Realme Smartphone: రియల్మి మరోసారి తన మార్కెట్ ఆధిపత్యాన్ని రుజువు చేస్తూ కొత్త ప్రీమియం 5జి స్మార్ట్ఫోన్తో ముందుకొచ్చింది. ఈ సారి లాంచ్ చేసిన మోడల్ పేరు రియల్మి జిటి 6 ప్రో 5జి. ఈ ఫోన్ రూపకల్పన నుంచీ కెమెరా, పనితీరు, బ్యాటరీ ప్రతి అంశంలోను అద్భుతంగా ఉంది. 200ఎంపి డిఎస్ఎల్ఆర్ స్థాయి కెమెరా, 12జిబి ర్యామ్, 100W ఫాస్ట్ ఛార్జింగ్ లాంటి ఫీచర్లతో ఇది ఇప్పుడు టెక్ ప్రపంచంలో హాట్టాపిక్గా మారింది.
కెమెరా – డిఎస్ఎల్ఆర్ లెవెల్లో క్లారిటీ
రియల్మి ఇప్పటివరకు కెమెరా పరంగా కూడా బలమైన స్థానం సంపాదించింది. కానీ ఈసారి మాత్రం మరో లెవెల్కి వెళ్లింది. 200ఎంపి ప్రైమరీ కెమెరా ఇందులో ప్రధాన ఆకర్షణ. శామ్సంగ్ ఐసోసెల్ హెచ్పి3 సెన్సర్ ఉపయోగించడం వలన ఈ కెమెరా నుండి వచ్చే ఫోటోలు, వీడియోలు డిఎస్ఎల్ఆర్ లెవెల్లో క్లారిటీతో కనిపిస్తాయి. కాంతి తక్కువగా ఉన్న పరిస్థితుల్లో కూడా ఫోటోలు అద్భుతంగా వస్తాయి. నేచర్ షాట్లు, నైట్ ఫోటోలు, వీడియో షూట్ ఏది చేసినా కలర్ రియలిస్టిక్గా కనిపిస్తుంది. ఫ్రంట్లో 32ఎంపి కెమెరా ఇవ్వబడింది, ఇది 4కె వీడియో రికార్డింగ్కు సపోర్ట్ చేస్తుంది. అంటే సెల్ఫీలు మాత్రమే కాదు, కంటెంట్ క్రియేటర్స్కి కూడా ఇది సరిగ్గా సరిపోతుంది.
అమోలేడ్ డిస్ప్లే
ఈ ఫోన్లో 6.7 అంగుళాల అమోలేడ్ డిస్ప్లే ఉంది. 1.5కె రిజల్యూషన్తో, 144Hz రిఫ్రెష్ రేట్తో, హెచ్డిఆర్10 ప్లస్ సపోర్ట్తో ఈ స్క్రీన్ అద్భుతమైన విజువల్ అనుభవాన్ని ఇస్తుంది. సినిమాలు చూసినా, గేమ్స్ ఆడినా స్క్రీన్లోని మోషన్ స్మూత్గా కనిపిస్తుంది. 2000 నిట్స్ బ్రైట్నెస్ వలన బయట ఎండలో కూడా క్లారిటీ స్పష్టంగా ఉంటుంది.
డిజైన్ లగ్జరీ లుక్
డిజైన్ విషయానికి వస్తే రియల్మీ జిబి 6 ప్రో 5జి నిజంగా లగ్జరీ లుక్ కలిగింది. గ్లాస్ బ్యాక్, మెటల్ ఫ్రేమ్ తో ఉన్న ఈ ఫోన్ ప్రీమియం లెవెల్ లుక్ ఇస్తుంది. చేతిలో పట్టుకున్నప్పుడు కూడా చాలా కంఫర్టబుల్గా ఉంటుంది. మిర్రర్ సిల్వర్, ఓషన్ బ్లూ అనే రెండు కలర్స్లో ఇది అందుబాటులో ఉంది.
Also Read: Amazon Offer: 65 ఇంచుల టీవీపై 62శాతం డిస్కౌంట్.. వామ్మో అమెజాన్లో ఇంత పెద్ద ఆఫరా ?
