Washing Machine Tips: వాషింగ్ మెషీన్‌ను రోజూ వాడుతాం కానీ దాన్ని శుభ్రం చేయడం మాత్రం చాలామంది మర్చిపోతుంటారు. నీరు, డిటర్జెంట్, చెమట, జుట్టు, దుమ్ము, మురికి వంటివి మెషీన్‌లోని కొన్ని భాగాల్లో పేరుకుపోతాయి. దీంతో కొంతకాలానికి దుర్వాసన రావచ్చు. సాధారణంగా నెలకు ఒకసారి లేదా 30 నుంచి 40 వాష్‌లకు ఒకసారి మెషీన్‌ను శుభ్రం చేయడం మంచిది.
బట్టలు శుభ్రంగా వచ్చినంత మాత్రాన మెషీన్ కూడా క్లీన్‌గా ఉందని కాదు. డ్రమ్, రబ్బరు సీల్ దగ్గర డిటర్జెంట్ మిగులు, తేమ, మురికి పేరుకుపోవచ్చు. మీ మెషీన్‌లో Drum Clean లేదా Tub Clean ఆప్షన్ ఉంటే ఖాళీ డ్రమ్‌తో నెలకు ఒకసారి నడపడం మంచిది.
మెషీన్‌ను ఎక్కువగా వాడితే క్లీనింగ్ అవసరం కూడా త్వరగా రావచ్చు. కొన్ని వర్ల్‌పూల్ మోడళ్లలో 30 వాష్‌ల తర్వాత క్లీనింగ్ చేయాలని సూచిస్తారు. శాంసంగ్‌లోని కొన్ని మోడళ్లలో 40 వాష్‌ల తర్వాత డ్రమ్ క్లీనింగ్ రిమైండర్ వస్తుంది. కాబట్టి.. మీ మెషీన్ మాన్యువల్‌లో ఇచ్చిన సూచనలనే ఫాలో అవ్వాలి.
Also Read: రక్తంలో చక్కెర పెరగకుండా ఉండాలంటే ఆపిల్ తినాలా? పియర్ తినాలా?
మెషీన్ నుంచి దుర్వాసన రావడం, బట్టలు ఉతికిన తర్వాత కూడా ఫ్రెష్‌గా అనిపించకపోవడం లేదా రబ్బరు సీల్ దగ్గర మురికి కనిపిస్తే వెంటనే క్లీనింగ్ చేయాలి. నెల పూర్తయ్యే వరకు వేచి ఉండాల్సిన అవసరం లేదు. మెషీన్ వాడిన తర్వాత తలుపును కొంతసేపు తెరిచి ఉంచితే లోపల తేమ తగ్గుతుంది.
డ్రమ్‌తో పాటు డిటర్జెంట్ డ్రాయర్, రబ్బరు సీల్, ఫిల్టర్ కూడా శుభ్రంగా ఉంచాలి. ఫిల్టర్‌ను ఎంత తరచుగా శుభ్రం చేయాలనేది మోడల్‌ను బట్టి మారుతుంది. మొత్తంగా చూస్తే నెలకు ఒకసారి క్లీనింగ్ చేయడం మంచి అలవాటు. అయితే మీ వాషింగ్ మెషీన్ మాన్యువల్‌లో ఉన్న సూచనలకే మొదటి ప్రాధాన్యం ఇవ్వాలి.
Also Read: AIతో పెరుగుతున్న సైబర్ మోసాలు.. మీ డబ్బు, వ్యక్తిగత సమాచారాన్ని కాపాడుకోండిలా!
Share
మేడ్చల్ ఓఆర్ఆర్ పై ఘోర ప్రమాదం.. ఆగి ఉన్న లారీని ఢీకొట్టిన లారీ!
27 సార్లు గర్భం.. 69 మంది పిల్లలు.. ప్రపంచంలోనే ఎక్కువ మంది పిల్లల్ని కన్న తల్లి ఈమే!
