Galaxy Z Fold 7 Price Drop: కొత్తగా శాంసంగ్ గెలాక్సీ Z ఫోల్డ్ 8 మార్కెట్లోకి రావడంతో.. అంతకుముందు విడుదలైన గెలాక్సీ Z ఫోల్డ్ 7 మోడల్ ధరను కంపెనీ భారీగా తగ్గించేసింది. ఈ తరుణంలో ప్రీమియం ఫోల్డబుల్ ఫోన్ కొనాలని ఎదురుచూస్తున్న వారికి ఇదొక మంచి అవకాశం అని చెప్పవచ్చు. శాంసంగ్ తమ అధికారిక వెబ్సైట్లో రకరకాల ఆఫర్లతో ఈ ఫోన్ను కస్టమర్లకు అందుబాటులో ఉంచింది.
ప్రస్తుతం ప్రముఖ బ్యాంక్ కార్డులపై రూ.7,000 తక్షణ డిస్కౌంట్ లభిస్తోంది. ఒకవేళ మీరు మీ పాత ఫోన్ను ఎక్స్ఛేంజ్ చేయాలనుకుంటే.. ఫోన్ విలువతో పాటు అదనంగా మరో రూ.7,000 బోనస్ పొందవచ్చు. ఇవి మాత్రమే కాకుండా.. రెఫరల్ కోడ్ ఉపయోగిస్తే అదనంగా రూ.6,000 తగ్గుతుంది. ప్రతి కొనుగోలుపై దాదాపు రూ.3,500 విలువైన రివార్డ్ పాయింట్లు కూడా దక్కుతాయి. ఒకేసారి అంత డబ్బు పెట్టలేని వారి కోసం నెలకు రూ.15,222 నుండి ప్రారంభమయ్యే EMI సదుపాయం కూడా అందుబాటులో ఉంది.
Also Read: మెటా యాప్స్లో మన డేటాను AI వాడకుండా ఎలా ఆపాలో తెలుసా?
ఈ ఫోన్ 256GB వేరియంట్ అసలు ధర రూ.1,74,999 కాగా, బ్యాంక్ ఆఫర్లు వాడితే రూ.1,67,999కే లభిస్తుంది. అదే పాత ఫోన్ ఎక్స్ఛేంజ్ ఆఫర్ను పూర్తిగా వినియోగించుకుంటే.. దీని ధర రూ.99,999 వరకు తగ్గే అవకాశం ఉంది. ఇందులో 512GB, 1TB వేరియంట్లు కూడా అందుబాటులో ఉన్నాయి. ఈ ఫోన్ మింట్, బ్లూ షాడో, జెట్బ్లాక్, సిల్వర్ షాడో రంగుల్లో లభిస్తుంది.
ఈ Galaxy Z Fold 7 స్మార్ట్ఫోన్లో 200 మెగాపిక్సెల్ ప్రధాన కెమెరా, పవర్ఫుల్ స్నాప్డ్రాగన్ ప్రాసెసర్ ఉన్నాయి. లోపలి భాగంలో పెద్ద 8 అంగుళాల డిస్ప్లే, 4,400mah బ్యాటరీ ఇచ్చారు. ఆర్మోర్ అల్యూమినియం, గొరిల్లా గ్లాస్ రక్షణతో పాటు ఆధునిక గెలాక్సీ ఏఐ ఫీచర్లు ఇందులో ఉన్నాయి. ఫోల్డబుల్ ఫోన్ ప్రియులకు ఇంత కంటే మంచి అవకాశం రాదనే చెప్పాలి.
Also Read: యాపిల్ షాకింగ్ నిర్ణయం.. అత్యంత ఖరీదైన ఫోన్గా iPhone 18 Pro Max?!
Share
నిజామాబాద్లో ఘోర విషాదం.. ఎస్సారెస్పీ బ్యాక్వాటర్స్లో నలుగురు యువకులు గల్లంతు!
ఆన్లైన్లో మీ డేటా సేఫ్ ఉండాలంటే.. ఈ 5 గోల్డెన్ రూల్స్ ఫాలో అవ్వండి!