స్నాప్డ్రాగన్ పర్ఫార్మెన్స్
పర్ఫార్మెన్స్ పరంగా రియల్మీ ఈసారి అత్యాధునిక చిప్సెట్ అయిన స్నాప్డ్రాగన్ 8ఎస్ జెన్ 3 ప్రాసెసర్ని ఉపయోగించింది. ఇది ఫ్లాగ్షిప్ లెవెల్ చిప్. దీంట్లో 12జిబి ఎల్పిడిడిఆర్5ఎక్స్ ర్యామ్, 256జిబి యూఎఫ్ఎస్ 4.0 స్టోరేజ్ ఉన్నాయి. ఈ కాంబినేషన్ వలన గేమ్స్, వీడియో ఎడిటింగ్, మల్టీటాస్కింగ్ ఏదైనా లాగ్ లేకుండా సూపర్ స్మూత్గా పనిచేస్తుంది. ఫోన్ వేడెక్కకుండా ఉండేందుకు కూలింగ్ సిస్టమ్ కూడా చాలా సమర్థంగా పనిచేస్తుంది.
5000mAh సామర్థ్యం బ్యాటరీ
బ్యాటరీ విషయానికి వస్తే 5000mAh సామర్థ్యం కలిగిన బ్యాటరీ ఉంది. ముఖ్యంగా 100W సూపర్వూక్ ఫాస్ట్ ఛార్జింగ్ సపోర్ట్ ఉంది. దీని వలన ఫోన్ కేవలం 20 నిమిషాల్లోనే పూర్తిగా ఛార్జ్ అవుతుంది. ఇది ట్రావెల్ సమయంలో, ఎమర్జెన్సీ సిట్యుయేషన్లలో చాలా ఉపయోగపడే ఫీచర్.
ఫేస్ అన్లాక్ సాఫ్ట్వేర్
సాఫ్ట్వేర్గా ఆండ్రాయిడ్ 14 ఆధారంగా ఉన్న రియల్మి యూఐ 6.0 వస్తోంది. ఇది కొత్తగా వచ్చిన ఏఐ ఫీచర్లను, స్మార్ట్ ఫోటో ఎడిటింగ్ టూల్స్, వాయిస్ కంట్రోల్ ఆప్షన్లను అందిస్తుంది. సెక్యూరిటీ పరంగా ఇన్ డిస్ప్లే ఫింగర్ప్రింట్, ఫేస్ అన్లాక్ ఫీచర్లు ఉన్నాయి.
ధర ఎంతంటే?
ఇన్ని అద్భుతమైన ఫీచర్లున్న ఈ ఫోన్ ధర మాత్రం ఆశ్చర్యకరంగా తక్కువ. రియల్మి జిటి 6 ప్రో 5జి ధర రూ.34,999గా ప్రారంభమవుతోంది. ఫ్లిప్కార్ట్, రియల్మీ అధికారిక వెబ్సైట్ ద్వారా మొదటి సేల్లో ఇది అందుబాటులో ఉంటుంది. హెచ్డిఎఫ్సి, ఐసిఐసిఐ బ్యాంక్ కార్డులతో కొనుగోలు చేసే వారికి రూ.3,000 ఇన్స్టంట్ డిస్కౌంట్ అందుతుంది. మొదటి 3 రోజుల్లో కొనుగోలు చేసే వారికి 6 నెలల స్క్రీన్ రీప్లేస్మెంట్ ఉచితం. ఫోటోగ్రఫీ, గేమింగ్, డిజైన్ అన్నింటినీ ఒకే ఫోన్లో కోరుకునే వారికి రియల్మి ఇప్పుడు సరిగ్గా సరిపోతుంది.
Share
The Girlfriend Business: ముగిసిన నాన్ థియేట్రికల్ బిజినెస్.. రష్మిక కెరియర్ లోనే భారీ ధర!
Jayammu Nischayammu Raa: రష్మికకు కొత్త ట్యాగ్.. ఆ ముగ్గురు కలిసొచ్చారంటూ!
