Realme Neo 8: మిడ్ రేంజ్‌లో 8000mAh బ్యాటరీ, అడ్వాన్స్ స్నాప్‌డ్రాగన్ ప్రాసెసర్‌.. రియల్‌మి కొత్త ఫోన్ లాంచ్

Realme Neo 8| చైనీస్ స్మార్ట్‌ఫోన్ బ్రాండ్ Realme తన లేటెస్ట్ ప్రీమియం ఫోన్ Realme Neo 8ని చైనాలో అధికారికంగా లాంచ్ చేసింది. ఈ ఫోన్ ఎక్కువ బ్యాటరీ లైఫ్, ఫ్లాగ్‌షిప్ ప్రాసెసర్, ఆధునిక డిజైన్‌తో పనితీరుపై దృష్టి పెట్టింది. దీర్ఘకాలం బ్యాటరీ, బలమైన హార్డ్‌వేర్ కావాలనుకునే యూజర్లకు ఇది అనువైన ఆప్షన్. క్వాల్‌కామ్ లేటెస్ట్ Snapdragon 8 Gen 5 ప్రాసెసర్, పెద్ద AMOLED డిస్‌ప్లే, ట్రిపుల్ కెమెరా సెటప్‌తో వస్తోంది. ధరలు, స్పెసిఫికేషన్లు, ఫీచర్ల గురించి వివరంగా చూద్దాం.

Realme Neo 8 ధరలు, అందుబాటు వివరాలు

రియల్‌మి నియో 8 ప్రస్తుతం చైనా మార్కెట్‌లో అందుబాటులో ఉంది.
12GB RAM + 256GB స్టోరేజ్ వేరియంట్ ధర CNY 2,399 (అంటే భారత కరెన్సీలో దాదాపు రూ.31,600).
16GB RAM + 256GB మోడల్ CNY 2,699 (సుమారు రూ.35,400).
12GB RAM + 512GB వేరియంట్ CNY 2,899 (సుమారు రూ.38,100).
16GB RAM + 512GB ఆప్షన్ CNY 3,199 (సుమారు రూ.42,000).
టాప్-ఎండ్ 16GB RAM + 1TB స్టోరేజ్ వేరియంట్ CNY 3,699 (సుమారు రూ.48,600).
ఈ ఫోన్ మూడు కలర్ వేరియంట్స్‌.. వైట్, పర్పుల్, గ్రే కలర్ ఆప్షన్లలో లభిస్తుంది.

డిస్‌ప్లే, డిజైన్ వివరాలు

రియల్‌మి నియో 8లో 6.78 ఇంచ్ Full HD+ AMOLED డిస్‌ప్లే ఉంది. రిజల్యూషన్ 1,272 x 2,772 పిక్సెల్స్‌తో షార్ప్ విజువల్స్ ఇస్తుంది. 165Hz రిఫ్రెష్ రేట్‌తో స్మూత్ గేమింగ్, స్క్రోలింగ్ ఎక్స్పీరియన్స్ ఉంటుంది. 360Hz టచ్ సాంప్లింగ్ రేట్ రెస్పాన్సివ్‌నెస్‌ను మెరుగుపరుస్తుంది. పీక్ బ్రైట్‌నెస్ 3,800 నిట్స్ వరకు ఉండటంతో బయటి వెలుగులో కూడా స్పష్టంగా కనిపిస్తుంది.
క్రిస్టల్ ఆర్మర్ గ్లాస్ డిస్‌ప్లేను గీతలు, చిన్న డ్యామేజ్ నుంచి కాపాడుతుంది. ఫోన్ మందం 8.30mm, బరువు సుమారు 215 గ్రాములు మాత్రమే.

పర్‌ఫామెన్స్, సాఫ్ట్‌వేర్ సపోర్ట్

రియల్‌మి నియో 8లో స్నాప్‌డ్రాగన్ 8 జెన్ 5 ప్రాసెసర్ ఉంది. గేమింగ్, మల్టీటాస్కింగ్, డైలీ ఉపయోగంలో టాప్-లెవల్ స్పీడ్ ఇస్తుంది. గరిష్టంగా 16GB RAM, 1TB స్టోరేజ్ సపోర్ట్ చేస్తుంది. Realme మూడు ఆండ్రాయిడ్ వెర్షన్ అప్‌గ్రేడ్లు ఇస్తుంది. నాలుగు సంవత్సరాల సెక్యూరిటీ అప్‌డేట్లు కూడా హామీ ఇచ్చింది.

Also Read: ఆండ్రాయిడ్ యూజర్లకు షాకిచ్చిన నెట్‌ఫ్లిక్స్.. ఇక ఆ ఆప్షన్ లేనట్లే!

కెమెరా సెటప్, ఫీచర్లు

రియల్‌మి నియో 8లో ట్రిపుల్ రియర్ కెమెరా సిస్టమ్ ఉంది. 50 మెగాపిక్సెల్ వైడ్-యాంగిల్ ప్రైమరీ సెన్సార్ OIS సపోర్ట్‌తో వస్తుంది. 50 మెగాపిక్సెల్ టెలిఫోటో కెమెరా డీటెయిల్డ్ జూమ్ షాట్స్ ఇస్తుంది. 8 మెగాపిక్సెల్ అల్ట్రా-వైడ్ కెమెరా ల్యాండ్‌స్కేప్, గ్రూప్ ఫోటోలకు ఉపయోగపడుతుంది. ముందు భాగంలో 16 మెగాపిక్సెల్ సెల్ఫీ కెమెరా ఉంది. 3D అల్ట్రాసోనిక్ ఫింగర్‌ప్రింట్ సెన్సార్ ఫాస్ట్, సేఫ్ అన్‌లాక్ ఇస్తుంది.

కనెక్టివిటీ, బ్యాటరీ, ఆడియో

Realme Neo 8 5G కనెక్టివిటీ సపోర్ట్ చేస్తుంది.  Wi-Fi, Bluetooth, GPS, BeiDou, Galileo, USB Type-C పోర్ట్ ఉన్నాయి. ఎక్సిలరోమీటర్, గైరోస్కోప్, ప్రాక్సిమిటీ, అంబియంట్ లైట్ సెన్సార్లు ఉన్నాయి.
డ్యూయల్ స్టీరియో స్పీకర్లు మంచి ఆడియో అనుభవం ఇస్తాయి. ఫోన్‌లో 8,000mAh పెద్ద బ్యాటరీ ఉంది. 80W వైర్డ్ ఫాస్ట్ చార్జింగ్, బైపాస్ చార్జింగ్ టెక్నాలజీ సపోర్ట్ చేస్తుంది.

Share

• 
• 
• 
• 
• 
•