Samsung One UI 9 Beta: ప్రముఖ టెక్ దిగ్గజం శాంసంగ్ తమ Galaxy S26 సిరీస్ వినియోగదారుల కోసం ఆండ్రాయిడ్ 17 ఆధారిత One UI 9 Beta ప్రోగ్రామ్ను తాజాగా అందుబాటులోకి తెచ్చింది. ఈ కొత్త అప్డేట్ కేవలం సాఫ్ట్వేర్ మార్పు మాత్రమే కాకుండా.. వినియోగదారులకు సరికొత్త సృజనాత్మక అనుభూతిని, మెరుగైన భద్రతను అందించనుంది. రాబోయే కాలంలో రానున్న Galaxy Z Fold 8, Galaxy Glasses వంటి పరికరాల్లో ఈ వెర్షన్ పూర్తి స్థాయిలో అందుబాటులోకి రానుంది.
ఈ అప్డేట్లో శాంసంగ్ నోట్స్ యాప్ను మరింత ఆకర్షణీయంగా మార్చారు. కొత్త రకం డెకరేటివ్ టేపులు, విభిన్నమైన పెన్ స్టైల్స్తో నోట్స్ రాసుకోవడం ఇప్పుడు మరింత సరదాగా ఉంటుంది. అలాగే కాంటాక్ట్స్ యాప్లో మార్పులు చేస్తూ ‘క్రియేటివ్ స్టూడియో’ను నేరుగా అనుసంధానించారు. దీనివల్ల యూజర్లు వేరే యాప్లకు వెళ్లాల్సిన అవసరం లేకుండానే తమ ప్రొఫైల్ కార్డులను సొంతంగా డిజైన్ చేసుకోవచ్చు.
Also Read: 50 డిగ్రీల ఎండలోనైనా హాయిగా గుర్రుపెట్టి నిద్రపోవచ్చు.. ఈ Silent Sleep Split ACలు ఉంటే!
వినియోగదారులు తమ ఫోన్ సెట్టింగ్లను సులభంగా మార్చుకునేలా క్విక్ ప్యానెల్ను శాంసంగ్ రీడిజైన్ చేసింది. డిస్ప్లే బ్రైట్నెస్, సౌండ్ మరియు మీడియా ప్లేబ్యాక్ కంట్రోల్స్ ఇప్పుడు విడివిడిగా ఉంటాయి. వీటి పరిమాణాన్ని కూడా యూజర్లు తమకు నచ్చినట్లుగా మార్చుకునే వీలుంటుంది. ఈ మార్పు వల్ల ఫోన్ వాడకం మరింత సౌకర్యవంతంగా మారడమే కాకుండా.. కంటికి కూడా ఆహ్లాదకరంగా కనిపిస్తుంది.
అంధులు, దృష్టి లోపం ఉన్నవారి కోసం టాక్బ్యాక్ ఫీచర్ను గూగుల్ ప్రమాణాలకు అనుగుణంగా మెరుగుపరిచారు. మౌస్ కీ వేగాన్ని అడ్జస్ట్ చేసుకునే సౌలభ్యంతో పాటు, కొత్తగా తీసుకొచ్చిన ‘టెక్స్ట్ స్పాట్లైట్’ ఫీచర్ ఎంతో ఉపయోగపడుతుంది. ఇది స్క్రీన్పై ఉన్న అక్షరాలను పెద్దదిగా చేసి ఫ్లోటింగ్ విండోలో చూపిస్తుంది. భద్రత విషయానికొస్తే.. ప్రమాదకరమైన యాప్లను గుర్తించి హెచ్చరించడమే కాకుండా, వాటి ఇన్స్టాలేషన్ను అడ్డుకునేలా భద్రతా వ్యవస్థను పటిష్టం చేశారు.
Also Read: Gen Z హాట్ ఫేవరెట్, స్టైలిష్ లుక్, అదిరిపోయే పెర్ఫార్మెన్స్.. Motorola Razr Fold భారత్లో లాంచ్!
Share
టాప్ ప్రొడ్యూసర్స్ కి ఎగ్జిబిటర్ల షాక్.. 6 నెలలు థియేటర్లు మూసేస్తామంటూ వార్నింగ్!
AP Weather: హై అలర్ట్.. ఏపీలో వడగాలుల బీభత్సం.. పిడుగులతో కూడిన వర్షాలు!
