Netflix: ప్రముఖ ఓటీటీ ప్లాట్ఫామ్ నెట్ఫ్లిక్స్ మరో సరికొత్త విప్లవానికి తెరలేపింది. ఇప్పటివరకు కేవలం మనకు నచ్చిన సినిమాలు, షోలను చూసి ఎంజాయ్ చేసేవాళ్లం. కానీ ఇకపై మనం చూసే షోల ఫలితాలను కూడా మనమే డిసైడ్ చేయవచ్చు. షోలో ఏం జరగాలో మనం డిసైడ్ చేయడం ఏంటి.. అని ఆశ్చర్యపోతున్నారా? మీరు విన్నది నిజమే. తాజాగా నెట్ఫ్లిక్స్ తీసుకొచ్చిన ‘Real Time Voting’ ఫీచర్ ద్వారా ప్రేక్షకులు షో చూస్తూనే, లైవ్ ఓటింగ్లో పాల్గొనవచ్చు. అదెలాగో ఇప్పుడు చూసేద్దాం..
సాధారణంగా నెట్ఫ్లిక్స్లో ఏదైనా షో లేదా సినిమా నచ్చితే థంబ్స్ అప్ ఇవ్వడం, నచ్చకపోతే థంబ్స్ డౌన్ చేయడం మనకు తెలుసు. అయితే కొత్తగా వచ్చిన ఈ రియల్ టైమ్ ఓటింగ్ ఫీచర్ అంతకుమించి ఉండబోతోంది. లైవ్ స్ట్రీమింగ్ జరుగుతున్న టైంలోనే ప్రేక్షకులు ఓటు వేసి, షోలోని మెంబర్లను లేదా స్టోరీలో మార్పులు తీసుకొచ్చే అవకాశం ఉంటుంది. అంటే.. తెరపై ఏం జరగాలో కూడా రిమోట్ ద్వారా మీరే నిర్ణయించే అవకాశం నెట్ఫ్లిక్స్ కల్పించిందన్నమాట.
Also Read: స్నాప్డ్రాగన్ 8 జెన్ 5తో వచ్చిన తొలి ఫోన్.. మోటొరోలా సిగ్నేచర్ ఫీచర్లు చూస్తే మైండ్ పోతుంది భయ్యా!
ఈ ఫీచర్ను నెట్ఫ్లిక్స్ ఈనెల 21న Star Search అనే లైవ్ షో ద్వారా ప్రపంచవ్యాప్తంగా అందుబాటులోకి తెచ్చింది. అలాగే ఈ ఫీచర్ను ఉపయోగించుకోవాలంటే.. టీవీ ద్వారా నెట్ఫ్లిక్స్ చూస్తున్నట్లయితే మీ రిమోట్ ద్వారా ఓటు వేయొచ్చు. లేదా మొబైల్ యూజర్ అయితే స్క్రీన్పై వచ్చే ఆప్షన్లను ట్యాప్ చేయడం ద్వారా ఓటింగ్ ప్రక్రియలో పాల్గొనవచ్చు. అయితే, వెబ్ బ్రౌజర్లో నెట్ఫ్లిక్స్ చూసే వారికి ప్రస్తుతానికి ఈ సౌకర్యం అందుబాటులో లేదు. అలాగే ఒక ఐడీ నుంచి ఒక్కసారి మాత్రమే ఓటు వేసే అవకాశం ఉంటుంది.
భవిష్యత్తులో మరిన్ని రియాలిటీ షోలు, లైవ్ ఈవెంట్లలో ఈ Real Time Votingను విస్తరిస్తామని నెట్ఫ్లిక్స్ ప్రకటించింది. కేవలం ప్రేక్షకుల్లా చూసి ఊరుకోకుండా.. షోలో భాగస్వాములు అయ్యే ఈ విధానం స్ట్రీమింగ్ రంగంలో సరికొత్త ట్రెండ్ను సృష్టించబోతోంది. ఇకపై నెట్ఫ్లిక్స్ లైవ్ షోల భవిష్యత్తు పూర్తిగా ప్రేక్షకుల చేతుల్లోనే ఉండనుంది.
Also Read: కెమెరా కింగ్ ఒప్పో ఫైండ్ X8 ప్రోపై ఏకంగా రూ.18వేల తగ్గింపు.. అమెజాన్ సేల్ ఆఫర్ ఫుల్ డీటెయిల్స్!
Share
BRS: జూబ్లీహిల్స్ పీఎస్ వద్ద హైడ్రామా.. కేటీఆర్ విడుదల కోసం బీఆర్ఎస్ విద్యార్థి విభాగం ఆందోళన!
Coconut Fried rice: కొబ్బరి ఫ్రైడ్ రైస్ ఇలా చేశారంటే ప్లేటు మొత్తం ఖాళీ అయిపోతుంది
