Realme C65 5G Launched : చైనీస్ స్మార్ట్‌ఫోన్ కంపెనీ రియల్ C65 5G స్మార్ట్‌ఫోన్ లాంచ్ చేసింది. ఈ ఫోన్‌ను రూ.10 వేల లోపు ధరకే తీసుకొచ్చింది రియల్ మీ. ఈ కొత్త స్మార్ట్‌ఫోన్ MediaTek Dimensity 6300 ప్రాసెసర్‌తో వస్తుంది. అంతేకాకుండా 50 MP డ్యూయల్ బ్యాక్ కెమెరా సెటప్‌ను కలిగి ఉంది. ఈ ఫోన్ ఆండ్రాయిడ్ 14 ఆపరేటింగ్ సిస్టమ్‌తో పనిచేస్తుంది. C65 5G స్మార్ట్‌ఫోన్ ధర, ఫీచర్లు తదితర విషయాల గురించి తెలుసుకోండి.
రియల్ మీ C65 5G స్మార్ట్‌ఫోన్ ఫీచర్ల విషయానికి వస్తే ఇందులో 6.67-అంగుళాల IPS LCD డిస్‌ప్లే ఉంది. ఇది 120Hz రిఫ్రెష్ రేట్‌తో 625 nits పీక్ బ్రైట్‌నెస్ అందిస్తుంది. ఫోన్ MediaTek Dimensity 6300 6nm ప్రాసెసర్‌తో వస్తుంది. 6 GB RAM, 6 GB వర్చువల్ ర్యామ్‌తో వస్తుంది. ఫోన్‌లో 128 GB స్టోరేజ్ ఉంటుంది. ఇందులో మైక్రో SD కార్డ్ సపోర్ట్ కూడా ఉంది.
Also Read : కిర్రాక్ ఆఫర్.. ఇలా కొంటే రూ.400లకే 5G స్మార్ట్‌ఫోన్!
ఈ ఫోన్ ఆండ్రాయిడ్ 14 ఆధారంగా ఇంటర్‌ఫేస్ RealmeUI 5.0పై నడుస్తుంది. ఇందులో 5000 mAh బ్యాటరీని ఉంది. ఈ ఫోన్ 15W ఫాస్ట్ ఛార్జింగ్‌కు సపోర్ట్ ఇస్తుంది. కనెక్టవిటీ కోసం ఫోన్‌లో 5G NA/NSA, డ్యూయల్ 4G VoLTE, Wi-Fi 802.11 ac (2.4GHz + 5GHz), బ్లూటూత్ 5.1, GPS + GLONASS, USB టైప్-సి ఉన్నాయి. ఈ ఫోన్ సైడ్-మౌంటెడ్ ఫింగర్ ప్రింట్ సెన్సార్, IP54 రేటింగ్‌ను కలిగి ఉంది.
కెమెరా గురించి చెప్పాలంటే C65 5G స్మార్ట్‌ఫోన్‌లో డ్యూయల్ రియర్ కెమెరా సెటప్ ఉంది. ఫోన్ మెయిన్ కెమెరా 50 MP కాగా 2 MP సెకండరీ కెమెరా సెన్సార్ అందించబడింది. సెల్ఫీలు, వీడియో కాలింగ్ కోసంఈ ఫోన్ 8 MP ఫ్రంట్ కెమెరాను కలిగి ఉంది.
Realme C65 ధర చూస్తే.. 4 GB RAM +64 GB స్టోరేజ్ కలిగిన స్మార్ట్‌ఫోన్ బేస్ వేరియంట్ ధర రూ. 10,499. 4 GB RAM + 128 GB స్టోరేజ్‌తో ఉన్న ఇతర వేరియంట్ ధర రూ.11,499. ఈ రెండు వేరియంట్‌లపై రూ. 500 ఇన్‌స్టంట్ బ్యాంక్ డిస్కౌంట్ ఇస్తుంది.
Also Read : 108 MP కెమెరాతో అదిరిపోయే ఫోన్ వచ్చేసింది.. ఫీచర్లు వైరల్
6 GB RAM+128 GB స్టోరేజ్ వేరియంట్‌తో ఫోన్ టాప్ వేరియంట్ రూ.12,499కి లాంచ్ చేశారు. ఈ మోడల్‌పై రూ. 1000 బ్యాంక్ డిస్కౌంట్ అందుబాటులో ఉంది. ఈ స్మార్ట్‌ఫోన్ గ్రీన్, బ్లాక్ కలర్ ఆప్షన్‌లలో వస్తుంది. ఫోన్ మొదటి సేల ఆల్రడీ ప్రారంభం అయింది.