Vivo T5x 5G| ప్రముఖ స్మార్ట్ఫోన్ కంపెనీ వివో తాజాగా భారతదేశంలో కొత్త ఫోన్ వివో T5x 5G సేల్స్ ప్రారంభించింది. ఈ మిడ్-రేంజ్ స్మార్ట్ఫోన్ ఇటీవలే ఇండియన్ మార్కెట్లో లాంచ్ అయిన సంగతి తెలిసిందే. కొనుగోలుదారులకు బ్యాంకు ఆఫర్లు, నో-కాస్ట్ ఈఎంఐ వంటి సౌకర్యాలు కూడా అందుబాటులో ఉన్నాయి.
ఈ ఫోన్ కొనుగోలు చేసే కస్టమర్లకు లాంచ్ ఆఫర్లో భాగంగా ఎంపిక చేసిన బ్యాంకు కార్డులపై రూ.2,000 తక్షణ డిస్కౌంట్ లభిస్తుంది. ఈ ఆఫర్ HDFC, ఎస్బీఐ, యాక్సిస్ బ్యాంకు క్రెడిట్ కార్డు లావాదేవీలకు వర్తిస్తుంది. అలాగే, కొనుగోలుదారులు ఆరు నెలల వరకు నో-కాస్ట్ ఈఎంఐ సదుపాయాన్ని కూడా ఎంచుకోవచ్చు. బడ్జెట్ పరిమితి ఉన్న కస్టమర్లు ఈ ఆఫర్లు మరింత అందుబాటు ధరలో పొందవచ్చు.
వివో T5x ర్యామ్, స్టోరేజ్ ఆధారంగా మూడు వేరియంట్లలో అందుబాటులో ఉంది.
6 GB రామ్+ 128 GB స్టోరేజ్ వేరియంట్ ధర రూ.18,999.
8 GB ర్యామ్ +128 GB స్టోరేజ్ వెర్షన్ ధర రూ.20,999.
ఇందులో హై స్టోరేజ్ వేరియంట్ 8 GB ర్యామ్+ 256 GB స్టోరేజ్ వేరియంట్ ధర రూ.22,999. ఈ బ్యాంక్ డిస్కౌంట్ ఆఫర్తో ధర మరింత తగ్గుతుంది.
ఈ ఫోన్లో 6.76 అంగుళాల పెద్ద ఫుల్ Hz ప్లస్ డిస్ప్లే ఉంది. దీని రిజల్యూషన్ 2408*1080 పిక్సెల్స్. 120Hz డిస్ప్లే రిఫ్రెష్ రేట్ సపోర్ట్ చేస్తుంది. ఇది చాలా స్మూత్ పనితీరును అందిస్తుంది. ఇది 1200 నిట్ల పీక్ బ్రైట్నెస్ను కూడా అందిస్తుంది. ఫోన్ 8.39 మిల్లీమీటర్ల మందంతో సన్నని డిజైన్ కలిగి ఉంది, కానీ దీని బరువు దాదాపు 219 గ్రాములు ఉంటుంది.
ఈ స్మార్ట్ఫోన్ పవర్ఫుల్ ఆక్టా-కోర్ ప్రాసెసర్తో పనిచేస్తుంది. ఇందులో 4nm టెక్నాలజీపై రూపొందించిన మీడియాటెక్ డైమెన్సిటీ 7400 టర్బో ప్రాసెసర్ చిప్సెట్ ఉపయోగించారు. ఈ ప్రాసెసర్ సమర్థవంతమైన పనితీరు, మెరుగైన పవర్ మేనేజ్మెంట్ నిర్ధారిస్తుంది. ఇది మల్టీటాస్కింగ్, గేమింగ్, రోజువారీ వినియోగాన్ని సజావుగా నిర్వహించగలదు.
వివో T5x డ్యుయల్ రియర్ కెమెరా సిస్టమ్ ఉంది. ఇందులో 50 MP ప్రైమరీ కెమెరా, పోర్ట్రెయిట్ షాట్ల కోసం 2 MP డెప్త్ సెన్సార్ ఉన్నాయి. ఫ్రంట్ కెమెరా సెల్ఫీలు, వీడియో కాల్స్ కోసం 32MP రిజల్యూషన్ అందిస్తుంది.
ఈ ఫోన్ భారీ 7,200mAh బ్యాటరీని కలిగి ఉంది. ఇది తరచుగా ఛార్జింగ్ అవసరం లేకుండా దీర్ఘకాలం వినియోగానికి మద్దతు ఇస్తుంది. ఫోన్ 44W ఫాస్ట్ ఛార్జింగ్ టెక్నాలజీకి సపోర్ట్ చేస్తుంది. ఈ ఫాస్ట్ ఛార్జింగ్ ఎమర్జెన్సీ సమయంలో అవసరమైనప్పుడు బ్యాటరీని త్వరగా ఛార్జ్ చేసుకోవడానికి సహాయపడుతుంది.
ఈ పరికరం MIL-STD-810H సర్టిఫికేషన్తో హై డ్యూరెబిలిటీ కోసం రూపొందించబడింది. ఇది కఠినమైన పరిస్థితులు, రఫ్ యూజ్ చేసినా తట్టుకోగలదు. అలాగే ఫోన్కు IP68, IP69 రేటింగ్లు కూడా ఉన్నాయి. అంటే ఫోన్ నీటిలో పడినా, ఫోన్లో దుమ్ము చేరినా డ్యామేజ్ జరగదు. సైడ్లో ఫింగర్ప్రింట్ సెన్సార్ కూడా ఉంది.
Also Read: తక్కువ కరెంట్ వినియోగం, ఎక్కువ లైఫ్.. ఇన్వర్టర్ ఫ్రిజ్తో ఎన్ని లాభాలో
వివో T5x 5G తక్కువ ధరలోనే బలమైన ఫీచర్లను అందిస్తోంది. ప్రస్తుతం ఉన్న డిస్కౌంట్, ఈఎంఐ ఆఫర్లు దీన్ని కొనుగోలుదారులకు మంచి వ్యాల్యూ డీల్గా మార్చాయి. మంచి పర్ఫామెన్స్, పెద్ద బ్యాటరీ, మన్నిక కోరుకునే వారికి ఇది సరైన ఆప్షన్.
Share
RCB-Aryaman Birla: రూ.16,706 కోట్లకు RCBని కొనేసిన రాజస్థాన్ రాయల్స్ ప్లేయర్, ఇంతకు ఎవరీ ఆర్యమన్ బిర్లా ?
Dil Raju: ‘దేత్తడి’ కథ పుట్టడానికి కారణం ఎవరంటే?
