Samsung Triple Display Flip| శాంసంగ్ త్వరలో ఒక కొత్త ఫోల్డబుల్ స్మార్ట్ఫోన్ తీసుకురాబోతున్నట్లు ఇటీవలే ఒక పేటెంట్ వివరాలు లీక్ అయ్యాయి. ఈ ఫోన్లో మూడు డిస్ప్లేలు ఉండనున్నాయి. ఇది ఫోల్డబుల్ ఫోన్ యూజర్లకు సరికొత్త ఎక్స్పీరియన్స్ ఇస్తుంది. ఆన్లైన్లో ఇటీవల వచ్చిన పేటెంట్ లిస్టింగ్లో ఈ డిజైన్ వివరాలు కనిపించాయి. మెయిన్ ఫోల్డబుల్ స్క్రీన్ తో పాటు రెండు అదనపు కవర్ డిస్ప్లేలు ఉంటాయి. ఫోన్ మూసినప్పుడు కూడా ఎక్కువ ఫంక్షన్లు ఉపయోగించవచ్చు.
లీక్ అయిన పేటెంట్లో ఆసక్తికరమైన డిజైన్ కనిపిస్తోంది. ఈ ఫోన్ శాంసంగ్ గెలాక్సీ Z ఫ్లిప్ సిరీస్ లాగా కనిపిస్తుంది. కానీ బయటి కవర్పై ఎక్స్ట్రా డిస్ప్లే ఉంటుంది. పెద్ద కవర్ డిస్ప్లే తో పాటు చిన్న సెకండరీ స్క్రీన్ కూడా ఉంటుంది. ఈ చిన్న స్క్రీన్ కెమెరా మాడ్యూల్ పక్కన సర్క్యులర్ రింగ్ లాంటి ఆకారంలో ఉంటుంది. ఇది నోటిఫికేషన్లు, సమాచారం త్వరగా చూడడానికి సహాయపడుతుంది. మెయిన్ ఫోల్డబుల్ స్క్రీన్ ఫోన్ ఓపెన్ చేసినప్పుడు ఉపయోగపడుతుంది.
ఫోన్ బయటి వైపు రెండు కవర్ డిస్ప్లేలు ఉంటాయి. పెద్ద కవర్ డిస్ప్లేలో యాప్స్ ఓపెన్ చేయవచ్చు, కాల్స్ డయల్ చేయవచ్చు, మెసేజ్లు చదవడానికి వీలుంటుంది. విడ్జెట్లు, క్విక్ సెట్టింగ్స్ కూడా ఉపయోగించవచ్చు. చిన్న సర్క్యులర్ డిస్ప్లే నోటిఫికేషన్లు, అలర్ట్స్, మెసేజ్లు చూపిస్తుంది. ఫోన్ ఓపెన్ చేయకుండానే సమాచారం చూడవచ్చు. దీంతో ఫోన్ ఉపయోగించడం మరింత సౌకర్యవంతంగా చేస్తుంది.
ఈ ఫోన్ కెమెరా డిజైన్ గెలాక్సీ Z ఫ్లిప్ మోడల్స్ లాగానే ఉంటుంది. డ్యూయెల్ కెమెరా సిస్టమ్ కవర్ డిస్ప్లేల పక్కనే ఉంటుంది. శాంసంగ్ డిజైన్ కన్సిస్టెన్సీ కోసం ఇలా చేసినట్లు కనిపిస్తోంది. Z ఫ్లిప్ యూజర్లకు ఈ లుక్ ఫ్యామిలియర్గా అనిపిస్తుంది.
శాంసంగ్ గతంలో ట్రై-ఫోల్డింగ్ ఫోన్ కాన్సెప్ట్ తీసుకొచ్చింది. ఆ ఫోన్ మూడు సార్లు ఫోల్డ్ అయ్యి పెద్ద డిస్ప్లే ఇస్తుంది. కానీ మార్కెట్ డిమాండ్ తక్కువగా ఉండడంతో ఆ సమయంలో దాన్ని నిలిపివేసింది. కానీ ఇప్పుడు ఫ్లిప్ ఫోన్లు (Galaxy Z Flip సిరీస్) ప్రపంచవ్యాప్తంగా మంచి సేల్స్ సాధిస్తున్నాయి. అందుకే ఈ మోడల్ త్వరలోనే లాంచ్ కానున్నట్లు తెలుస్తోంది.
పెద్ద కవర్ డిస్ప్లేలో డయల్ ప్యాడ్, యాప్స్, మ్యూజిక్ కంట్రోల్స్, క్విక్ సెట్టింగ్స్ ఉపయోగించవచ్చు. చిన్న సర్క్యులర్ డిస్ప్లే ప్రధానంగా నోటిఫికేషన్లు, ఇన్కమింగ్ కాల్స్ చూపిస్తుంది. ఫోన్ మూసినప్పుడు కూడా మల్టీటాస్కింగ్ సులభంగా ఉంటుంది.
Also Read: ఇంటర్నెట్లో ఫ్రీగా సినిమాలు చూసేవారిపై కేసులు.. హెచ్చరిక జారీ చేసిన ప్రభుత్వం
శాంసంగ్ ఈ ఫోన్ గురించి అధికారికంగా ఏమీ చెప్పలేదు. పేటెంట్ కేవలం డిజైన్ కాన్సెప్ట్ మాత్రమే చూపిస్తుంది. కంపెనీలు చాలా పేటెంట్లు ఫైల్ చేస్తాయి కానీ అన్నీ మార్కెట్లోకి రావు. కాబట్టి ఫైనల్ డిజైన్ మారవచ్చు. ఒకవేళ లాంచ్ అయితే ఫోల్డబుల్ ఫ్లిప్ ఫోన్లలో కొత్త ట్రెండ్ మొదలవుతుంది.
Share
Vijayawada: పోలీసులపై తుపాకీ గురిపెట్టి.. విజయవాడ బస్టాండ్లో కాల్పుల కలకలం.. అసలేం జరిగిందంటే?
Council Inauguration: రేపే శాసనమండలి హాల్ ప్రారంభోత్సవం
