Air Coolers: ఆధునిక సాంకేతికతకు అనుగుణంగా ప్రస్తుతం కూలర్లలోనూ భారీగా మార్పులు వచ్చాయి. ప్రీమియం కూలర్లలో ఐస్ లేదా ఐస్ బాక్సులను వినియోగిస్తున్నారు. దీని వల్ల తాత్కాలికంగా చల్లదనం అనిపించినప్పటికీ.. దీర్ఘకాలంలో లేదా నిర్లక్ష్యంగా వాడటం వల్ల కొన్ని ముఖ్యమైన నష్టాలు, సమస్యలు రావొచ్చని నిపుణులు హెచ్చరిస్తున్నారు. అవేంటో ఇప్పుడు పరిశీలిద్దాం.
కూలర్లలో ఐస్ కరిగినప్పుడు వచ్చే నీరు కూలర్ లోపలి భాగంలో ప్యాడ్లపై పేరుకుపోతుంది. ఇది గాలిలో తేమను పెంచుతుంది. ఈ తేమ వల్ల కూలర్ ప్యాడ్లలో బ్యాక్టీరియా, బూజు (Mold/Fungus) త్వరగా చేరుతాయి. మీరు ఆ గాలిని పీల్చినప్పుడు అలర్జీలు, శ్వాసకోశ సమస్యలు వచ్చే అవకాశం ఉంది.
ఐస్ వేయడం వల్ల కూలర్ ట్యాంక్ లోని నీటి ఉష్ణోగ్రత కనిష్ట స్థాయికి పడిపోతుంది. సాధారణంగా బేసిక్ వేరియంట్లలో వచ్చే కూలర్లు.. సాధారణ ఉష్ణోగ్రత గల నీటిని పంపింగ్ చేయడానికి రూపొందించబడి ఉంటాయి. మరీ చల్లని నీటిని పదేపదే పంపింగ్ చేయడం వల్ల మోటార్ పనితీరు దెబ్బతినవచ్చు లేదా వైరింగ్ సమస్యలు రావచ్చు.
చాలా వరకు కూలర్లు ప్లాస్టిక్ లేదా ఫైబర్ బాడీతో రూపొంది ఉంటాయి. అకస్మాత్తుగా మంచు గడ్డలు (ఐస్) వేయడం వల్ల ప్లాస్టిక్ భాగాలపై ఉష్ణోగ్రత ఒత్తిడి పడుతుంది. కాలక్రమేణా ప్లాస్టిక్ పగుళ్లు ఇచ్చే ప్రమాదం ఉంది. ఫలితంగా కూలర్ మన్నిక తగ్గిపోవచ్చు.
ఐస్ వేయడం వల్ల కూలర్ గాలి చాలా చల్లగా వస్తుంది. ఇది మన శరీరానికి, ముఖ్యంగా రాత్రిపూట పడుకున్నప్పుడు మంచిది కాదని నిపుణులు సూచిస్తున్నారు. ఉష్ణోగ్రతలో తీవ్రమైన మార్పుల వల్ల జలుబు, దగ్గు, గొంతు నొప్పి, కండరాల నొప్పులు (Body pains) వచ్చే అవకాశం ఉందని హెచ్చరిస్తున్నారు.
సమ్మర్ లో అదే పనిగా ఐస్ వేయడం వల్ల విద్యుత్ భారం కూడా పెరిగిపోతుందని నిపుణులు అంటున్నారు. అలాగే ప్యాడ్లు త్వరగా పాడైపోవడం వంటివి జరుగుతాయని హెచ్చరిస్తున్నారు. దీనివల్ల కూలర్‌ను తరచుగా సర్వీసింగ్ చేయించాల్సి ఉంటుందని.. ఇది అదనపు ఖర్చుతో కూడుకున్న పని అని పేర్కొంటున్నారు.
Share
Gundeninda GudiGantalu Today episode: ఇంట్లోంచి వెళ్లిన శృతి.. రవి, శృతి కాపురంలో ప్రభా చిచ్చు.. ప్రభావతికి మీనా స్ట్రాంగ్ కౌంటర్..
Spirit Movie Update: ప్రభాస్ ఫ్యాన్స్కు గుడ్ న్యూస్.. స్పిరిట్ నుంచి అదిరిపోయే అప్డేట్ ఇచ్చిన లిరిసిస్ట్..
