధృవీకరించింది. క్లిప్-స్టైల్ ఓపెన్-ఇయర్ ఇయర్‌బడ్స్ విభాగంలో ఇదే రియల్మీ తొలి ఎంట్రీ. ఈ ఇయర్‌బడ్స్‌లో సౌకర్యం, భద్రత, ఎక్కువ బ్యాటరీ లైఫ్‌పై రియల్మీ దృష్టి పెట్టింది. ఈ నెల ప్రారంభంలోనే రియల్మీ బడ్స్ ఎయిర్ 8 లాంచ్ చేసింది. ఇప్పుడు ఆడియో లైనప్‌ను మరింత విస్తరించాలని రియల్మీ లక్ష్యంగా పెట్టుకుంది.

ఓపెన్-ఇయర్ క్లిప్ డిజైన్ ఏమిటి?

రియల్మీ బడ్స్ క్లిప్ ఓపెన్-ఇయర్ క్లిప్-స్టైల్ డిజైన్‌తో వస్తుంది. ఇయర్ కెనాల్‌ను మూసివేయకుండా చెవికి బయట తాకుతూ ఉంటాయి. దీనివల్ల చుట్టూ ఉన్న శబ్దాలు సులభంగా వినిపిస్తాయి. బయటి పనులు, ఆఫీస్ ఉపయోగం, ఎక్కువ సేపు వినడానికి ఇవి చాలా బాగుంటాయి. ఇయర్ ఫ్యాటిగ్ తగ్గుతుంది. రోజూ ఉపయోగించే వారికి, భద్రత గురించి ఆలోచించే వారికి ఇది సరైన ఎంపిక.

తేలికైన బిల్డ్, కలర్ ఆప్షన్లు

ప్రతి ఇయర్‌బడ్ బరువు కేవలం 5.3 గ్రాములు మాత్రమే. ఎక్కువ సేపు వాడినా సౌకర్యంగా ఉంటాయి. టైటానియం-ఫిట్ స్ట్రక్చర్ బలంగా పట్టుకుంటుంది. మ్యాట్ ఫినిష్ వల్ల చెమట, నూనె అంటుకోదు. టైటానియం బ్లాక్, టైటానియం గోల్డ్ అనే రెండు కలర్లలో లభిస్తాయి. రెండూ ప్రీమియం, ఆధునిక లుక్ ఇస్తాయి.

ఆడియో క్వాలిటీ, స్పీకర్ టెక్నాలజీ

11mm డ్యూయల్-మ్యాగ్నెట్ డైనమిక్ డ్రైవర్లు ఉపయోగించారు. ఇందులో సౌండ్ బలంగా, బ్యాలెన్స్‌గా వినిపిస్తుంది. సెల్ఫ్-డెవలప్డ్ బాస్ ఎన్‌హాన్స్‌మెంట్ సిస్టమ్, నెక్స్ట్‌బాస్ అల్గారిథమ్‌తో బాస్ డీప్‌గా వస్తుంది. వాయిస్ క్లారిటీ ప్రభావితం కాదు. 3D స్పేషియల్ ఆడియో సపోర్ట్ ఉంది. డైరెక్షనల్ సౌండ్ టెక్నాలజీతో శబ్దం లీక్ కాకుండా ఉంటుంది.

కాల్ క్వాలిటీ నాయిస్ రిడక్షన్

ప్రతి ఇయర్‌బడ్‌లో డ్యూయల్ మైక్రోఫోన్ సెటప్ ఉంది. AI బేస్డ్ ఎన్విరాన్‌మెంటల్ నాయిస్ క్యాన్సిలేషన్‌తో కాల్స్ స్పష్టంగా వస్తాయి. విండ్ నాయిస్ రిడక్షన్ బయటి కాల్స్‌కు బాగుంటుంది. తరచూ కాల్స్ చేసేవారికి, మీటింగ్‌లకు ఇది ఉపయోగకరం.

కనెక్టివిటీ, స్మార్ట్ ఫీచర్లు

బ్లూటూత్ 5.4 సపోర్ట్ ఉంది. SBC, AAC ఆడియో కోడెక్స్‌లు ఉన్నాయి. డ్యూయల్-డివైస్ కనెక్షన్ సౌలభ్యం ఉంది. ఒకే సమయంలో రెండు పరికరాలకు కనెక్ట్ చేయవచ్చు. లో-లేటెన్సీ మోడ్‌లో 45ms వరకు రెస్పాన్స్ టైమ్ ఉంటుంది. గేమింగ్, వీడియోలకు బాగుంటుంది.

బ్యాటరీ లైఫ్, ఛార్జింగ్

ఒక్క ఛార్జ్‌తో 7 గంటల ప్లేబ్యాక్ ఇస్తాయి. ఛార్జింగ్ కేస్‌తో మొత్తం 36 గంటల బ్యాటరీ లైఫ్ వస్తుంది. USB Type-C ఛార్జింగ్ సపోర్ట్ ఉంది. రోజంతా ఉపయోగించినా తరచూ ఛార్జ్ చేయాల్సిన అవసరం లేదు.

Also Read: మొబైల్ ఫోన్ చోరీ అయిందా? వెంటనే ఇలా చేస్తే తిరిగి వస్తుంది