Redmi Turbo 5: ప్రముఖ స్మార్ట్ఫోన్ బ్రాండ్ రెడ్మీ భారతీయ మొబైల్ ప్రియుల కోసం సరికొత్త ఫోన్ను తీసుకువస్తోంది. Redmi Turbo 5 పేరుతో సరికొత్త మోడల్ను ఈ నెలలోనే దేశీయ మార్కెట్లో విడుదల చేయనున్నట్లు కంపెనీ అధికారికంగా ప్రకటించింది. భారత్లో లాంచ్ అవుతున్న మొట్టమొదటి టర్బో సిరీస్ ఫోన్ ఇదే కావడం విశేషం. ఇది రెడ్మీ బ్రాండ్ నుంచి వస్తున్న అత్యంత వేగవంతమైన ఫోన్ మాత్రమే కాదు.. ఇప్పటివరకు లేని విధంగా భారీ బ్యాటరీతో వస్తోందని కంపెనీ పేర్కొంది.
Redmi Turbo 5 ఈనెల 16న భారత మార్కెట్లోకి అడుగుపెట్టనుంది. ఈ విషయాన్ని రెడ్మీ తమ సోషల్ మీడియా ఖాతాల ద్వారా వెల్లడించింది. ప్రముఖ ఈ-కామర్స్ దిగ్గజం అమెజాన్లో దీనికి సంబంధించిన ప్రత్యేక పేజీ కూడా ప్రత్యక్షమైంది. దీన్ని బట్టి ఈ ఫోన్ అమెజాన్ ద్వారా కొనుగోలుకు అందుబాటులో ఉంటుందని స్పష్టమవుతోంది. ఈ ఫోన్ నలుపు, తెలుపు రంగుల్లో లభించనుంది.
రెడ్మీ టర్బో 5 పనితీరు విషయానికి వస్తే.. దీనిలో మీడియాటెక్ డైమెన్సిటీ 8500 అల్ట్రా చిప్సెట్ను ఉపయోగించారు. ఇది అద్భుతమైన వేగాన్ని అందిస్తుంది. అలాగే ఇందులో గరిష్టంగా 24GB వరకు RAM సపోర్ట్ ఉంటుంది. దీంతోపాటు 12GB వరకు వర్చువల్ RAM కావడం గమనార్హం. అంటే.. ఈ ఫోన్ 12 GB ఫిజికల్ RAM వేరియంట్తో రానుంది. అలాగే ఫోన్ వేడెక్కకుండా ఉండేందుకు ప్రత్యేకమైన కూలింగ్ టెక్నాలజీని కూడా జోడించారు.
Also Read: గూగుల్లో మీకంటూ ఒక ప్రత్యేక ప్రొఫైల్.. ఎలా క్రియేట్ చేసుకోవాలో తెలుసా?
చైనాలో ఇప్పటికే అందుబాటులో ఉన్న ఈ ఫోన్ ఫీచర్లను గమనిస్తే.. ఇది 6.59 ఇంచుల AMOLED డిస్ప్లేతో వస్తోంది. ఇది 120Hz రీఫ్రెష్ రేట్, మెరుగైన బ్రైట్నెస్ను కలిగి ఉంటుంది. ఇకపోతే కెమెరాల విషయానికి వస్తే.. వెనుక వైపు 50MP ప్రధాన కెమెరాతో పాటు 8MP అల్ట్రావైడ్ కెమెరా ఉన్నాయి. అలాగే సెల్ఫీల కోసం ముందు భాగంలో 20MP కెమెరాను అందించారు.
ఈ ఫోన్లోని మరో ప్రధాన ఆకర్షణ దీని బ్యాటరీ. రెడ్మీ ఫోన్లలోనే అత్యంత భారీ బ్యాటరీ అయిన 7,560 mAh సామర్థ్యం గల బ్యాటరీని ఇందులో అమర్చారు. దీనికి తోడు 100W ఫాస్ట్ ఛార్జింగ్ సపోర్ట్ కూడా ఉంది. దీనివల్ల ఫోన్ చాలా వేగంగా ఛార్జ్ అవుతుంది. అదిరిపోయే ఫీచర్లు, పవర్ఫుల్ బ్యాటరీతో వస్తున్న ఈ ఫోన్ ధర ఎంత ఉంటుందనేది జూన్ 16న తెలియనుంది.
Also Read: గ్లోబల్ మార్కెట్లోకి అడుగుపెట్టిన Honor Magic V6 ఫోల్డబుల్ ఫోన్.. ఫీచర్లు అమోఘం.. మీరూ ఓ లుక్కేయండి!
Share
'జల హక్కులు కాపాడటంలో ప్రభుత్వం విఫలం'.. సీఎంకు హరీశ్ రావు బహిరంగ లేఖ
పైన పటారం లోన లొటారం! పదేండ్ల పాలన సాగునీటి ప్రాజెక్టులపై సీఎం పోస్టుమార్టం!
