OnePlus Turbo: గేమింగ్ ఫోన్లలో నెక్ట్స్ లెవల్ పెర్ఫార్మెన్స్.. 16GB RAM, 9000mAh బ్యాటరీతో వన్‌ప్లస్ కొత్తఫోన్!

OnePlus Turbo: త్వరలో చైనాలో సరికొత్త ‘OnePlus Turbo’ సిరీస్‌ విడుదల కానుంది. ఈ స్మార్ట్‌ఫోన్లను ప్రధానంగా గేమింగ్ లవర్స్ కోసం రూపొందించినట్లు కంపెనీ తెలిపింది. ఇప్పటి వరకు కంపెనీ ఈ ఫోన్ల పూర్తి స్పెసిఫికేషన్లు, ధరలు, లాంచ్ తేదీలను ఎక్కడా అధికారికంగా తెలియజేయలేదు. అయితే ఈ ఫోన్ గురించి తాజాగా కొన్ని లీక్స్ వెలువడ్డాయి. వాటి ద్వారా త్వరలో మార్కెట్‌లోకి రాబోతున్న Turbo సిరీస్ గురించి కొన్ని కీలక వివరాలు తెలుసుకుందాం.

బెంచ్‌మార్క్ లీక్‌ల ప్రకారం.. OnePlus Turbo ఆక్టా-కోర్ ARMv8 చిప్‌సెట్‌తో వస్తుంది. అలాగే టెక్ నిపుణుల అంచనా ప్రకారం.. ఇది క్వాల్కమ్ స్నాప్డ్రాగన్ 8s Gen 4 ప్రాసెసర్ కావచ్చు. ఈ ప్రాసెసర్‌లో 3.21GHz ప్రైమ్ కోర్, మూడు పెర్ఫార్మెన్స్ కోర్లు, నాలుగు ఎఫిషియెన్సీ కోర్లు ఉంటాయి. గ్రాఫిక్స్ కోసం Adreno 825 GPU మద్దతు అందిస్తుంది.

Also Read: రూ.11,999కే వివో T4 Lite 5G స్మార్ట్‌ఫోన్.. సేల్ కొద్దిరోజులు మాత్రమే ఉంటుంది బాసూ!

16GB ర్యామ్:

లీక్ లిస్టింగ్‌లో ఈ ఫోన్ 14.81GB RAMను కలిగి ఉంటుందని తెలుస్తోంది. అయితే బిజినెస్ వర్షన్ 16GB RAMతో రానుందని ఊహాగానాలు ఉన్నాయి. అలాగే ఈ వన్‌ప్లస్ టర్బో Android 16 ఆపరేటింగ్ సిస్టమ్‌పై పని చేస్తుంది. దీంతో గేమింగ్, మల్టీటాస్కింగ్ అనుభవం సులభతరం అవుతుంది.

లాంచింగ్ అప్పుడే:

టెక్ వర్గాల అంచనాల ప్రకారం.. ఈ ఫోన్ వచ్చే ఏడాది జనవరిలో చైనా మార్కెట్‌లో లాంచ్ అయ్యే అవకాశం ఉంది. వన్‌ప్లస్ చైనా ప్రెసిడెంట్ లి జీ లూయిస్ వీబో ద్వారా ఈ సిరీస్ అభివృద్ధి దశలో ఉందని ధృవీకరించారు. ఈ కొత్త సిరీస్ వన్‌ప్లస్ గురించి కంపెనీ 12వ వార్షికోత్సవ వేడుకల్లో కూడా ప్రస్తావించిన విషయం తెలిసిందే.

OnePlus Turbo స్పెసిఫికేషన్స్:

ప్రస్తుతం లీక్ అయిన సమాచారం ప్రకారం.. వన్‌ప్లస్ టర్బో సిరీస్‌లోని ఒక మోడల్ OnePlus Ace 6 Turbo పేరుతో రాబోతోంది. ఇందులో 9,000mAh బారీ బ్యాటరీ, 6.78 అంగుళాల LTPS OLED డిస్‌ప్లే, 1.5K రిజల్యూషన్, 144Hz లేదా 165Hz రిఫ్రెష్ రేట్ ఉండే అవకాశం ఉంది. ఈ కొత్త ఫీచర్లు గేమింగ్ లవర్స్‌ను ప్రత్యేకంగా ఆరర్షించే అవకాశం ఉంది.

భారీ అంచనాలు:

ఇకపోతే వన్‌ప్లస్ టర్బో సిరీస్ ఫోన్లలోని భారీ బ్యాటరీ.. హై రిఫ్రెష్ రేట్ డిస్‌ప్లే, పవర్‌ఫుల్ చిప్‌సెట్ గేమింగ్ అనుభవాన్ని మరింత మెరుగ్గా చేస్తుంది. అయితే కంపెనీ నుంచి ఇంకా అధికారిక ప్రకటన చేయలేదు. ఇప్పటికే భారీ అంచనాలతో విడుదలకు సిద్ధమైన ఈ ఫోన్ కోసం వన్‌ప్లిస్ యూజర్లు ఆసక్తిగా ఎదురుచూస్తున్నారు.

Also Read: అమెజాన్‌ డీల్ అదిరింది.. రియల్‌మీ 14X 5G ఫోన్ ఇప్పుడు బడ్జెట్‌లో 50MP కెమెరాతో!