Realme P4 Power 5G Launch: వారానికి రెండుసార్లు ఛార్జ్ చేస్తే చాలు.. 10,001mAh బ్యాటరీతో రియల్‌మీ P4 పవర్ లాంచ్!

Realme P4 Power 5G Launch: మునుపెన్నడూ లేని విధంగా ప్రముఖ చైనా సంస్థ రియల్‌మీ నుంచి ఏకంగా 10,001mAh భారీ బ్యాటరీతో Realme P4 Power 5G స్మార్ట్‌ఫోన్ భారత మార్కెట్‌లో విడుదలైంది. మొబైల్ ప్రపంచంలోనే సరికొత్త రికార్డులు సృష్టిస్తూ వచ్చిన ఈ ఫోన్.. ముఖ్యంగా ఛార్జింగ్ సమస్యలతో ఇబ్బంది పడేవారి కోసమే దీనిని రూపొందించినట్లు తెలుస్తోంది. ఇప్పుడీ రియల్‌మీ P4 పవర్ 5G ధర, ఫీచర్లు, పూర్తి వివరాలు తెలుసుకుందాం.

భారీ బ్యాటరీతో సంచలనం:

Realme P4 Power 5G ఫోన్ మెయిన్ హైలైట్ దాని 10,001mAh సిలికాన్ కార్బన్ టైటాన్ బ్యాటరీ. ‘వారానికి రెండు సార్లు ఛార్జ్ చేస్తే చాలు’ అనే సరికొత్త ఫిలాసఫీతో వచ్చిన ఈ ఫోన్.. సాధారణ వినియోగదారులకు మాత్రమే కాదు.. రాత్రింబవళ్లు గేమ్స్ ఆడేవారికి, ట్రావెలర్స్‌కు పక్కా సెట్ అవుతుంది. దీనిలో భారీ బ్యాటరీ ఉన్నప్పటికీ.. ఇది కేవలం 9.08mm మందం, 219 గ్రాముల బరువుతో ఉండటం విశేషం. దీనికి తోడు 80W SuperVOOC ఫాస్ట్ ఛార్జింగ్ సదుపాయం కూడా ఉంది. మరో ఆసక్తికరమైన విషయం ఏంటంటే.. ఈ ఫోన్‌ను పవర్ బ్యాంక్‌లా వాడుతూ మరో ఫోన్‌ను 27W స్పీడ్‌తో ఛార్జ్ చేయొచ్చు.

Also Read: శాంసంగ్ కొత్త ‘సీక్రెట్ ఫీచర్’.. మీ పర్సనల్ చాట్స్ ఇక సేఫ్, ఎవరికీ కనిపించవు!

అద్భుతమైన డిస్‌ప్లే:

ఇక పర్ఫార్మెన్స్ విషయంలోనూ రియల్‌మీ ఎక్కడా తగ్గలేదు. దీనిలో వాడిన మీడియాటెక్ డైమెన్సిటీ 7400 అల్ట్రా ప్రాసెసర్, గేమింగ్ ప్రియులకు 90fps వరకు స్మూత్ ఎక్స్‌పీరియన్స్‌ను అందిస్తుంది. ఇక 6.8 అంగుళాల 1.5K అమోలెడ్ డిస్‌ప్లే, ఏకంగా 6,500 నిట్స్ పీక్ బ్రైట్‌నెస్‌తో వస్తోంది. అలాగే కళ్లపై ఒత్తిడి పడకుండా 144Hz రిఫ్రెష్ రేట్, ఐకేర్ టెక్నాలజీని ఈ ఫోన్‌లో జోడించారు.

లాంచ్ ఆఫర్ల వివరాలు:

ముఖ్యంగా సామాన్యులను దృష్టిలో ఉంచుకుని రియల్‌మీ దీనిని బడ్జెట్ ధరలోనే ప్రవేశపెట్టింది. 8GB + 128GB వేరియంట్ ధర రూ.25,999 ఉండగా.. 8GB + 256GB వేరియంట్ ధర రూ.27,999
గా నిర్ణయించారు. అలాగే 12GB + 256GB వేరియంట్ ధర రూ.30,999గా లిస్ట్ అయ్యింది. అయితే, లాంచ్ ఆఫర్‌లో భాగంగా బ్యాంక్ డిస్కౌంట్ల ద్వారా దీనిని కేవలం రూ. 23,999కే సొంతం చేసుకోవచ్చు. ట్రాన్స్ సిల్వర్, ట్రాన్స్ ఆరెంజ్, ట్రాన్స్ బ్లూ అనే మూడు ఫ్యూచరిస్టిక్ రంగుల్లో ఈ ఫోన్ లభిస్తోంది.

అందుబాటులోకి ఎప్పుడు?

Realme P4 Power 5G స్మార్ట్‌ఫోన్ మొదటి సేల్ ఫిబ్రవరి 5న ఫ్లిప్‌కార్ట్, రియల్‌మీ వెబ్‌సైట్, ప్రముఖ రిటైల్ స్టోర్లలో ప్రారంభం కానుంది. మొదటి సేల్‌లో కొనుగోలు చేసిన వారికి బ్యాటరీపై ఏకంగా నాలుగేళ్ల వారంటీని ఫ్రీగా అందిస్తున్నారు. వీటితో పాటు EMI ఆప్షన్లు, పాత మొబైల్ ఎక్చేంజ్ బోనస్ కూడా లభిస్తుంది. అలాగే ఈ ఫోన్ డస్ట్, వాటర్ రెసిస్టెన్స్ కోసం దీనికి IP66, IP68, IP69 రేటింగ్స్‌ను కలిగి ఉంది.

Also Read: శాంసంగ్ గెలాక్సీ బడ్స్ 4 సిరీస్ ధరలు, ఫీచర్లు లీక్.. యాపిల్‌కు గట్టి పోటీ తప్పదా?