Try And Use Smartphone| భారతీయ మొబైల్ బ్రాండ్ లావా కొత్తగా ఒక వింత ఆఫర్ ప్రకటించింది. దీని పేరు డెమో@హోమ్ (Demo@HOme). ఇది ఒక సర్వీస్ ఆఫర్ అయినప్పటికీ.. బ్రాండ్ ప్రొమోషన్ లో కూడా ఒక భాగంగా కనిపిస్తోంది. ఈ సర్వీస్‌లో మీరు కొనుగోలు చేయడానికి ముందే లావా అగ్ని 4 ఫోన్‌ను మీ ఇంట్లోనే పరీక్షించుకోవచ్చు. లావా టీమ్ ఫోన్‌ను మీ ఇంటికి డెలివరీ చేస్తుంది.
మీరు ఫోన్ డిజైన్, ఫీచర్లు అన్నీ స్వేచ్ఛగా, తీరికగా చూసుకోవచ్చు, టెస్ట్ చేయవచ్చు. కొనాలనిపిస్తే కొనండి, లేకపోతే ఎలాంటి బాధ్యత లేదు. ఇలా చేయడం వల్ల ఫోన్ కొనుగోలు చేశాక లేదా చేసేటప్పుడు వచ్చే సందేహాలు తొలగిపోతాయి.
ఈ డెమో@హోమ్ క్యాంపెయిన్ కేవలం బెంగళూరు, ఢిల్లీ, ముంబై నగరాల్లోనే ప్రస్తుతానికి అందుబాటులో ఉంటుంది. డెమో పీరియడ్ నవంబర్ 20 నుంచి 24 వరకు మాత్రమే. ఎంపిక చేసిన వారికి మాత్రమే ఈ అవకాశం. మీరు నవంబర్ 20లోపు ఆన్‌లైన్‌లో రిజిస్టర్ చేసుకోవాలి. లావా కంపెనీ ఎంపిక చేసిన వారిని నేరుగా సంప్రదిస్తుంది.
లావా అగ్ని 4 ఫోన్‌లో 6.67 అంగుళాల AMOLED డిస్‌ప్లే ఉంది. ఇది 1.5K రిజల్యూషన్‌తో సూపర్ క్లియర్ పిక్చర్ ఇస్తుంది. 120Hz రిఫ్రెష్ రేట్ వల్ల స్క్రోలింగ్, గేమింగ్ చాలా స్మూత్‌గా ఉంటుంది. స్క్రీన్ చూస్తేనే అదిరిపోతుంది!
పనితనంలో ఈ ఫోన్ సూపర్ ఫాస్ట్. మీడియాటెక్ డైమెన్సిటీ 8350 ప్రాసెసర్ ఉంది. LPDDR5X ర్యామ్, UFS 4.0 స్టోరేజ్ వల్ల అన్నీ త్వరగా ఓపెన్ అవుతాయి. వేగంగా రన్ అవుతాయి. ఎక్కువ యాప్స్ తో ఒకేసారి మల్టీటాస్కింగ్ చేసినా హ్యాంగ్ అయ్యే సమస్య ఉండదు. పైగా తక్కువ ఈ ధరలో ఇంత పవర్‌ఫుల్ ఫీచర్స్ రావడం సూపర్!
కెమెరా విషయంలో వెనుకవైపు డ్యూయల్ కెమెరా – 50 మెగాపిక్సల్ మెయిన్ + 8 మెగాపిక్సల్ అల్ట్రావైడ్. ముందు సెల్ఫీ కోసం 50 మెగాపిక్సల్ కెమెరా ఉంది. ఫోటోలు, వీడియోలు చాలా క్లియర్‌గా వస్తాయి.
బ్యాటరీ 5000mAh ఉంది, ఒక్కసారి ఛార్జ్ చేస్తే రోజంతా సులువుగా పనిచేస్తుంది. 66W ఫాస్ట్ ఛార్జింగ్ సపోర్ట్ ఉంది. Wi-Fi 6E, USB 3.0 వంటి లేటెస్ట్ కనెక్టివిటీ ఆప్షన్లు ఉన్నాయి.
ఈ ఫోన్ ధర సుమారు రూ.30,000 ఉండవచ్చని అంచనా. ఈ ధరలో ప్రీమియం ఫీల్, హై ఎండ్ ఫీచర్లు ఇవ్వడం వల్ల ఇతర పెద్ద బ్రాండ్లతో పోటీ పడుతుంది.
ఈ ఆఫర్ కోసం రిజిస్టర్ చేసుకోవాలంటే www.lava.co.in వెబ్‌సైట్‌లోకి వెళ్లి ‘రిజిస్టర్ యువర్ ఇంట్రెస్ట్’ లింక్ క్లిక్ చేయండి. మీ పేరు, సిటీ, మొబైల్ నంబర్ వంటి సాధారణ వివరాలు ఇవ్వండి. ఎంపిక అయితే కంపెనీ నుంచి ఈమెయిల్ వస్తుంది.
ఈ క్యాంపెయిన్‌తో కస్టమర్లకు లావా తన బ్రాండ్ పట్ల నమ్మకం కలిగిస్తోంది. కొనడానికి ముందే ఫోన్ టెస్ట్ చేయడం వల్ల యూజర్ల సందేహాలు తీరిపోతాయి. కంపెనీకి కూడా మంచి ఫీడ్‌బ్యాక్ వస్తుంది. ఇరు పక్షాలకు లాభమే! అందుకే ఇలాంటి పారదర్శకమైన ఆఫర్లు భవిష్యత్తులో లావాను మరింత పాపులర్ చేస్తాయి.
Also Read: హెడ్‌ఫోన్స్‌లో సమస్య వస్తే ఫ్రిజ్‌లో పెట్టండి.. వైరల్ అవుతున్న వింత ట్రెండ్
Share
Hidma Hometown: హిడ్మా సొంతూరు పూవర్తి.. మిడ్నైట్ దాడులు చేయడంలో దిట్ట.. ఏడు భాషలపై పట్టు
Best Bank For Home Loan:హోమ్ లోన్ తీసుకోవడానికి ఈ బ్యాంక్ బెస్ట్ ? ఈఎంఐ కూడా చాలా తక్కువ
