Galaxy AI Glasses: ఆధునిక సాంకేతిక యుగంలో ప్రతీది టెక్నాలజీతో అనుసంధానమవుతోంది. టీవీ, ఫ్యాన్, ఫ్రిడ్జ్, వాచెస్, కూలర్ ఇలా అన్నింటిలోనూ స్మార్ట్ ఫీచర్లు అందుబాటులోకి వచ్చాయి. ఈ క్రమంలోనే కళ్లకు ధరించే అద్దాలు సైతం.. ప్రస్తుతం సరికొత్త సాంకేతికతను అందిపుచ్చుకుంటున్నాయి. ఇటీవల మార్కెట్ లోకి వచ్చిన ‘రే-బాన్ మెటా’ (Ray-Ban Meta) అత్యాధునిక ఫీచర్లతో యూత్ ను ఫిదా చేస్తోంది. ఇప్పుడు దానికి గట్టి పోటీ ఇచ్చేందుకు శాంసంగ్ సిద్దమైంది. తన మార్క్ తో సరికొత్త ఏఐ స్మార్ట్ గ్లాసెస్ ను లాంచ్ చేసేందుకు కసరత్తు ప్రారంభించిది.
శాంసంగ్ తన కొత్త స్మార్ట్ గ్లాసెస్ ను గెలాక్సీ సిరీస్ నుంచి ఏఐ సపోర్ట్ తో తీసుకురాబోతోంది. ఈ ఏడాది ద్వితీయార్థంలో ఈ వాచ్ మార్కెట్ లోకి అందుబాటులోకి వచ్చే ఛాన్స్ ఉన్నట్లు శాంసంగ్ వర్గాలు పేర్కొంటున్నాయి. శాంసంగ్ ఫ్లాగ్ షిప్ గ్యాడ్జెట్స్.. గెలాక్సీ జెడ్ ఫోల్డ్ 8 (Galaxy Z Fold 8), జెడ్ ఫ్లిప్ 8 (Z Flip 8) తో పాటు ఇది కూడా విడుదల కానున్నట్లు తెలుస్తోంది. ప్రస్తుతం మార్కెట్ లో దూసుకుపోతున్న ‘రే-బాన్ మెటా’ (Ray-Ban Meta) గట్టిపోటీ ఇచ్చేలా శాంసంగ్ వీటిలో క్రేజీ ఫీచర్లు తీసుకురాబోతున్నట్లు టెక్ వర్గాలు అంచనా వేస్తున్నాయి.
గెలాక్సీ ఏఐ స్మార్ట్ గ్లాసెస్ కు సంబంధించిన ఫీచర్లను శాంసంగ్ అధికారికంగా ప్రకటించినప్పటికీ.. కొన్ని మాత్రం ఆన్ లైన్ లో లీకయ్యాయి. టెక్ వెబ్ సైట్స్ కథనాల ప్రకారం.. ఈ స్మార్ట్ గ్లాసెస్ లో 12MP కెమెరా ఉండనుంది. దీని సాయంతో ఫొటోలు, వీడియోలు తీయడమే కాకుండా.. వినియోగదారుడు తాను చూసే వస్తువులను స్కాన్ చేసి వాటి సమాచారాన్ని తెలుసుకునేందుకు వీలు ఉంటుంది. ఇందుకోసం గూగుల్ జెమిని (Gemini AI)తో ఈ గ్లాస్ ను శాంసంగ్ లింకప్ చేసింది.
గూగుల్ తో కలిసి శాంసంగ్ అభివృద్ధి చేసిన.. ఆండ్రాయిడ్ ఎక్స్ఆర్ సాఫ్ట్ వేర్ తో ఇది పనిచేయననున్నట్లు లీకైన సమాచారాన్ని బట్టి తెలుస్తోంది. క్వాల్ కామ్ ఏఆర్ (Qualcomm AR) చిప్ సెట్ ప్రాసెసర్, నాణ్యమైన ఏఆర్ డిస్ ప్లే, 155mAh బ్యాటరీని సైతం ఈ స్మార్ట్ గ్లాసెస్ కు అందించారు. ఇన్ని అధునాతన ఫీచర్లను ఈ గ్లాసెస్ లో పొందుపరిచినప్పటికీ.. డైలీ యూసేజ్ కు ఇది ఏమాత్రం భారంగా ఉండదని శాంసంగ్ వర్గాలు చెబుతున్నాయి. ఇది కేవలం 50 గ్రాముల బరువు మాత్రమే ఉంటూ.. రోజూవారి అవసరాలకు ఉపయోగపడనుంది. అంతేకాకుండా వార్బీ పార్కర్ (Warby Parker) వంటి ప్రముఖ బ్రాండ్ల సహకారంతో స్టైలిష్ డిజైన్లలో ఈ శాంసంగ్ స్మార్ట్ గ్లాసెస్ రానున్నట్లు తెలుస్తోంది.
Also Read: Regina cassandra : లెహంగాలో క్యూట్ లుక్ లో రెజీనా.. ఏముంది రా బాబు..
ప్రస్తుతం ఉన్న రే-బాన్ మెటా గ్లాసెస్ ప్రధానంగా ఫోటోలు, వీడియోలు, ఆడియోపై దృష్టి పెట్టింది. కానీ శాంసంగ్ గ్లాసెస్ గూగుల్ ఎకోసిస్టమ్తో (Maps, Gemini, Translate) లోతుగా అనుసంధానించబడి ఉండటం వల్ల ఇవి రోజువారీ పనుల్లో మరింత సహాయకారిగా మారతాయని టెక్ నిపుణులు భావిస్తున్నారు. మెుత్తం మీద వేరబుల్ టెక్నాలజీలో శాంసంగ్ తీసుకువస్తున్న ఈ సరికొత్త మార్పు.. స్మార్ట్ గ్లాసెస్ రంగాన్ని మరో స్థాయికి తీసుకెళ్లడం ఖాయమని ధీమా వ్యక్తం చేస్తున్నారు.
Also Read: Ramya Moksha : పచ్చళ్ళ పాప నెలకు ఎంత సంపాదిస్తుందో తెలుసా..? హీరోయిన్ల కన్నా ఎక్కువే..
Share
భారీ బ్యాటరీ, ఐఫోన్ లాంటి డిజైన్.. సామాన్యుల కోసం టెక్నో పవర్ఫుల్ 5G మొబైల్!
తల్లి కోసం తనయుడి తపన.. కవిత కొడుకు ఏం చేశాడో తెలిస్తే శభాస్ అంటారు
