Samsung Galaxy S24 FE 5G: మార్కెట్లో బెస్ట్ ఆండ్రాయిడ్ స్మార్ట్ఫోన్ల విషయానికొస్తే ముందుగా గుర్తొచ్చేది శాంసంగ్. ఎందుకంటే.. ఈ బ్రాండ్ ఫోన్లకు బడ్జెట్ సెగ్మెంట్ నుంచి ప్రీమియం రేంజ్ వరకు భారీ క్రేజ్ ఉంటుంది. ఈ క్రమంలో బ్లాక్ ఫ్రైడే సందర్భంగా ప్రముఖ ఇ- కామర్స్ ప్లాట్ఫామ్ ఫ్లిప్కార్ట్ స్మార్ట్ఫోన్లపై బిగ్ డీల్ ప్రకటించింది. నవంబరు 28 వరకు జరిగే ఈ సేల్ స్మార్ట్ఫోన్లపై బంపర్ డిస్కౌంట్స్ అందిస్తుంది. అయితే, ఈ సేల్లో గతేడాది విడుదలైన శాంసంగ్ గెలాక్సీ S24 FE స్మార్ట్ఫోన్ అతి తక్కువ ధరకే అందుబాటులో ఉంది. ఈ వివరాలు ఇప్పుడు తెలుసుకుందాం రండి..
ఈ శాంసంగ్ గెలాక్సీ S24 FE ఫోన్ విడుదలైన కొత్తలో 8GB RAM+128GB ఇంటర్నల్ స్టోరేజ్ వేరియంట్ ధర రూ.59,999. అయితే ఫ్లిప్కార్ట్ బ్లాక్ ఫ్రైడే ఆఫర్లో భాగంగా దాదాపు రూ.28వేల తగ్గింపుతో కేవలం రూ.31,999 ధరకే లభిస్తోంది. అదనంగా సంస్థ ఈ ఫోన్పై 5% క్యాష్బ్యాక్ను కూడా అందిస్తోంది. దీనికి EMI ఆప్షన్ కూడా ఉంది. అంతేకాదు.. ఈ ఫోన్ పై గణనీయమైన ఎక్స్ఛేంజ్ బోనస్ కూడా లభిస్తోంది.
Read Also: వచ్చేస్తోంది నథింగ్ ఫోన్ 3a లైట్.. దీని స్పెషాలిటీ తెలిస్తే మైండ్ బ్లాకే!
ఈ శాంసంగ్ గెలాక్సీ S24 FE స్మార్ట్ ఫోన్.. 6.7-అంగుళాల పూర్తి HD+ అమోలేడ్ డిస్ప్లేను కలిగి ఉంటుంది. డిస్ప్లే 120Hz రిఫ్రెష్ రేట్కు మద్దతు ఇస్తుంది. డిస్ప్లే 1900 నిట్ల గరిష్ట ప్రకాశ స్థాయిని కలిగి ఉంటుంది. ఈ ఫోన్ 8GB RAM+ 256GB వరకు అంతర్గత నిల్వతో లభిస్తుంది. ఎక్సినోస్ 2400e ప్రాసెసర్ ద్వారా శక్తిని ఈ ఫోన్ పొందుతుంది. ఇది ఆండ్రాయిడ్ 14 ఆధారంగా OneUI 6.1.1పై నడుస్తుంది.
శాంసంగ్ గెలాకీ 5G ఫోన్ వెనుక భాగంలో 50-మెగాపిక్సెల్ ప్రైమరీ కెమెరా ఉంటుంది. అదనంగా, 12-మెగాపిక్సెల్ అల్ట్రావైడ్ లెన్స్, 8-మెగాపిక్సెల్ టెలిఫోటో సెన్సార్ను జత చేశారు. ఇక సెల్ఫీల కోసం అయితే.. 10-మెగాపిక్సెల్ ఫ్రంట్ కెమెరా వచ్చింది. బ్యాటరీ పరంగా చూస్తే.. ఈ ఫోన్ 4700mAh బ్యాటరీ లైఫ్తో 25W ఫాస్ట్ ఛార్జింగ్కు మద్దదిస్తుంది. అలాగే.. ఈ ఫోన్ డస్ట్, వాటర్ రెసిస్టెన్స్ కోసం IP68 రేటింగ్ను కలిగి ఉంది.
Read Also: వచ్చేనెల వివో కొత్తఫోన్లు లాంచ్.. జీస్ ట్రిపుల్ కెమెరా టెక్నాలజీతో పిచ్చెక్కించే క్లారిటీ!
Share
Vastu Windows: ప్రతి ఇంటిలో తలుపు పక్కనే కిటికీ ఎందుకు పెడతారు? వాస్తుశాస్త్రం అసలు ఏం చెబుతుంది?
IBomma Ravi: వామ్మో ఇదేం క్రేజ్ సామీ.. ఐ బొమ్మ రవికి మద్దతుగా పొట్టపై టాటూ..
