Vivo S50 Series: ప్రముఖ స్మార్ట్‌ఫోన్ కంపెనీ వివో నుంచి వచ్చే నెల(డిసెంబరు)లో రెండు కొత్త ఫోన్లు లాంచ్ అవ్వనున్నాయి. ఇవి వివో S50, వివో S50 ప్రో మినీ వెర్షన్లతో రానున్నట్లు సమాచారం. వివో S50 సిరీస్ స్నాప్‌డ్రాగన్ చిప్‌సెట్ ద్వారా పవర్ పొందుతుంది. ఫ్లాగ్‌షిప్ స్నాప్‌డ్రాగన్ 8 ఎలైట్ జెన్ 5 SoC కింద ఉంటుందని అంచనా. గతంలో రెండు ఫోన్ల డిస్‌ప్లే సైజులు, కెమెరా కాన్ఫిగరేషన్‌లు కూడా ఆన్‌లైన్‌లో దర్శనం ఇచ్చాయి. వివో S30, వివో S30 ప్రో మినీ కన్నా ఈ రెండూ భారీ అప్‌గ్రేడ్‌లను సూచిస్తున్నాయి. ఇప్పుడీ రెండు కొత్త ఫోన్ల ఫీచర్లు, డిజైన్లు ఎలా ఉండవచ్చనేది చూద్దాం.
డిసెంబరు నెలలో చైనాలో వివో S50 సిరీస్ ప్రారంభమయ్యే అవకాశం ఉంది. అంతేకాకుండా.. లైనప్ కొన్ని కీలక స్పెసిఫికేషన్లు కూడా ఇంటర్నెట్‌లో కనిపించాయి. వివో S50 సిరీస్ క్వాల్కమ్ స్నాప్‌డ్రాగన్ 8 జెన్ 5 చిప్‌సెట్ ద్వారా పవర్ పొందుతుంది. ఫ్లాగ్‌షిప్ 3nm ఆక్టా స్నాప్‌డ్రాగన్ 8 ఎలైట్ జెన్ 5 SoC కంటే.. తక్కువగా ఉంటుందని అంచనా.
Read Also: అస్సలు మిస్ చేసుకోవద్దు బ్రో.. ఆ శాంసంగ్ ఫోన్‌పై రూ.20వేల తగ్గింపు!
వివో S50 సిరీస్ బ్యాక్ సైడ్ సోనీ IMX882 ప్రైమరీ కెమెరా ఉండవచ్చు. సెక్యూరిటీ విషయానికొస్తే.. 3D అల్ట్రాసోనిక్ ఫింగర్ ప్రింట్ 2.0 సెన్సార్ కూడా ఉండొచ్చు. ఈ సిరీస్‌లోని ఫోన్లు ముందున్న వివో S30, వివో S30 ప్రో మినీ కంటే.. అప్‌గ్రేడ్ కోర్ ఎక్స్‌పీరియన్స్ అందిస్తాయట. లైనప్ మినిమలిస్ట్ డిజైన్‌ను కలిగి ఉంటుందని అంచనా.
వివో S50 ఫోన్ 1.5K రిజల్యూషన్‌తో 6.59-అంగుళాల డిస్‌ప్లే, 120Hz వరకు రిఫ్రెష్ రేట్‌ ఉండవచ్చు. ముందున్న 6.67-అంగుళాల 1.5K టచ్‌స్క్రీన్ కంటే.. తక్కువగా ఉండొచ్చు. వివో S50 ప్రో మినీ 6.31-అంగుళాల 1.5K అమోల్డ్ డిస్‌ప్లేతో 120Hz రిఫ్రెష్ రేట్‌ అందిస్తుంది. ఈ రెండు హ్యాండ్‌సెట్‌లు కూడా మెటల్ ఫ్రేమ్‌తో వస్తాయని నివేదికలు చెబుతున్నాయి. ఆప్టిక్స్ విషయానికి వస్తే.. వివో S50 బ్యాక్ సైడ్ ఫ్లాగ్‌షిప్ మిడ్‌సోల్ కాంటాక్ట్ ఇమేజ్ సెన్సార్‌తో కూడిన పెరిస్కోప్ టెలిఫొటో కెమెరా కలిగి ఉండవచ్చని సమాచారం.
వివో S30 ఆక్టా-కోర్ 4nm స్నాప్‌డ్రాగన్ 7 జెన్ 4 చిప్‌తో వస్తుంది. 12GB వరకు ర్యామ్, 512GB వరకు స్టోరేజీతో వస్తుంది. 50MP మెయిన్ కెమెరా, 50MP పెరిస్కోప్ టెలిఫొటో కెమెరా, బ్యాక్‌సైడ్ 8MP అల్ట్రావైడ్ కెమెరా కలిగి ఉంది. వివో S30 సెల్ఫీలు, వీడియో కాల్స్ కోసం 50MP ఫ్రంట్-ఫేసింగ్ కెమెరా, హోల్-పంచ్ కటౌట్‌ ఉండొచ్చని అంచనా.
Read Also: 8 రకాల సేవలతో ‘డాక్ సేవా’ యాప్.. గంటల తరబడి క్యూలో నిలబడే పనిలేదిక!
Share
Ipl 2026: ఐపీఎల్ 2026లో వేలంలోకి రాబోతున్న డేంజర్ ప్లేయర్.. లిస్ట్ లో రస్సెల్, పతిరనా
Morning Habits: రోజంతా ఫుల్ ఎనర్జీతో ఉండాలా ? అయితే ఈ అలవాట్లు తప్పకుండా పాటించండి
