Realme P4x 5G:స్మార్ట్ఫోన్ మార్కెట్లో స్పీడ్కు కొత్త నిర్వచనం ఇచ్చిన బ్రాండ్ రియల్మీ. ప్రారంభం నుంచి ప్రతి సారి అగ్రెసివ్ ధరతో బెస్ట్ స్పెక్స్ ఇచ్చి యంగ్ జనరేషన్ను ఆకట్టుకుంటూ వచ్చింది. వేగం, స్టైల్, టెక్నాలజీ ఈ మూడు అంశాలను కలిపి మార్కెట్లో కొత్త పోటీని తెచ్చిన బ్రాండ్ రియల్మీ. ఫ్లాగ్షిప్ అనుభూతిని తగినంత ధరలో అందించడమే ఈ బ్రాండ్ నిజమైన స్ట్రాటజీ. అందుకే రియల్మీ ఫోన్లు ప్రత్యేకంగా గేమర్స్, పవర్ యూజర్లకు ఫేవరెట్. రియల్మీ పి సిరీస్ ఆ కాన్సెప్ట్కు స్పష్టం, పర్ఫార్మెన్స్ ప్రాధాన్యంతో వచ్చిన సిరీస్. ఇప్పుడు అదే స్ట్రాటజీతో రియల్మీ పి4ఎక్స్ 5జి మార్కెట్ లో ఎంట్రీ ఇచ్చేందుకు సిద్దమైంది. దీని ఫీచర్లపై ఓ లుక్ వేద్దామా?
డిజైన్.. బెజెల్స్ ప్రీమియం లుక్
రియల్మీ పి4ఎక్స్ 5జి డిజైన్ విషయంలో అప్డేటెడ్ విజువల్ అనుభూతిని ఇవ్వబోతోంది. మైక్రోసైట్ టీజర్లో కనిపించినట్టుగా ముందుభాగంలో హోల్ పంచ్ కటౌట్ ఉండటం ఫోన్కు ఆధునిక రూపాన్ని ఇస్తోంది. స్క్రీన్ చుట్టూ చాలా సన్నగా ఉన్న బెజెల్స్ ప్రీమియం లుక్ని మరింత బలపరుస్తాయి. మొత్తం బాడీ నిర్మాణం గేమింగ్ కు అనుకూలంగా, చేతిలో తగినంత గ్రిప్ ఇవ్వగల శైలిలో రూపొందించినట్టుగా కనిపిస్తోంది. హీట్ కంట్రోల్ సిస్టమ్ కోసం ప్రత్యేక అంతర్గత నిర్మాణం ఇవ్వబడటం వలన ప్రీమియం స్మార్ట్ఫోన్ అనుభూతి కలుగుతుంది. యువతను ఆకట్టుకునే స్పోర్టీ శైలి, వేగానికి సంకేతమైన ఫినిషింగ్ ఈ డిజైన్ ప్రత్యేకతగా చెప్పవచ్చు.
డిస్ప్లే హై పర్ఫార్మెన్స్
డిస్ప్లే విషయంలో రియల్మీ పి4ఎక్స్ 5జి గేమింగ్కి ప్రత్యేకంగా ట్యూన్ చేసిన అనుభూతిని ఇవ్వబోతోంది. ఈసారి 90 fps సపోర్ట్ అందించబడుతుండటం ప్రధాన బలం. జిటి మోడ్లో రన్ అయ్యే 90 fps గేమ్ప్లే విజువల్ అనుభూతిని పూర్తిగా కొత్త స్థాయికి తీసుకువెళ్తుంది. స్క్రీన్పై జరిగే ప్రతి మూమెంట్ స్పష్టతతో, స్మూత్గా కనిపించటమే కాదు, ఏ డీటెయిల్ మిస్ అవకుండా చూపగల సామర్థ్యం వస్తుంది. ఇది బీజియెఎమ్ఐ, సీఓడీ మొబైల్, ఫ్రీ ఫైర్, అస్ఫాల్ట్ వంటి గేమింగ్ స్టైల్ల్లో భారీ అడ్వాంటేజ్. పి3ఎక్స్ 5జి ఇచ్చిన 120Hz రిఫ్రెష్రేట్ స్క్రోల్ చేసే విధంగా రానుంది, పి4ఎక్స్ సపోర్ట్ చేస్తున్న 90 fps నిజమైన హై పర్ఫార్మెన్స్ మ్యాచింగ్ ఫ్రేమ్రేట్.
