Thalaivar171: కోలీవుడ్ లో మాస్ కాంబో రెడీ అయ్యిపోయింది మావా.. ఎప్పుడెప్పుడు ఈ కాంబో ఓకే అవుతుందా అని ఫ్యాన్స్ ఎంతోకాలంగా ఎదురుచూస్తున్నారు. ఎట్టకేలకు ఆ సమయం రానే వచ్చింది. కోలీవుడ్ స్టార్ డైరెక్టర్ లోకేష్ కనగరాజ్- రజినీ కథ కాంబో సెట్ అయ్యింది. లోకేష్ ఈ మధ్యనే లియో సినిమాతో మంచి హిట్ ను అందుకున్నాడు. ఇక కమల్ కు విక్రమ్ తో హిట్ ఇచ్చింది లోకేష్ నే. ఇక ఇప్పుడు రజినీ వంతు. తలైవర్ 171 పేరుతో ఈ సినిమాను మేకర్స్ ప్రకటించారు. ఇక ఈ చిత్రాన్ని సన్ పిక్చర్స్ బ్యానర్ పై కళానిధి మారన్ నిర్మిస్తున్నాడు.
తాజాగా ఈ సినిమా నుంచి ఒక పోస్టర్ ను రిలీజ్ చేసిన మేకర్స్.. ఏప్రిల్ 22 న టైటిల్ ఫస్ట్ లుక్ ను రిలీజ్ చేస్తామని తెలిపారు. ఇక ఈ పోస్టర్ లో రజినీ బ్లాక్ అండ్ వైట్ థీమ్ లో కనిపించగా.. బంగారు వాచ్ లను సంకెళ్లుగా పెట్టినట్లు చూపించారు. ఇక ఈ లుక్ లో తలైవా అల్ట్రా స్టైలిష్ లుక్ లో అదరగొట్టేశాడు. గాగుల్స్.. డెనిమ్ షర్ట్ గుండీలు తీసి.. మెడలో లాకెట్.. అసలు నెక్స్ట్ లెవెల్ ట్రాన్సఫార్మేషన్ అని చెప్పాలి. ప్రస్తుతం ఈ పోస్టర్ నెట్టింట వైరల్ గా మారింది.
ఇక ఈ సినిమాపై అభిమానులు భారీగా అంచనాలను పెట్టుకున్నారు. జైలర్ తరువాత రజినీ ఆ రేంజ్ హిట్ అందుకున్నది లేదు. ఇక ఈ మధ్య రిలీజ్ అయిన లాల్ సలాం కూడా ఆశించిన ఫలితాన్ని అందుకోలేదు. దీంతో రజినీ ఫ్యాన్స్ ఆశలన్నీ ఈ సినిమాపైనే పెట్టుకున్నారు. కమల్ కు విక్రమ్ ఇచ్చినట్లు.. రజినీకి అంతకు మించి ఇవ్వాలి లోకేష్ మావా అంటూ అభిమానులు కామెంట్స్ పెడుతున్నారు. ఈ సినిమా కాకుండా రజినీ చేతిలో వేటాయాన్ సినిమా ఉంది. మరి ఈ సినిమాలతో రజినీ ఎలాంటి విజయాన్ని అందుకుంటాడో చూడాలి.
Share
Unlimited 5G Data Packs: ఐపీఎల్.. ఈ ప్లాన్స్‌‌తో వాడుకున్నోలకి వాడుకున్నంత 5జీ డేటా..!
Bullet Train: బుల్లెట్ ట్రైన్ పరుగులు తీసే ట్రాక్ ఇదే.. వీడియో రిలీజ్
