Unlimited 5G Data Packs: స్మార్ట్‌ఫోన్ల వినియోగం దేశంలో విపరీతంగా పెరిగింది. అనేక రకరకాల సరికొత్త ఫీచర్లతో కొత్త స్మార్ట్‌ఫోన్లను కంపెనీలు మార్కెట్‌లో లాంచ్ చేస్తున్నాయి. ఈ నేపథ్యంలో ఇంటర్నెట్ వినియోగం కూడా మరింత పెరిగింది. దీంతో మొబైల్ నెట్వర్క్ కంపెనీలు కూడా పోటీపడి మరి డేటాను అందజేస్తున్నాయి. మెరుగైన సేవలను అందిస్తున్నాయి. వినియోగదారుల అవసరాలకు తగ్గట్టుగా రీచార్జ్ ప్లాన్‌లను తీసుకొస్తున్నాయి.
దేశంలో ఐపిల్ సందడి మొదలైంది. క్రికెట్ మ్యాచ్‌లు చాలా ఉత్సాహంగా జోరుగా జరుగుతున్నాయి. ఎక్కువ యువత స్మార్ట్‌ఫోన్లకు అతుక్కుపోయి మ్యాచ్‌లు చూస్తున్నారు. దీంతో డేటా వినియోగం బాగా పెరిగింది. కాబట్టి మ్యాచ్ చూసేందుకు అధిక మొత్తంలో వెచ్చించాల్సి వస్తోంది. అందువల్ల టెలికాం కంపెనీలు అదిరిపోయే ఆఫర్లను ప్రకటించాయి. మీ దగ్గర 5జీ నెట్వర్క్ సిమ్ కార్డ్ ఉండే అన్‌లిమిటెడ్ 5జీ డేటాను పొందొచ్చు. ఇప్పుడు ఆఫర్ చేస్తున్న కంపెనీలు ఎంటి? ఆ వివరాలు తెలుసుకోండి?
ఎయిర్‌టెల్ రూ. 239
ఈ ప్లాన్‌తో అన్‌లిమిటెడ్ 5జీ డేటా లభిస్తుంది. దీనితో పాటు అపరిమితమైన కాలింగ్, 200 జీబీ డేటా రోల్‌ఓవర్, రోజూ 1 జీబీ 4జీ డేటా, రోజుకు 100 ఎస్ఎమ్ఎస్లు పొందవచ్చు. ఈ ప్లాన్ వ్యాలిడీటి 24రోజుల వరకు ఉంటుంది.
రిలయన్స్ జియో రూ. 239
ఈ ప్రీపెయిడ్ ప్లాన్‌తో అన్‌లిమిటెడ్ 5జీ డేటా పొందొచ్చు. అన్‌లిమిటెడ్ కాలింగ్,రోజుకు 1.5 జీబీ 4జీ డేటా, రోజుకు 100 ఎస్ఎమ్ఎస్లు సెండ్ చేయొచ్చు. ఈ ప్లాన్ వ్యాలిడీటి 28 రోజులు.
Also Read: జియోతో పోటీకి సిద్ధమవుతున్న అదానీ.. ఫ్రీగా 5జీ ఇంటర్నెట్..?
ఎయిర్ టెల్ రూ.265
ఈ ప్రీ పెయిడ్ ప్లాన్‌లో అన్ లిమిటెడ్ కాలింగ్ ఉంటుంది. ఈ ప్లాన్ 28 రోజులు పాటు ఉంటుంది. అలానే రోజూ 1 జీబీ 4జీ డేటా ఎంజాయ్ చేయొచ్చు.
జియో రూ.249
ఈ ప్రీపెయిడ్ ప్లాన్ అన్‌లిమిటెడ్ 5జీ డేటాను ఇస్తుంది. దీని వ్యాలిడీటి 23 రోజులు ఉంటుంది. అపరిమిత కాలింగ్ వంద ఎస్ఎమ్ఎస్లు పొందవచ్చు.
ఎయిర్ టెల్ రూ.295
ఈ ప్రీపెయిడ్ ప్లాన్‌పై 25 జీబీ డేటా వస్తుంది. అలానే అన్‌లిమిటెడ్ 5జీ డేటా కూడా ఎంజాయ్ చేయొచ్చు. ఈ ప్లాన్ వ్యాలిడీటి 30 రోజుల పాటు ఉంటుంది. రోజుకు వంద ఎస్ఎమ్ఎస్లు లభిస్తాయి.
రిలయన్స్ జియో రూ.259
ఈ ప్లాన్‌లో అన్ లిమిటెడ్ 5జీ డేటా లభిస్తుంది. అన్‌లిమిటెడ్ కాలింగ్ కూడా ఉంటుంది. 1.5 జీబీ 4జీ డేటా అదనంగా పొందొచ్చు. రోజకు వంద ఎస్ఎమ్ఎస్లు లభిస్తాయి.
జియో రూ.299
ఈ ప్లాన్‌పై అన్‌లిమిటెడ్ 5జీ డేటా వస్తుంది. అపరిమితమైన కాలింగ్ కూడా ఎంజాయ్ చేయొచ్చు. రోజుకు 2జీబీ డేటాతో పాటు 100 ఎస్ఎమ్ఎస్ లు లభిస్తాయి. 28 రోజులు పాటు ప్లాన్ అందుబాటులో ఉంటుంది.
Share
AP CM Jagan: చంద్రబాబుకు ఓటు వేస్తే పదేళ్లు వెనక్కి వెళ్లిపోతాం.. సీఎం జగన్
Thalaivar171: తలైవర్ తో లోకేష్.. విక్రమ్ ను మించి ఉండాలి రాజా
