Xiaomi Buds 6: షియోమీ తన ప్రీమియం ఆడియో వేరబుల్స్ లైనప్లో భాగంగా Xiaomi Buds 6ను అధికారికంగా విడుదల చేసింది. అత్యుత్తమ సౌండ్ అనుభూతిని అందించడమే లక్ష్యంగా రూపొందించిన ఈ కొత్త ఇయర్బడ్లు.. ప్రస్తుతం చైనీస్ మార్కెట్లో అందుబాటులోకి వచ్చాయి.
ఈ బడ్స్లో 24K గోల్డ్ ప్లేటెడ్ డయాఫ్రాగమ్తో కూడిన కస్టమ్ ట్రిపుల్ మాగ్నెట్ డైనమిక్ డ్రైవర్ సిస్టమ్ను ఉపయోగించారు. దీనికి తోడుగా, ఆడియో నాణ్యతను మరింత మెరుగుపరిచేందుకు Harman ట్యూనింగ్ను కూడా అందించారు. దీని వల్ల క్లియర్ వోకల్స్తో పాటు డీప్ బాస్ను ఆస్వాదించవచ్చని కంపెనీ చెబుతోంది.
ఇక డిజైన్ పరంగా చూస్తే.. షియోమీ బడ్స్ 6 సెమీ-ఇన్-ఇయర్ డిజైన్లో వస్తాయి. ప్రతి ఇయర్బడ్ కేవలం 4.4 గ్రాముల బరువు మాత్రమే ఉండటంతో, ఎక్కువసేపు ధరించినా అసౌకర్యం కలగకుండా ఉండేలా బయోమెట్రిక్ కర్వ్ ఆకారంలో డిజైన్ చేశారు. అలాగే ఛార్జింగ్ కేస్ను కాంపాక్ట్ పెబుల్ స్టైల్లో రూపొందించారు.
Also Read: అమెజాన్ డీల్ అదిరింది.. రియల్మీ 14X 5G ఫోన్ ఇప్పుడు బడ్జెట్లో 50MP కెమెరాతో!
ఈ Xiaomi Buds 6 ఫీచర్ల విషయానికి వస్తే.. ఇవి యాక్టివ్ నాయిస్ క్యాన్సిలేషన్(ANC) కు సపోర్ట్ చేస్తాయి. అలాగే, ఇండిపెండెంట్ రికార్డింగ్ సిస్టమ్ ద్వారా రియల్ టైమ్లో ట్రాన్స్క్రిప్షన్ చేసే సదుపాయం కూడా ఉంది. అదనంగా, Xiaomi Find, Apple Find వంటి ఫీచర్లకు కూడా ఇవి అనుకూలంగా పనిచేస్తాయి.
బ్యాటరీ లైఫ్ కూడా ఈ సెగ్మెంట్లో ఆకట్టుకునేలా ఉంది. ANC ఆఫ్లో ఉంటే.. మొత్తం మీద 35 గంటల వరకు బ్యాటరీ బ్యాకప్ అందుతుందని కంపెనీ వెల్లడించింది. అదే ANC ఆన్ చేస్తే, దాదాపు 20 గంటల బ్యాటరీ లైఫ్ లభిస్తుంది. అలాగే డస్ట్, వాటర్ రెసిస్టెన్స్ కోసం వీటికి IP54 రేటింగ్ కూడా ఉంది.
షియోమీ బడ్స్ 6ను రూ. 8,500 విడుదల చేశారు. ఇవి నెబ్యులా పర్పుల్, పెర్ల్ వైట్, టైటానియం గోల్డ్, మూన్ షాడో బ్లాక్ అనే నాలుగు ఆకర్షణీయమైన కలర్ ఆప్షన్లలో లభిస్తున్నాయి. వినియోగదారులు వీటిని కంపెనీ అధికారిక వెబ్సైట్ ద్వారా కొనుగోలు చేయవచ్చు.
Also Read: గేమింగ్ ఫోన్లలో నెక్ట్స్ లెవల్ పెర్ఫార్మెన్స్.. 16GB RAM, 9000mAh బ్యాటరీతో వన్ప్లస్ కొత్తఫోన్!
Share
SA T20 League 2026 : రికెల్టన్ సెంచరీ వృథా.. డర్బన్ సూపర్ జెయింట్స్ బోణీ..!
Vanaveera film: వనవీర ప్రీ క్లైమాక్స్ లో స్టార్ హీరో క్యామియో.. ఈ ట్విస్ట్ ఏంటీ?