Also Read: Himalayan Royal Enfield: రోడ్డుపై ఈ రాయల్ ఎన్ఫీల్డ్ సౌండ్ మొదలైతే… గాలి కూడా పక్కకు తప్పుకోవాలి
50ఎంపి మెయిన్ లెన్స్ కెమెరా
కెమెరా విషయానికి వస్తే, కంపెనీ ఇప్పటివరకు కెమెరా అంశాన్ని సస్పెన్స్లో ఉంచిన తీరు చూసినప్పుడు ఈసారి పెద్ద అప్గ్రేడ్ రాబోతోందన్న అభిప్రాయం మార్కెట్లో కనిపిస్తోంది. పి3ఎక్స్ 5జిలో 50ఎంపి మెయిన్ లెన్స్ ఇవ్వబడింది. పి4ఎక్స్ 5జి నెక్స్ట్ జెన్ ఫొటోగ్రఫీ, స్టెబిలైజేషన్ అప్డేట్లు, ఏఐ ప్రాసెసింగ్ ఇంప్రూవ్మెంట్లు అందించే అవకాశం ఉంది. ప్రధాన దృష్టి పర్ఫార్మెన్స్ పైనే ఉన్నందున కెమెరా రియల్ యూజ్లో ఉపయోగపడే సాఫ్ట్వేర్ ఎన్హాన్స్మెంట్లతో రావచ్చని అంచనాలు ఉన్నాయి.
6000mAh సామర్థ్యం బ్యాటరీ
బ్యాటరీ సెక్షన్లో రియల్మీ పి4ఎక్స్ 5జి వినియోగదారులకు మరింత శక్తిని అందించబోతోంది. 6000mAh సామర్థ్యం ఫోన్ను ఎక్కువసేపు పవర్ తగ్గకుండా నడిపిస్తుంది. గేమింగ్, స్ట్రీమింగ్, బ్రౌజింగ్ డే లాంగ్ యూజ్ కోసం ఎక్కువ గంటలు బ్యాకప్ ఇస్తుంది. 45W ఫాస్ట్ ఛార్జింగ్ సపోర్ట్ వల్ల తక్కువ సమయంలో ఎక్కువ చార్జింగ్ అవుతుంది. అదనంగా అందించిన వీసీ కూలింగ్ టెక్నాలజీ గేమింగ్ సమయంలో వేడి పెరగడాన్ని కంట్రోల్ చేస్తుంది. ప్రాసెసర్ స్పీడ్ తగ్గకుండా ఎనర్జీ స్థిరంగా కొనసాగడానికి ఇది కీలక పాత్ర పోషిస్తుంది.
ప్రాసెసర్ 90 యాప్స్ రన్
ప్రాసెసర్ విషయానికి వస్తే, 90 fps సపోర్ట్ తో పాటు ఒకేసారి 90 యాప్స్ రన్ చేయగలదని రియల్మీ వెల్లడించిన విషయం చూస్తే ఇది హై గ్రేడ్ పర్ఫార్మెన్స్ చిప్సెట్నే తెస్తుందన్న నమ్మకం పెరిగింది. గేమింగ్కు ప్రత్యేక పవర్ మేనేజ్మెంట్, థర్మల్ కంట్రోల్ సిస్టమ్లకు అనుకూలంగా షేప్డ్ చిప్ ఇవ్వబోతున్నారని అంచనాలు ఉన్నాయి. పి3ఎక్స్ డైమెన్సిటీ 6400తో పోలిస్తే ఇది మరింత అడ్వాన్స్డ్, వేగవంతమైన, శక్తివంతమైన ప్రాసెసర్ అవుతుందని భావిస్తున్నారు.
ఎప్పుడు రాబోతుంది? ధర ఎంత?
రియల్మీ పి4ఎక్స్ 5జి భారత మార్కెట్లో లాంచ్కు సిద్ధమైంది. ఫ్లిప్కార్ట్లో మైక్రోసైట్ లైవ్ కావడంతో అధికార ప్రకటన సమయం దగ్గర పడింది. ఈ మోడల్ ధరపై ఇంకా సంస్థ పూర్తిస్థాయి వివరాలు వెల్లడించకపోయినా, మార్కెట్ వర్గాలలో వినిపిస్తున్న సమాచారం ప్రకారం బేస్ వేరియంట్ ధర సుమారు రూ.13,999 పరిధిలో ఉండొచ్చని అంచనా వేస్తున్నారు. బ్యాంక్ కార్డ్ ఆఫర్లు, క్యాష్బ్యాక్ స్కీమ్స్, ఫ్లిప్కార్ట్ ప్రత్యేక లాంచ్ బెనిఫిట్ల రూపంలో డిస్కౌంట్లు వచ్చే అవకాశాలు ఉన్నట్టు లీకులు సూచిస్తున్నాయి. రియల్మీ లాంచ్ కార్యక్రమం డిసెంబర్ 4న జరగనుంది అన్న సమాచారం ఇప్పటికే బయటకు వచ్చింది. అదే రోజున అధికారిక ధర, వేరియంట్లు, ఆఫర్లు పూర్తి స్థాయిలో ప్రకటించబడనున్నాయి. వినియోగదారుల దృష్టి ఇప్పుడు ఈ మోడల్పై ఆసక్తి పెరుగుతోంది.
Share
Top 20 News Today: వైకుంఠ ఏకాదశి కోసం టీటీడీ విస్తృత ఏర్పాట్లు, బీఆర్ఎస్ నేతలపై సీతక్క ఫైర్
Amaravati News: విమానంలో మంత్రి లోకేష్ సీక్రెట్ టూర్లు.. ఆ పేపర్లో కథనం, ఆర్టీఐలో బయటకొచ్చిన..
