Tecno Pova Curve 2: టెక్నో సంచలనం.. 7,750mAh భారీ బ్యాటరీతో త్వరలో భారత్‌లోకి పోవా కర్వ్ 2!

Tecno Pova Curve 2: భారతీయ మొబైల్ మార్కెట్‌లో తనదైన ముద్ర వేస్తున్న ప్రముఖ Tecno సంస్థ ఇప్పుడు మరో సంచలనానికి సిద్ధమైంది. గతేడాది విడుదల చేసిన Pova Curve 5Gకి కొనసాగింపుగా మరింత శక్తివంతమైన ఫీచర్లతో Tecno Pova Curve 2ను కంపెనీ అధికారికంగా ప్రకటించింది. సోషల్ మీడియా ద్వారా విడుదలైన టీజర్లు చూస్తుంటే.. ఈ ఫోన్ మిడ్‌రేంజ్ విభాగంలో సరికొత్త రికార్డులు సృష్టించేలా కనిపిస్తోంది.

త్వరలో భారత మార్కెట్లోకి ఎంట్రీ..

టెక్నో ఇండియా తన అధికారిక X ఖాతా ద్వారా ఈ ఫోన్ త్వరలో భారత్‌లోకి ఎంట్రీ ఇవ్వనున్నట్లు ధృవీకరించింది. ఫోన్ డిజైన్‌‌ను ప్రతిబింబిస్తూ రెండర్‌ను విడుదల చేసింది. అయితే, కచ్చితమైన తేదీపై ఇంకా క్లారిటీ లేనప్పటికీ, ఫిబ్రవరి నెలాఖరు లోపు ఈ ఫోన్ వినియోగదారులకు అందుబాటులోకి వచ్చే అవకాశం ఉందని చెబుతున్నారు టెక్ నిపుణులు.

Also Read: పవర్‌ఫుల్ బ్యాటరీ ఫోన్ కావాలా? అద్భుతమైన కెమెరా ఫోన్ కావాలా? ఏది బెస్టో ఇప్పుడు చూసేద్దాం!

కెమెరా సెటప్ ప్రత్యేకం..

పేరుకు తగ్గట్టుగానే ఈ ఫోన్ ప్రీమియం లుక్‌తో రాబోతోంది. దీని కర్వ్‌డ్ ఎడ్జ్ డిజైన్ కేవలం చూడటానికే కాదు.. చేతిలో పట్టుకున్నప్పుడు కంఫర్టబుల్ గ్రిప్‌ను కూడా ఇస్తుంది. ఇక వెనుక భాగంలో ఉండే వృత్తాకార కెమెరా మాడ్యూల్ ఫోన్‌కు మరింత స్టైలిష్ లుక్‌ను జోడిస్తోంది. మునుపటి మోడల్‌తో పోలిస్తే.. ఇది మరింత స్లిమ్‌గా, మోడ్రన్‌గా ఉంటుందని టెక్ వర్గాల సమాచారం.

ఆండ్రాయిడ్ 16 ప్రాసెసర్..

స్పీడ్ విషయంలో ఎక్కడా తగ్గేదేలే అంటోంది టెక్నో పూవా కర్వ్ 2 ఫోన్. దీనిలో మీడియాటెక్ డైమెన్సిటీ 7100 చిప్‌సెట్‌ను వాడినట్లు తెలుస్తోంది. దీంతో భారీ గేమింగ్, మల్టీటాస్కింగ్ సులభం అవుతుంది. ఇక 12GB వరకు RAM వేరియంట్లు ఉండటంతో ఫోన్ ఏమాత్రం హ్యాంగ్ అవ్వదు. అలాగే లేటెస్ట్ ఆండ్రాయిడ్ 16 ఆపరేటింగ్ సిస్టమ్‌తో రానున్న తొలి ఫోన్లలో ఇది కూడా ఒకటి. దీనికి తోడు 1080×2364 పిక్సెల్ రిజల్యూషన్‌తో కూడిన హై క్వాలిటీ స్క్రీన్ అద్భుతమైన విజువల్స్ అందిస్తుంది.

బ్యాటరీ సామర్థ్యంలో కొత్త రికార్డ్..

ఈ ఫోన్ ఏకంగా 7,750mAh భారీ బ్యాటరీ సామర్థ్యాన్ని కలిగి ఉంటుంది. సాధారణంగా ఇతర ఫోన్లలో ఉండే బ్యాటరీ కంటే ఇది చాలా పెద్దది. ఒక్కసారి ఛార్జ్ చేస్తే కనీసం రెండు మూడు రోజులపాటు ఛార్జింగ్ టెన్షన్ లేకుండా వాడుకోవచ్చు. ఎక్కువగా లాంగ్ జర్నీలు చేసే వారికి, ఛార్జింగ్ సమస్యతో ఇబ్బంది పడేవారికి ఈ ఫోన్ బెస్ట్ ఛాయిస్.

Also Read: శాంసంగ్ గెలాక్సీ S26 అల్ట్రా ఫీచర్లు లీక్.. కెమెరా, బ్యాటరీ, కీలక వివరాలు మీ కోసం!