Old Phone Sale| చాలా మంది కొత్త స్మార్ట్ఫోన్ కొనుగోలు చేసిన తరువాత పాత ఫోన్ ఉపయోగించకుండా పెట్టేస్తారు. ఆ ఫోన్లు ఇంట్లో ఒక మూలలో పడి దుమ్ము పట్టిపోతాయి. కానీ ఆ పాత ఫోన్తోనే మీరు త్వరగా కాస్త డబ్బు సంపాదించవచ్చు. టెక్నాలజీ వేగంగా మారుతుంది. ప్రతి సంవత్సరం కొత్త ఫోన్లు వస్తాయి. అయినా పాత ఫోన్లు వెంటనే విలువ కోల్పోవు. సరైన రీతిలో విక్రయిస్తే మంచి ధర వస్తుంది. కాబట్టి ఫోన్ను ఎందుకు వృథా చేయాలి? దాన్ని డబ్బుగా మార్చండి.
ముందుగా ఫోన్ మొత్తం ఎలా ఉందో చూడండి. స్క్రీన్, బ్యాటరీ హెల్త్ కండీషన్, కెమెరా, దాని బాడీ అన్నీ బాగున్నాయా అని చెక్ చేయాలి. మంచి కండీషన్లో ఉంటే ఎక్కువ ధర వస్తుంది. చిన్న గీతలు కూడా ధర తగ్గిస్తాయి. చిన్న సమస్యలు ఉంటే సరిచేయడం మంచిది. బలహీనమైన బ్యాటరీ మార్చితే విలువ బాగా పెరుగుతుంది.
క్రాక్ అయిన స్క్రీన్ రిపేర్ చేస్తే కొనుగోలుదారులు ఎక్కువగా ఆకర్షితులవుతారు. ఒరిజినల్ బాక్స్, చార్జర్, బిల్లు ఉంటే అవి కూడా చూపించండి. ఇవి కొనేవారి నమ్మకం పెంచుతాయి. పూర్తి యాక్సెసరీస్, డాక్యుమెంట్లతో ఫోన్ విక్రయిస్తే మంచి డీల్ వస్తుంది.
Also Read: జియో, ఎయిర్టెల్, వొడాఫోన్.. మీ ప్రాంతంలో బలమైన నెట్వర్క్ ఏది? ఇలా చెక్ చేయండి
ఇండియాలో పాత ఫోన్లు అమ్మడానికి చాలా ఆన్లైన్ సైట్లు ఉన్నాయి. క్యాషిఫై, OLX, అమెజాన్ ఇండియా వంటివి సులభంగా ఫోన్ విక్రయించే అవకాశం ఇస్తాయి. ఈ సైట్లలో ఫోన్ మోడల్, కండీషన్ చూసి తక్షణం ధర చూపిస్తాయి. కొన్ని సైట్లు ఇంటికి వచ్చి ఫోన్ తీసుకుని డబ్బు ఇస్తాయి. మార్కెట్ వెళ్లాల్సిన అవసరం లేదు. స్థానిక మార్కెట్లో కూడా అమ్మవచ్చు. కొన్నిసార్లు లోకల్ కొనుగోలుదారులు ఆన్లైన్ కంటే ఎక్కువ ధర ఇస్తారు. స్నేహితులు, బంధువుల ద్వారా సేల్ చేస్తే మరింత మంచి రేటు రావచ్చు.
ఫోన్ విక్రయించే ముందు డేటా సెక్యూరిటీ చాలా ముఖ్యం. ముందుగా ఫోటోలు, కాంటాక్ట్స్, ఫైల్స్ బ్యాకప్ చేయండి. క్లౌడ్ స్టోరేజ్ లేదా మరో డివైస్కి ట్రాన్స్ఫర్ చేయండి. బ్యాకప్ అయ్యాక ఫ్యాక్టరీ రీసెట్ చేయండి. ఇలా చేస్తే అన్ని పర్సనల్ డేటా పూర్తిగా తొలగిపోతాయి. గూగుల్ లేదా యాపిల్ ఐడీ లాగౌట్ అవ్వండి. డేటా ప్రైవసీ ఇది చాలా కీలకం. డేటా తొలగించకుండా ఎవరికీ ఇవ్వకండి.
మరో మంచి మార్గం ఎక్స్చేంజ్ ఆఫర్లు. చాలా బ్రాండ్లు కొత్త ఫోన్ కొనేటప్పుడు పాత ఫోన్కు విలువ ఇస్తాయి. ఇక్కడ నేరుగా డబ్బు రాదు కానీ కొత్త ఫోన్పై డిస్కౌంట్ వస్తుంది. కొత్త ఫోన్ కొనాలనుకుంటే ఇది చాలా ఉపయోగకరం. మొత్తం ఖర్చు తగ్గుతుంది.
టైమింగ్ చాలా ముఖ్యం. కొత్త మోడల్ రాగానే పాత ఫోన్ ధర తగ్గిపోతుంది. కొత్త వెర్షన్ రాకముందే అమ్మేయండి. అప్పుడు మంచి ధర లభిస్తుంది. ఎక్కువ ఆలస్యం చేస్తే డబ్బు తక్కువ వస్తుంది.
Share
Bad Dreams: జబ్బు పడినప్పుడు చెడు కలలు ఎందుకు వస్తాయి ? దీని వెనక ఉన్న సైన్స్ ఏంటి ?
Meenakshi Chaudhary : బాలీవుడ్ లోకి మీనాక్షి ఎంట్రీ.. వర్కౌట్ అవుతుందా..?
